ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌
ಐಪಿಎಲ್ ಗೆ ಕಾಲಿಟ್ಟಿದ್ದ ಗುಜರಾತ್ ಟೈಟಾನ್ಸ್ ತಂಡ ತನ್ನ ಮೊದಲ ಸೀಸನ್ನಲ್ಲೇ ಚಾಂಪಿಯನ್ ಆಗಿ ಹೊರಹೊಮ್ಮಿದ ವಿಚಾರ ಎಲ್ಲರಿಗು ಗೊತ್ತಿರುವ ವಿಷಯ.
ಪಾಂಡ್ಯ ನಾಯಕತ್ವದಲ್ಲಿ ಈ ತಂಡ ಟ್ರೋಪಿ ಗೆದ್ದಿತ್ತಾದರೂ, ಈ ತಂಡದ ಗೆಲುವಿಗೆ ಪ್ರಮುಖ ಕಾರಣ ಈ ತಂಡದಲ್ಲಿದ್ದ ಪ್ರತಿಯೊಬ್ಬ ಆಟಗಾರನು ನೀಡಿದ 100 ಪ್ರತಿಶತ ಪ್ರದರ್ಶನ. ಅಂತಹ ಆಟಗಾರರ ಪೈಕಿ ಟೀಂ ಇಂಡಿಯಾದ ಯುವ ಓಪನರ್ ಶುಭ್ಮನ್ ಗಿಲ್ ಒಬ್ಬರು. ಆದರೆ ಗುಜರಾತ್ ಫ್ರಾಂಚೈಸ್ ಶನಿವಾರ ಮಾಡಿರುವ ಟ್ವೀಟ್ನಿಂದ ಇಡೀ ಕ್ರಿಕೆಟ್ ಅಭಿಮಾನಿಗಳು ಶಾಕ್ಗೆ ಒಳಗಾಗಿದ್ದಾರೆ.
ಶನಿವಾರ ಸಂಜೆ ಗುಜರಾತ್ ಫ್ರಾಂಚೈಸಿ ಅಚ್ಚರಿಯ ಟ್ವೀಟ್ ಮಾಡಿದ್ದು, ಈ ಟ್ವೀಟ್ ನೋಡಿದವರೆಲ್ಲ ಗಿಲ್ ಜತೆಗಿನ ಸಂಬಂಧವನ್ನು ಗುಜರಾತ್ ಕಡಿದುಕೊಂಡಿದೆ ಎಂದು ಭಾವಿಸುತ್ತಿದ್ದಾರೆ.
ಗಿಲ್ ಕೂಡ ಈ ಟ್ವೀಟ್ ಅನ್ನು ರಿಟ್ವೀಟ್ ಮಾಡಿದ್ದು, ‘ಈ ಪ್ರಯಾಣವು ಸ್ಮರಣೀಯವಾಗಿದೆ ಎಂದು ಬರೆದುಕೊಂಡಿದ್ದಾರೆ. ಅಷ್ಟಕ್ಕೂ ಗುಜರಾತ್ ಮಾಡಿರುವ ಟ್ವೀಟ್ ಏನೆಂದರೆ, ಇದು ನೆನಪಿಟ್ಟುಕೊಳ್ಳುವಂತಹ ಜರ್ನಿಯಾಗಿದೆ. ನಿಮ್ಮ ಮುಂದಿನ ಪ್ರಯತ್ನಕ್ಕೆ ನಾವು ಶುಭ ಹಾರೈಸುತ್ತೇವೆ ಶುಭಮನ್ ಗಿಲ್ ಎಂದು ಗುಜರಾತ್ ಟ್ವೀಟ್ ಮಾಡಿದೆ.
It’s been a journey to remember. We wish you all the best for your next endeavour, @ShubmanGill!#AavaDe
— Gujarat Titans (@gujarat_titans) September 17, 2022
ಗುಜರಾತ್‌ನ ಈ ಟ್ವೀಟ್ನಿಂದ ಫ್ರಾಂಚೈಸ್, ಗಿಲ್ ಜೊತೆಗಿನ ಸಂಬಂಧವನ್ನು ಮುರಿಯಲು ಮನಸ್ಸು ಮಾಡಿದ್ದು, ಗಿಲ್ ಅವರನ್ನು ಮತ್ತೊಂದು ಫ್ರಾಂಚೈಸಿಗೆ ಹಸ್ತಾಂತರಿಸಲು ಸಿದ್ಧವಾಗಿದೆ ಎಂದು ತೋರುತ್ತದೆ. ಇದೇ ವೇಳೆ ಗಿಲ್ ಕೂಡ ಈ ಟ್ವೀಟ್ಗೆ ರಿಟ್ವೀಟ್ ಮಾಡಿದ್ದು, ಅವರು ಕೂಡ ಈ ನಿರ್ಧಾರವನ್ನು ಒಪ್ಪಿಕೊಂಡು ತಂಡವನ್ನು ತೊರೆಯಲು ಸಿದ್ಧರಾಗಿದ್ದಾರೆ ಎಂದು ತೋರುತ್ತದೆ. ಆದರೆ ಈ ವಿಷಯದ ವಾಸ್ತವ ಏನೆಂಬುದರ ಬಗ್ಗೆ ಇನ್ನು ಏನೂ ಸ್ಪಷ್ಟವಾಗಿಲ್ಲ.
