ಸಂಜೆ ಆದಹಾಗೆ ಏನಾದರೂ ತಿನ್ನಬೇಕು ಅನ್ನೋ ಫೀಲಿಂಗ್ ಬಹುತೇಕ ಎಲ್ಲರಿಗೂ ಬರುತ್ತದೆ. ಇದೇ ಸಮಯದಲ್ಲಿ ಹಲವರು ಚಿಪ್ಸ್, ಬಿಸ್ಕಟ್, ಫಾಸ್ಟ್ ಫುಡ್ ಅಥವಾ ಸಿಹಿ ಪದಾರ್ಥಗಳ ಕಡೆ ಕೈ ಹಾಕುತ್ತಾರೆ. ಆದರೆ ಈ ಸಣ್ಣ ಸ್ನ್ಯಾಕಿಂಗ್ ಹ್ಯಾಬಿಟ್ವೇ ನಿಧಾನವಾಗಿ ತೂಕ ಹೆಚ್ಚಿಸೋಕೆ ಕಾರಣವಾಗಬಹುದು. ಆದ್ದರಿಂದ ಸಂಜೆ ಹಸಿವಾದಾಗ ಸರಿಯಾದ ಸ್ನ್ಯಾಕ್ಸ್ ಆಯ್ಕೆ ಮಾಡೋದು ತುಂಬಾ ಮುಖ್ಯ.
ಹೊಟ್ಟೆ ತುಂಬಬೇಕು, ಭಾರವಾಗಬಾರದು
ಹೆಲ್ತಿ ಸ್ನ್ಯಾಕ್ಸ್ ಅಂದ್ರೆ ತುಂಬಾ ಕಡಿಮೆ ತಿನ್ನೋದು ಅಲ್ಲ. ಹೊಟ್ಟೆ ತುಂಬಿದ ಫೀಲ್ ಕೊಡಬೇಕು, ಆದರೆ ದೇಹಕ್ಕೆ ಭಾರವಾಗಬಾರದು. ಅದಕ್ಕಾಗಿಯೇ ಪ್ರೋಟೀನ್ ಮತ್ತು ಫೈಬರ್ ಇರುವ ಆಹಾರ ಉತ್ತಮ.
ಹಣ್ಣುಗಳು ಬೆಸ್ಟ್ ಆಯ್ಕೆ
ಸೇಬು, ಬಾಳೆಹಣ್ಣು, ಪಪ್ಪಾಯಿ ಅಥವಾ ಕಲ್ಲಂಗಡಿ ತರಹದ ಹಣ್ಣುಗಳು ಸಂಜೆ ಸ್ನ್ಯಾಕ್ಸ್ಗೆ ಸೂಕ್ತ. ಇವು ದೇಹಕ್ಕೆ ನೈಸರ್ಗಿಕ ಶಕ್ತಿ ಕೊಡುತ್ತವೆ.
ಇದನ್ನೂ ಓದಿ:
ಪ್ರೋಟೀನ್ ಇರುವ ಸ್ನ್ಯಾಕ್ಸ್ ಟ್ರೈ ಮಾಡಿ
ಹುರಿದ ಕಡಲೆ, ಸ್ಪ್ರೌಟ್ಸ್, ಮೊಸರು ಅಥವಾ ಪೀನಟ್ ಬಟರ್ ಜೊತೆಗೆ ಬ್ರೆಡ್ ತಿಂದರೆ ಹೆಚ್ಚು ಹೊತ್ತು ಹಸಿವು ಆಗೋದಿಲ್ಲ.
ಟಿ ಜೊತೆ ಜಂಕ್ ಬೇಡ
ಚಹಾ ಅಥವಾ ಕಾಫಿ ಜೊತೆ ಬಜ್ಜಿ, ಪಕೋಡಾ ತಿನ್ನೋ ಹವ್ಯಾಸ ಕಡಿಮೆ ಮಾಡಿದ್ರೆ ಕ್ಯಾಲೊರಿ ನಿಯಂತ್ರಣದಲ್ಲಿ ಇರುತ್ತದೆ.
ಪ್ರಮಾಣ ಕೂಡ ಮುಖ್ಯ
ಹೆಲ್ತಿ ಆಹಾರವಾದರೂ ಹೆಚ್ಚು ತಿಂದರೆ ಕ್ಯಾಲೊರಿ ಹೆಚ್ಚಾಗಬಹುದು. ಆದ್ದರಿಂದ ಸಣ್ಣ ಪ್ರಮಾಣದಲ್ಲಿ ತಿನ್ನೋದು ಬೆಸ್ಟ್.
ಸಂಜೆಯ ಸ್ನ್ಯಾಕ್ಸ್ ಸರಿಯಾಗಿದ್ರೆ ರಾತ್ರಿ ಅನಗತ್ಯವಾಗಿ ಹೆಚ್ಚು ತಿನ್ನೋದು ಕೂಡ ಕಡಿಮೆಯಾಗುತ್ತದೆ. ಫಿಟ್ನೆಸ್ನಲ್ಲಿ ಸಣ್ಣ ಆಯ್ಕೆಗಳು ದೊಡ್ಡ ಫಲಿತಾಂಶ ಕೊಡುತ್ತವೆ.
