ಮಸ್ಕಿ: ತಾಲೂಕಿನ ಬೆಲ್ಲದ ಕಲ್ಯಾಣ ಸೋಮೇಶ್ವರನ ಮರಡಿಯಲ್ಲಿ ಚಾಲುಕ್ಯರ ಹೊಸ ಶಾಸನ ಅವಶೇಷಗಳನ್ನು ಇತಿಹಾಸ ಉಪನ್ಯಾಸಕ ಹಾಗೂ ಸಂಶೋಧಕ ಡಾ.ಚನ್ನಬಸಪ್ಪ ಮಲ್ಕಂದಿನ್ನಿಯವರು ಶೋಧಿಸಿದ್ದಾರೆ.
ಮೆದಿಕಿನಾಳ ಗ್ರಾಮದ ಕ್ರಿ.ಶ.18-19 ನೇ ಶತಮಾನದ ಶಾಸನದಲ್ಲಿ ಬಾಲೈಮರೆ (ಬೆಲ್ಲದ ಮರಡಿ) ಸೀಮೆಯೆಂಬ ಆಡಳಿತ ಘಟಕವಾಗಿತ್ತು. ಇಲ್ಲಿನ ಸ್ಥಳೀಯರು ಹೇಳುವ ಪ್ರಕಾರ ಈ ಗ್ರಾಮದ ನಾಯಕ ಜನಾಂಗ ಗುಜ್ಜಲ ಗೋತ್ರ (ಬೆಡಗು)ದ ದೇಸಾಯಿ ಮನೆತನದವರು ಬೆಲ್ಲದ ಮರಡಿ ಸುತ್ತಮುತ್ತಲಿನ 32 ಹಳ್ಳಿಗಳನ್ನು ಆಳ್ವಿಕೆ ಮಾಡುತ್ತಿದ್ದರೆಂದು ತಿಳಿಸಿರುತ್ತಾರೆ.
ಈ ಸ್ಥಳ ಚಿಕ್ಕ ಬೆಟ್ಟದ (ಮರಡಿ) ಮೇಲಿದ್ದು ಇಲ್ಲಿನ ಜಮೀನು ಕಬ್ಬಿನ ಬೆಳೆಗೆ ಪ್ರಸಿದ್ಧವಾಗಿತ್ತು. ಆದುದರಿಂದ ಬಹುತೇಕ ಗ್ರಾಮದ ಜನರು ತಾವು ಬೆಳೆದ ಕಬ್ಬನ್ನು ಬೆಲ್ಲ ತಯಾರಿಕೆಗೆ ಹಿಂದಿನ ಕಾಲದಲ್ಲಿ ಬಳಸುತ್ತಿದ್ದರು. ಇಂತಹ ಬೆಲ್ಲಕ್ಕೆ ಹೆಸರುವಾಸಿಯಾದ ಗ್ರಾಮವು ಮರಡಿಯಲ್ಲಿದ್ದು ಬೆಲ್ಲದ + ಮರಡಿ = ಬೆಲ್ಲದ ಮರಡಿಯಾಗಿರಬೇಕು.
ಈ ಗ್ರಾಮದ ಕ್ಷೇತ್ರ ಕಾರ್ಯದಲ್ಲಿ ಪರಪ್ಪ ಬಂಡಾರಿ ಹಂಚಿನಾಳ, ಬಸವರಾಜ ನಾಯಕ ದೇಸಾಯಿ ಕೋಳಬಾಳ, ಸ್ಥಳೀಯರಾದ ವೀರಭದ್ರಪ್ಪ ಹೂಗಾರ, ದೇವಿಂದ್ರಪ್ಪ ಗ್ರಾಮ ಪಂಚಾಯತಿ ಸದಸ್ಯರು, ಸೋಮನಾಥ ಕಾಟಗಲ್, ವೆಂಕೋಬಹುಲ್ಲೇರು (ದೇಸಾಯಿ) ಮತ್ತು ಅಮರೇಶ ಹೂಗಾರ ನೆರವಾಗಿದ್ದಾರೆ ಎಂದು ಸಂಶೋಧಕರು ತಿಳಿಸಿದರು.
 ಮತ್ತು ಅಮರೇಶ ಹೂಗಾರ ನೆರವಾಗಿದ್ದಾರೆ ಎಂದು ಸಂಶೋಧಕರು ತಿಳಿಸಿದರು.){kind=link}