ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಮತದಾನದ ಬಗ್ಗೆ ಚುನಾವಣಾ ಆಯೋಗ ಎಷ್ಟು ಕಾಳಜಿವಹಿಸುತ್ತಿದೆ ಎಂಬುದಕ್ಕೆ ಈ ಘಟನೆ ಸಾಕ್ಷಿ!
ಇಬ್ಬರು ಮತದಾರಿಂದ ಮತದಾನ ಮಾಡಿಸಿಕೊಳ್ಳಲು ಇಲ್ಲಿ ಅಧಿಕಾರಿಗಳು ಬರೋಬ್ಬರಿ 107 ಕಿಲೋ ಮೀಟರ್ ದೂರ ಸಂಚರಿಸಿದ್ದಾರೆ. ಈ ಘಟನೆ ಮಹಾರಾಷ್ಟ್ರದ ಗಡ್ಚಿರೋಲಿ ಜಿಲ್ಲೆಯ ಗ್ರಾಮದ ಗಡ್ಚಿರೋಲಿ- ಚಿಮುರ್ ಲೋಕಸಭಾ ಕ್ಷೇತ್ರದಲ್ಲಿ ನಡೆದಿದೆ.
ಈ ಕ್ಷೇತ್ರದಲ್ಲಿ ಏ. 19ರಂದು ಮತದಾನ ನಡೆಯಲಿದೆ. ಈ ನಡುವೆ ಮನೆಯಿಂದಲೇ ಮತದಾನ ಆರಂಭವಾಗಿದ್ದು, ಇಲ್ಲಿ ಇರುವ 100 ವರ್ಷ ವಯಸ್ಸಿನ ಕ್ಷಿತಯ್ಯ ಮಡರ್ಬೋಯಿನಾ ಹಾಗೂ 86 ವರ್ಷ ವಯಸ್ಸಿನ ಕ್ಷಿತಯ್ಯ ಕೊಮೆರಾ ಅವರಿಂದ ಮತದಾನ ಮಾಡಿಸಲು ಅಧಿಕಾರಿಗಳು 107 ಕಿಮೀ ಸಂಚರಿಸಿ ಅವರ ಮನೆಗೇ ತೆರಳಿ ಎಲ್ಲಾ ಪ್ರಕ್ರಿಯೆ ಪೂರ್ಣಗೊಳಿಸಿದ್ದಾರೆ.
ಈ ಕ್ಷೇತ್ರದಲ್ಲಿ 85 ವರ್ಷ ಮೇಲ್ಪಟ್ಟ ಹಾಗೂ 40 ಶೇಕಡಾ ಅಂಗವೈಕಲ್ಯ ಹೊಂದಿದವರಿಗೆ ಮನೆಯಿಂದಲೇ ಮತದಾನ ಮಾಡಿಸಲಾಗುತ್ತಿದೆ.
