ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌ :
ತಂಗಿಗೆ ಚಿನ್ನದ ಉಂಗುರ ಹಾಗೂ ಟಿವಿ ಉಡುಗೊರೆ ಕೊಟ್ಟ ಪತಿಯನ್ನು ಪತ್ನಿ ಹಾಗೂ ಆಕೆಯ ಮನೆಯವರು ಸೇರಿ ಕೊಂದಿದ್ದಾರೆ.
ಉತ್ತರ ಪ್ರದೇಶದ ಬಾರಬಂಕಿಯಲ್ಲಿ ಘಟನೆ ನಡೆದಿದ್ದು, ಚಂದ್ರ ಪ್ರಕಾಶ್ ಮಿಶ್ರಾ ಮೃತರು. ಸ್ವಂತ ತಂಗಿಯ ವಿವಾಹದಂದು ಚಂದ್ರ ಪ್ರಕಾಶ್ ಮಿಶ್ರಾ ಚಿನ್ನದ ಉಂಗುರ ಮತ್ತು ಟಿವಿಯನ್ನು ಉಡುಗೊರೆಯಾಗಿ ನೀಡಿದ್ದರು. ತಂಗಿಗೆ ಉಡುಗೊರೆ ನೀಡಿದ ಗಂಡನನ್ನು ಕಂಡು ಪತ್ನಿ ಚಾಬಿ ಕೋಪಿಸಿಕೊಂಡಿದ್ದಳು. ಇದೇ ವಿಚಾರಕ್ಕೆ ಜಗಳ ಕೂಡ ನಡೆದಿತ್ತು. ಕೊನೆಗೆ ಪತ್ನಿ ಚಾಬಿ ತನ್ನ ಸಹೋದರ ಬಳಿ ಗಿಫ್ಟ್ ಕೊಟ್ಟ ವಿಚಾರ ಹೇಳಿದ್ದಾಳೆ.
ಇದೇ ವಿಚಾರವಾಗಿ ಚಾಬಿ ಸಹೋದರನ ಬಳಿ ಚಂದ್ರ ಪ್ರಕಾಶ್ ಮಿಶ್ರಾನನ್ನು ದೂರಿದ್ದಲ್ಲದೆ, ಸರಿಯಾಗಿ ಪಾಠ ಕಳಿಸಿ ಎಂದು ಹೇಳಿದ್ದಾರೆ. ಅದರಂತೆಯೇ ಪತ್ನಿಯ ಸಹೋದರ ಚಂದ್ರ ಪ್ರಕಾಶ್ ಮಿಶ್ರಾಗೆ ಮನಬಂದಂತೆ ಥಳಿಸಿದ್ದಾರೆ.
ಚಾಬಿ ಸಹೋದರ ಹೊಡೆದ ಪರಿಣಾಮ ಚಂದ್ರ ಪ್ರಕಾಶ್ ಮಿಶ್ರಾ ಸಂಪೂರ್ಣ ಗಾಯಗೊಂಡು ಆಸ್ಪತ್ರೆ ಸೇರಿದ್ದರು. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೇ ಮಿಶ್ರಾ ಮೃತಪಟ್ಟಿದ್ದಾರೆ. ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.
