ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಎಂಟು ವರ್ಷದ ಹಿಂದೆ ಪ್ರಮೋಷನ್ ನೀಡಿಲ್ಲ ಎಂದು ತನ್ನ ಬಾಸ್‌ನ ಕುಟುಂಬದ ನಾಲ್ವರನ್ನು ಕೊಂದಿದ್ದ ವ್ಯಕ್ತಿಯನ್ನು ಇದೀಗ ಬಂಧಿಸಲಾಗಿದೆ.
ಯುನೈಟೆಡ್ ಸ್ಟೇಟ್ಸ್‌ನ ಹೂಸ್ಟನ್‌ನಲ್ಲಿ 2014 ರ ಜನವರಿಯಲ್ಲಿ ಈ ಘಟನೆ ನಡೆದಿತ್ತು. ಆರೋಪಿ ಫಾಂಗ್ ಆ ದಿನದಂದು ಬಾಸ್ ಮನೆಗೆ ಬಂದು ತನ್ನ ಬಾಸ್ ಮಾಯೋ ಸನ್, ಪತ್ನಿ ಮೆಕ್ಸಿ ಸನ್, ಮಕ್ಕಳಾದ ತಿಮೋತಿ ಸನ್ ಮತ್ತು ಟೈಸನ್ ಸನ್ ಅವರಿಗೆ ಗುಂಡು ಹಾರಿಸಿದ್ದ. ಕ್ಷಣದಲ್ಲಿ ಇಡೀ ಕುಟುಂಬವೇ ನಾಶವಾಗಿತ್ತು.
ಮನೆಯಲ್ಲಿ ಫಾಂಗ್‌ನ ಡಿಎನ್‌ಎ ಪತ್ತೆಯಾಗಿತ್ತು. ಆ ವೇಳೆ ಆತ ಚೀನಾಗೆ ತೆರಳಿದ್ದ. ಎಂದಿಗೂ ಆತನನ್ನು ಬಂಧಿಸಲು ಆಗುವುದಿಲ್ಲ ಎಂದುಕೊಂಡಂತೆಯೇ ಆತ ಕ್ಯಾಲಿಫೋರ್ನಿಯಾದ ವಿಮಾನ ನಿಲ್ದಾಣದಲ್ಲಿ ಇಳಿದಾಗ ಸಿಕ್ಕಿಹಾಕಿಕೊಂಡ.
