ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಅನೇಕರು ಬಿಸಿಲು, ಗಾಳಿಯಿಂದ ರಕ್ಷಣೆಗೆಂದು ತಲೆಗೆ ಟೋಪಿ ಧರಿಸುತ್ತಾರೆ. ಬೈಕ್‌ ಸವಾರರು, ಸ್ಟೈಲ್‌ಗಾಗಿ ಕೂಡ ಹಲವರು ಕ್ಯಾಪ್ ಧರಿಸಲಾಗುತ್ತದೆ. ಟೋಪಿಯ ಅತಿಯಾದ ಬಳಕೆಯು ಕೂದಲು ಉದುರುವಿಕೆ ಮತ್ತು ಬೋಳು ತಲೆಗೆ ಕಾರಣವಾಗುತ್ತದೆ ಎಂಬ ಕಲ್ಪನೆಗಳಿವೆ. ಆದರೆ ಇದರಲ್ಲಿ ಎಷ್ಟು ನಿಜ ಎಂಬುದನ್ನು ನೋಡೋಣ.
ಟೋಪಿಗೂ ಕೂದಲು ಉದುರುವಿಕೆಗೂ ಸಂಬಂಧವಿದೆ ಎಂಬುದಕ್ಕೆ ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲ. ಆದರೆ ಕ್ಲೀವ್ಲ್ಯಾಂಡ್ ಕ್ಲಿನಿಕ್ ಚರ್ಮರೋಗ ತಜ್ಞ ಡಾ.ಜಾನ್ ಪ್ರಕಾರ, ತುಂಬಾ ಬಿಗಿಯಾದ ಟೋಪಿಗಳನ್ನು ಧರಿಸುವುದರಿಂದ ಕೂದಲಿನ ಕಿರುಚೀಲಗಳಿಗೆ ರಕ್ತದ ಹರಿವು ಕಡಿಮೆಯಾಗುತ್ತದೆ. ಒತ್ತಡದಿಂದಾಗಿ ಅವು ಉದುರಿಹೋಗುತ್ತವೆ ಎಂದಿದ್ದಾರೆ. ಕೂದಲು ಉದುರಲು ಹಲವು ಕಾರಣಗಳಿವೆ. ವಯಸ್ಸು, ಅನುವಂಶಿಕತೆ, ಹಾರ್ಮೋನ್ ಬದಲಾವಣೆ, ಕೆಲವೊಮ್ಮೆ ಔಷಧಿಗಳೂ ಕಾರಣವಾಗಿರಬಹುದು. ಆದರೆ, ಟೋಪಿ ಧರಿಸುವುದರಿಂದ ಬೋಳು ಉಂಟಾಗುತ್ತದೆ ಎಂದು ಯಾವುದೇ ಸಂಶೋಧನೆ ತೋರಿಸಿಲ್ಲ.
ಮೇಯೊ ಕ್ಲಿನಿಕ್ ಪ್ರಕಾರ, ಪುರುಷರು ಮತ್ತು ಮಹಿಳೆಯರು ಸಾಮಾನ್ಯವಾಗಿ ದಿನಕ್ಕೆ ಸುಮಾರು 100 ಕೂದಲನ್ನು ಕಳೆದುಕೊಳ್ಳುತ್ತಾರೆ. ಇದು ತುಂಬಾ ನೈಸರ್ಗಿಕ ಮತ್ತು ಆರೋಗ್ಯಕರ. ಜೊತೆಗೆ ಕೂದಲು ಉದುರುವಿಕೆ ಮತ್ತು ಕೂದಲಿನ ಬೆಳವಣಿಗೆಯ ನಡುವೆ ಅಸಮತೋಲನ ಉಂಟಾದಾಗಲೂ ಕೂದಲು ಉದುರುವಿಕೆ ಸಂಭವಿಸುತ್ತದೆ.
ಮತ್ತು ದೇಹದಲ್ಲಿನ ಹಾರ್ಮೋನುಗಳ ಮಟ್ಟದಲ್ಲಿನ ಬದಲಾವಣೆಗಳು ಕೂದಲು ಉದುರುವಿಕೆಗೆ ಕಾರಣವಾಗುತ್ತವೆ. ಗರ್ಭಾವಸ್ಥೆ, ಹೆರಿಗೆ, ಋತುಬಂಧ ಮತ್ತು ಥೈರಾಯ್ಡ್ ಹಾರ್ಮೋನುಗಳ ಪರಿಣಾಮ ಬೀರಬಹುದು. ರಿಂಗ್ ವರ್ಮ್ ಎಂಬ ಶಿಲೀಂಧ್ರ ಚರ್ಮದ ಸೋಂಕು ಕೂದಲು ಉದುರುವಿಕೆಗೆ ಕಾರಣವಾಗಬಹುದು. ಮಧುಮೇಹ ಮತ್ತು ಲೂಪಸ್‌ನಿಂದಾಗಿ ತೂಕ ಹೆಚ್ಚಾಗುವುದು ಕೂದಲು ಉದುರುವಿಕೆಗೆ ಕಾರಣವಾಗಬಹುದು. ಕೂದಲು ಉದುರುವಿಕೆಗೆ ಬಳಸುವ ಕೆಲವು ಔಷಧಿಗಳು ಅಡ್ಡ ಪರಿಣಾಮಗಳನ್ನು ಹೊಂದಿರುತ್ತವೆ. ಅಂತಹ ಸಂದರ್ಭಗಳಲ್ಲಿ ಸ್ವಯಂ-ಔಷಧಿಗಳಿಂದ ದೂರವಿರುವುದು ಮತ್ತು ಸೂಕ್ತ ಚಿಕಿತ್ಸೆಗಾಗಿ ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ.
