ಇದು ಮಹಾತ್ಮ ಗಾಂಧಿ ಸಮಾವೇಶ ಅಲ್ಲ, ಈ ಗಾಂಧಿಗಳದ್ದು ಮೆರವಣಿಗೆ: ಜಿಗಜಿಣಗಿ ಆರೋಪ

ಹೊಸದಿಗಂತ ವರದಿ, ವಿಜಯಪುರ:

ಬೆಳಗಾವಿಯಲ್ಲಿ ಹಮ್ಮಿಕೊಂಡಿರುವುದು ಮಹಾತ್ಮ ಗಾಂಧಿ ಸಮಾವೇಶ ಅಲ್ಲ ಅದು, ಈ ಗಾಂಧಿಗಳದ್ದು ಮೆರವಣಿಗೆ ಮಾಡುತ್ತಿದ್ದಾರೆ. ಕಾಂಗ್ರೆಸ್ ಪಕ್ಷದಲ್ಲಿ ಎಲ್ಲವೂ ಸರಿ ಇಲ್ಲ ಎಂದು ಮಾಧ್ಯಮಗಳೇ ಹೇಳುತ್ತಿವೆ ಎಂದು ಸಂಸದ ರಮೇಶ ಜಿಗಜಿಣಗಿ ಆರೋಪಿಸಿದರು.

ಬೆಳಗಾವಿಯಲ್ಲಿ ಗಾಂಧಿ ಭಾರತ ಸಮಾವೇಶ ವಿಚಾರಕ್ಕೆ ನಗರದಲ್ಲಿ ಪ್ರತಿಕ್ರಿಯಿಸಿ, ಅದು ಗಾಂಧಿ ಸಮಾವೇಶ ಅಲ್ಲ, ಈ ಗಾಂಧಿಗಳ ಸಮಾವೇಶ ಎಂದರು.

ಬಾಬಾ ಸಾಹೇಬ್ ಅಂಬೇಡ್ಕರ್ ಅವರಿಗೆ ಕಾಂಗ್ರೆಸ್ ನವರು ಅವಮಾನ ಮಾಡಿದ್ದಾರೆ. ಇನ್ನೂ ಖರ್ಗೆ ಅವರಿಗೆ ಮಾಡಿದ ಅವಮಾನ ಅದೇನು ಸಣ್ಣದಲ್ಲ. ಕೇರಳದಲ್ಲಿ ಗಾಂಧಿ ಮನೆತನದವರು ನಾಮಿನೇಷನ್ ಕೊಡಲು ಹೋದರು. ಅಲ್ಲಿ ಐದು ಜನರಿಗೆ ಪರ್ಮಿಷನ್ ಇದೆ. ಇಬ್ಬರು ಮಕ್ಕಳು ತಾನು, ತಾಯಿ ಮತ್ತು ಅಣ್ಣ ಒಳಗೆ ಹೋದರು. ಆದರೆ ಒಬ್ಬ ಅಧ್ಯಕ್ಷನನ್ನು ಹೊರಗಿಟ್ಟು ನಾಮಿನೇಷನ್ ಕೊಡಲು ಹೋಗುತ್ತಾರೆ. ಆಲ್ ಇಂಡಿಯಾ ಕಾಂಗ್ರೆಸ್ ಪಾರ್ಟಿ ಅಧ್ಯಕ್ಷ ಕಿಡಕಿಯಲ್ಲಿ ನಿಂತು ನೋಡುತ್ತಾನೆ. ಇದು ಕಾಂಗ್ರೆಸ್ ಪಕ್ಷದ ನಾಚಿಕೆತನ ಅಲ್ಲವಾ ?, ಇದು ಒಂದು ಘಟನೆ ಅಷ್ಟೇ ಹಿಂದೆ ಇಂತಹ ಸಾಕಷ್ಟು ಘಟನೆಗಳಾಗಿವೆ. ಈ ವಿಚಾರದಲ್ಲಿ ನನಗೆ ಬಹಳ ನೊವಾಗಿದೆ. ಕಾಂಗ್ರೆಸ್ ಪಕ್ಷದಲ್ಲಿನ ದಲಿತರಿಗೆ ನೋವಾಗಿದೆ ಬಿಟ್ಟಿದೆ ಎನ್ನುವುದು ಗೊತ್ತಿಲ್ಲ, ನನಗಂತೂ ನೋವಾಗಿದೆ. ಮಲ್ಲಿಕಾರ್ಜುನ ಖರ್ಗೆ ಅವರ ಬಗ್ಗೆ ನನಗೆ ಅತ್ಯಂತ ಗೌರವ ಇದೆ. ನಮ್ಮ ಸಮಾಜದ ಹಿರಿಯ ರಾಜಕಾರಣಿ ಎಂಬ ಕಾರಣಕ್ಕೆ ಗೌರವವಿದೆ. ಮಲ್ಲಿಕಾರ್ಜುನ ಖರ್ಗೆ ಸಾಹೆಬ್ರಗಿ ವಿನಂತಿ ಮಾಡಿಕೊಳ್ಳುವೆ, ಇಷ್ಟು ಅವಮಾನ ಪಕ್ಷದಲ್ಲಿ ಮಾಡಿದ್ದಾರೆ ರಾಜಕಾರಣ ಇನ್ನೂ ಸಾಕು ವೈಯ್ಯಸ್ಸಾಗಿದೆ ಮನೆಯಲ್ಲಿರಿ ಎಂದರು.

ಬಿಜೆಪಿ ರಾಜ್ಯಾಧ್ಯಕ್ಷ ಸ್ಥಾನದ ಚುನಾವಣೆ ವಿಚಾರಕ್ಕೆ ಪ್ರತಿಕ್ರಿಯಿಸಿ, ನಾನೊಬ್ಬ ಬಿಜೆಪಿಯ ಸಾಮಾನ್ಯ ಕಾರ್ಯಕರ್ತ. ನಮ್ಮ ಪಕ್ಷದ ಹಿರಿಯರು ಅದನ್ನು ನೋಡಿಕೊಳ್ಳಬೇಕು. ತಗೆಯುವುದು ಆದರೆ ಬಹಳ ಆಳವಿದೆ, ಅದು ಹೇಳಬೇಕಾಗುತ್ತದೆ ಆದರೆ ನಾನು ಹೇಳಲ್ಲ ಎಂದರು.

ಪಕ್ಷದವರು ಏನು ನಿರ್ಣಯ ಮಾಡುತ್ತಾರೋ ಮಾಡುತ್ತಾರೆ. ಪಕ್ಷದ ನಿರ್ಣಯಕ್ಕೆ ನಾನು ಬದ್ದ. ನಾನು ಯಾರು ಪರವಾಗಿ ಇಲ್ಲ, ಹೈ ಕಮಾಂಡ್ ನಿರ್ಣಯವೇ ಕೊನೆಯ ನಿರ್ಣಯ, ನಾನೊಬ್ಬನೇ ಎಂದರು.

ವಿಜಯಪುರದಲ್ಲಿ ದರೋಡೆಕೋರರ ಹಾವಳಿ ವಿಚಾರಕ್ಕೆ, ರಾಜ್ಯದಲ್ಲಿ ಸರ್ಕಾರ ಇದೆಯಾ ?, ಸುಮ್ಮನೇ ಒಬ್ಬ ದಲಿತ ಮಂತ್ರಿಗೆ ಹೋಮ್ ಡಿಪಾರ್ಟ್ಮೆಂಟ್ ಕೊಟ್ಟಿದ್ದೇವೆ ಎಂದು ಸುಮ್ಮ ಕೂಡಿಸಿದ್ದಾರೆ. ಕಾಂಗ್ರೆಸ್‌ನಲ್ಲಿ ಯಾವುದೂ ಸರಿ ಇಲ್ಲ. ಅಧಿಕಾರ ಏನೇ ಇರಲಿ ಜನರ ರಕ್ಷಣೆಯಾದರೂ ಮಾಡಬೇಕಲ್ಲ. ಬ್ಯಾಂಕ್ ಲೂಟಿ ಮಾಡುತ್ತಿದ್ದಾರೆ, ಜನರ ಲೂಟಿ ಮಾಡುತ್ತಿದ್ದಾರೆ, ಮನೆ ಕಳ್ಳತನ ನಡೆದಿದೆ. ಇಲಾಖೆ ಎಂಬುದು ಇದೆಯಾ ? ಸಂಪೂರ್ಣ ರಾಜಕಾರಣದಲ್ಲಿ ಹದಗೆಟ್ಟು ಹೋಗಿದೆ ಎಂದರು.

- Advertisement - Prestige

ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ

LEAVE A REPLY

Please enter your comment!
Please enter your name here

error: Content is protected !!