ಮೇಷ
ವೈರುಧ್ಯಮಯ ಭಾವನೆಗಳು ಕಾಡುತ್ತವೆ. ಪ್ರೀತಿ, ಮತ್ಸರ, ರೋಷ ಎಲ್ಲ ಭಾವವನ್ನೂ ಇಂದು ಅನುಭವಿಸುವಿರಿ. ವೃತ್ತಿಯಲ್ಲಿ ಒತ್ತಡ.
ವೃಷಭ
ಕುಟುಂಬಸ್ಥರ ಜತೆ ಭಿನ್ನಮತ. ಅದನ್ನು ನಿವಾರಿಸಬೇಕಾದ ಕಾಲ ಬಂದಿದೆ. ನೀವೇ ಮೊದಲ ಹೆಜ್ಜೆ ಇಡಬೇಕು. ಬಿಗು ನಿಲುವು ಸಡಿಲಿಸಿ.
ಮಿಥುನ
ಸಂಬಂಧವನ್ನು ಯಾವಾಗಲೂ ನೀವೇ ನಿರ್ದೇಶಿಸಬೇಡಿ. ನೀವೂ ಹೊಂದಾಣಿಕೆಗೆ ತೆರೆದುಕೊಳ್ಳಿ. ಆರೋಗ್ಯಕ್ಕೆ ಹಾನಿಕರ ಅಭ್ಯಾಸ ತ್ಯಜಿಸಿರಿ.
ಕಟಕ
ನಿಮ್ಮ ಕೆಲಸ, ನಿಮ್ಮ ವ್ಯಕ್ತಿತ್ವದ ಬಗ್ಗೆ ಹೆಮ್ಮೆಯಿರಲಿ. ತಲೆ ಎತ್ತಿ ನಡೆಯಿರಿ. ಇತರರ ಟೀಕೆಗಳಿಗೆ ನೀವು ಕಿವಿಗೊಡಬೇಕಾಗಿಲ್ಲ. ಆತ್ಮವಿಶ್ವಾಸದ ದಿನ.
ಸಿಂಹ
ನಿಮಗೆ ಇಂದು ಸಹೋದ್ಯೋಗಿಗಳ ಬೆಂಬಲ ದೊರಕುವುದು. ಹಾಗಾಗಿ ಕಾರ್ಯಗಳು ಸುಗಮ. ಮನೆಯಲ್ಲಿ ಮಾತ್ರ ಅಶಾಂತಿಯ ವಾತಾವರಣ.
ಕನ್ಯಾ
ಪ್ರಮುಖ ಯೋಜನೆ ನಿಮ್ಮ ಕೈಗೆ ಬರಬಹುದು. ಅದನ್ನು ಸರಿಯಾಗಿ ಪೂರೈಸುವುದು ನಿಮ್ಮ ಹೊಣೆಗಾರಿಕೆ. ಈ ವಿಷಯದಲ್ಲಿ ಉದಾಸೀನತೆ ಬೇಡ.
ತುಲಾ
ಕೆಲಸದ ಒತ್ತಡ ನಿಮ್ಮ ಆರೋಗ್ಯದ ಮೇಲೂ ಪರಿಣಾಮ ಬೀರಬಹುದು.ಕುಟುಂಬಸ್ಥರ ಸಂಗದಲ್ಲಿ ಸಾಂತ್ವನ ದೊರಕುವುದು.
ವೃಶ್ಚಿಕ
ಹಣದ ಬಿಕ್ಕಟ್ಟು ಉಂಟಾಗಬಹುದು. ನಿರೀಕ್ಷಿಸಿದ ಆರ್ಥಿಕ ಉನ್ನತಿ ಸಾಧ್ಯವಾಗದು. ತಲೆನೋವು ಅಥವಾ ಹೊಟ್ಟೆ ನೋವು ಕಾಡಬಹುದು.
ಧನು
ಹೆಚ್ಚು ಎಚ್ಚರದಿಂದ ಕಾರ್ಯ ನಿರ್ವಹಿಸಿ. ಯಾವುದೇ ತಪ್ಪು ಘಟಿಸದಂತೆ ನೋಡಿಕೊಳ್ಳಿ. ನಿಮ್ಮ ತಪ್ಪು ಹುಡುಕಲು ಕಾದು ಕೂತವರಿರುತ್ತಾರೆ.
ಮಕರ
ಆತ್ಮೀಯ ಸಂಬಂಧದಲ್ಲಿ ಬಿಕ್ಕಟ್ಟು ಉಂಟಾದೀತು. ಭಾವುಕತೆಗಿಂತ ವಿವೇಚನೆಗೆ ಆದ್ಯತೆ ಕೊಡಿ. ಕೆಲವರ ಕುರಿತಾದ ಪೂರ್ವಗ್ರಹ ಬಿಟ್ಟುಬಿಡಿ.
ಕುಂಭ
ನಿಮಗೆ ಪೂರಕ ಬೆಳವಣಿಗೆಗಳು. ಋಣಾತ್ಮಕ ಚಿಂತನೆಗಳು ಮನಸ್ಸನ್ನು ಆವರಿಸಲು ಅವಕಾಶ ಕೊಡಬೇಡಿ. ಆರ್ಥಿಕ ಪರಿಸ್ಥಿತಿ ಉತ್ತಮಗೊಳ್ಳುವುದು.
ಮೀನ
ಕೆಲವು ಗೊಂದಲಗಳು, ದ್ವಂದ್ವಗಳು ಇಂದು ಮಾಯವಾಗಿ ಎಲ್ಲವೂ ನಿಚ್ಚಳವಾಗುವುದು. ಮುಂದಿನ ದಾರಿ ಸ್ಪಷ್ಟವಾಗುವುದು. ಆಪ್ತರ ಸೂಕ್ತ ಸಹಕಾರ.
ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ