ಮೇಷ
ಹಲವಾರು ಕೆಲಸ ಒಂದೇ ದಿನ ಮುಗಿಸ ಬೇಕಾದ ಒತ್ತಡ. ಉದ್ವಿಗ್ನರಾಗದಿರಿ. ಸೂಕ್ತ ನೆರವು ಸಿಗಲಿದೆ. ಆದಾಯ ಹೆಚ್ಚಳ.
ವೃಷಭ
ಇತರರ ಭಾವನೆಗೆ ಸರಿಯಾಗಿ ಸ್ಪಂದಿಸುವ ಮೂಲಕ ಆತ್ಮೀಯತೆ ಬೆಳೆಸಿಕೊಳ್ಳುವಿರಿ. ಆರ್ಥಿಕ ಪರಿಸ್ಥಿತಿ ಚೇತರಿಕೆ. ಕೌಟುಂಬಿಕ ನೆಮ್ಮದಿ.
ಮಿಥುನ
ಕಠಿಣ ಪ್ರಯತ್ನದ ಬಳಿಕ ಸಫಲತೆ ಸಿಗಲಿದೆ. ಜಡತ್ವ ಬಿಟ್ಟು ಕೆಲಸ ಮಾಡಿ. ಸ್ವಂತ ಉದ್ದಿಮೆದಾರರಿಗೆ ಒಳ್ಳೆಯ ಲಾಭ. ಅಜೀರ್ಣ ಸಮಸ್ಯೆ ಕಾಡಬಹುದು.
ಕಟಕ
ವೃತ್ತಿಯಲ್ಲಿ ಪೂರಕ ಪರಿಸ್ಥಿತಿ. ಮನೆಯ ಸದಸ್ಯರ ಜತೆ ಹೆಚ್ಚು ಕಾಲ ಕಳೆಯಲು ಯತ್ನಿಸಿ. ಅವರನ್ನು ಕಡೆಗಣಿಸಿದ ಭಾವ ಮೂಡದಿರಲಿ.
ಸಿಂಹ
ಸಮಾಧಾನದಿಂದ ಕಾರ್ಯ ನಿರ್ವಹಿಸಿ. ಅವಸರ ಕೆಲಸ ಕೆಡಿಸೀತು.ಮನೆಯಲ್ಲಿ ರೋಷ ನಿಯಂತ್ರಿಸಿ. ಸಾಮರಸ್ಯ ಕಾಪಾಡಿಕೊಳ್ಳಿ.
ಕನ್ಯಾ
ಕುಟುಂಬ ಸದಸ್ಯರ ಮನಸ್ಥಿತಿ ಅರಿತು ವ್ಯವಹರಿಸಿ. ಅವರ ಮನ ನೋಯುವ ಮಾತು ಆಡದಿರಿ. ವೃತ್ತಿಯಲ್ಲಿ ಅಧಿಕ ಒತ್ತಡ.
ತುಲಾ
ಖಾಸಗಿ ಮತ್ತು ವೃತ್ತಿ ವಿಷಯದ ಕುರಿತು ಮುಕ್ತ ಮನಸ್ಸಿನಿಂದ ಯೋಚಿಸಿ. ಸಮಸ್ಯೆ ದೀರ್ಘ ಎಳೆಯಬೇಡಿ. ಶೀಘ್ರ ಪರಿಹಾರ ಅವಶ್ಯ.
ವೃಶ್ಚಿಕ
ಅಸಹನೆ ಹೆಚ್ಚುವ ಪ್ರಸಂಗ. ಹೊಣೆಯತ್ತ ಗಮನ ಇರಲಿ, ಬೇರೆಡೆ ಮನಸ್ಸು ಹರಿಯದಂತೆ ನೋಡಿ. ಗಂಟಲು ನೋವು ಸಾಧ್ಯತೆ.
ಧನು
ಸಂಗಾತಿ ಜತೆ ಭಿನ್ನಾಭಿಪ್ರಾಯ. ಮನಸ್ಸಿನ ಶಾಂತಿ ದೂರ. ಹಿರಿಯರ ಕಿವಿಮಾತಿಂದ ಬೇಸರ ಪಡಬೇಡಿ. ಆರೋಗ್ಯ ಸಮಸ್ಯೆ ಸಂಭವ.
ಮಕರ
ಒತ್ತಡದ ದಿನ. ಕಾಲಮಿತಿಯಲ್ಲಿ ಕೆಲಸ ಮುಗಿಸಬೇಕಾಗುವುದು. ಹಣವನ್ನು ಸದ್ವಿನಿಯೋಗ ಮಾಡಿ. ದುಂದುವೆಚ್ಚ ಬೇಡ. ಕೌಟುಂಬಿಕ ಸಮಾಧಾನ.
ಕುಂಭ
ಸಂವಹನ ಕೊರತೆ. ಇದರಿಂದ ವೃತ್ತಿ ಮತ್ತು ಖಾಸಗಿ ವ್ಯವಹಾರದಲ್ಲಿ ಹಿನ್ನಡೆ ಉಂಟಾದೀತು. ಅಜೀರ್ಣ ಸಮಸ್ಯೆ ಕಾಡಬಹುದು.
ಮೀನ
ಉತ್ತಮ ಆರ್ಥಿಕ ಪ್ರಗತಿ. ಉಳಿತಾಯ ಹೆಚ್ಚಳ. ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ಯಶ. ವಿವಾದಕ್ಕೆ ಸಿಲುಕದಂತೆ ಎಚ್ಚರ ವಹಿಸಿರಿ.
