ಮೇಷ
ವೃತ್ತಿ ಕ್ಷೇತ್ರದಲ್ಲಿ ಅಥವಾ ಮನೆಯಲ್ಲಿ ಸಂಘರ್ಷದ ವಾತಾವರಣ. ನಿಮ್ಮ ಇಚ್ಛೆಗೆ ವಿರುದ್ಧವಾಗಿ ಕೆಲವರು ವರ್ತಿಸುವರು. ಸಮಾಧಾನದಿಂದ ನಡಕೊಳ್ಳಿ.
ವೃಷಭ
ಯಾವುದಾದರೂ ಸಮಸ್ಯೆಯ ಪರಿಹಾರಕ್ಕೆ ಯೋಚಿಸುತ್ತಿದ್ದರೆ ನಿಮಗೆ ಇಂದು ಸೂಕ್ತ ದಾರಿ ತೋರಲಿದೆ. ಸೂಕ್ತ ನೆರವು ಕೂಡಾ ಲಭ್ಯವಾಗಲಿದೆ.
ಮಿಥುನ
ಕೆಲಸದಲ್ಲಿ ಉದಾಸೀನತೆ. ಆಸಕ್ತಿಯ ವಿಷಯಗಳೂ ಇಂದು ನಿರಾಸಕ್ತಿ ಮೂಡಿಸುವುದು. ಜಡತ್ವ ಬಿಡಿ. ಆಪ್ತರ ಸಂಗದಲ್ಲಿ ಉತ್ಸಾಹ ತಂದುಕೊಳ್ಳಿ.
ಕಟಕ
ನಿಮ್ಮ ಕಾರ್ಯಕ್ಕೆ ಇಂದು ಅದೃಷ್ಟ ಜತೆಗಿರಲಾರದು. ಹಾಗಾಗಿ ಅಡ್ಡಿ ಆತಂಕ ಎದುರಿಸುವಿರಿ. ಆತ್ಮೀಯರು ಮುನಿಸು ತೋರುವರು. ಖರ್ಚು ಮಿತಿ ಮೀರಲಿದೆ.
ಸಿಂಹ
ಸಂಬಂಧದಲ್ಲಿ ಅಪಸ್ವರ. ಎಚ್ಚರ ವಹಿಸದಿದ್ದರೆ ಬಿಕ್ಕಟ್ಟು ಉಲ್ಬಣವಾದೀತು. ಇತರರ ವ್ಯವಹಾರದಲ್ಲಿ ಮೂಗು ತೂರಿಸಲು ಹೋಗಬೇಡಿ.
ಕನ್ಯಾ
ಮಾನಸಿಕ ಒತ್ತಡ. ಇದರಿಂದ ದೇಹದ ಮೇಲೂ ಪರಿಣಾಮ ಉಂಟಾಗಲಿದೆ. ಹಿತಶತ್ರುಗಳ ಕುರಿತು ಎಚ್ಚರ ವಹಿಸಿ. ಎಲ್ಲರನ್ನು ನಂಬಬೇಡಿ.
ತುಲಾ
ಕುಟುಂಬ ಸದಸ್ಯರ ವರ್ತನೆಯಿಂದ ಸಮಸ್ಯೆ ಉಂಟಾದೀತು. ನಾಜೂಕಿನಿಂದ ವ್ಯವಹರಿಸಿ. ಪ್ರಯಾಣದ ಲೆಕ್ಕಾಚಾರ ತಪ್ಪಾಗಬಹುದು.
ವೃಶ್ಚಿಕ
ಅಂಕಿಅಂಶಗಳ ಜತೆ ವ್ಯವಹರಿಸುವಾಗ ಎಚ್ಚರವಿರಲಿ. ತಪ್ಪುಗಳು ಉಂಟಾದೀತು. ವ್ಯವಹಾರಕ್ಕೆ ಸಂಬಂಧಿಸಿ ಪ್ರಮುಖ ನಿರ್ಧಾರ ಮುಂದೂಡಿರಿ.
ಧನು
ಹಣಕಾಸು ಸಮಸ್ಯೆ ಉಂಟಾದೀತು. ಯಾವುದೇ ವ್ಯಕ್ತಿಯನ್ನು ಅವಶ್ಯಕತೆಗಿಂತ ಹೆಚ್ಚು ನಂಬಬೇಡಿ. ವಿವೇಚನೆಯಿಂದ ಆಲೋಚಿಸಿ.
ಮಕರ
ನಿಮ್ಮ ಕಾರ್ಯ ಚಟುವಟಿಕೆ ಕೆಲವರ ಅಸಮಾಧಾನಕ್ಕೆ ಕಾರಣವಾದೀತು. ಅವರಿಂದ ವಿರೋಧ. ನೀವಂತೂ ತಾಳ್ಮೆಯಿಂದ ವ್ಯವಹರಿಸಿ.
ಕುಂಭ
ವೃತ್ತಿ ಕಾರ್ಯದಲ್ಲಿ ನಿರಾಸಕ್ತಿ. ಆತ್ಮೀಯ ಬಂಧುಗಳ ಹಿತಾಸಕ್ತಿ ಕುರಿತಂತೆ ಹೆಚ್ಚು ಗಮನ ಹರಿಸುವಿರಿ. ದೂರದ ಬಂಧುವಿನಿಂದ ಶುಭ ಸುದ್ದಿ ಕೇಳುವಿರಿ.
ಮೀನ
ಕೆಲವು ವಿಷಯಗಳಲ್ಲಿ ನಿಮ್ಮ ಅಹಂ ತ್ಯಜಿಸಿ ವ್ಯವಹರಿಸಿ. ವಿನಯವಿರಲಿ. ಎಲ್ಲರೂ ನಿಮ್ಮ ವಿರುದ್ಧವಾಗಿ ವರ್ತಿಸುತ್ತಾರೆ ಎಂಬ ಭಾವನೆ ತೊಡೆಯಿರಿ.