ಬೇಸಿಗೆ ರಜೆಯಲ್ಲಿ ಮಜಾ ಮಾಡೋಕೆ ಮಕ್ಕಳನ್ನ ಎಲ್ಲಾದ್ರೂ ತಂಪಾದ ಜಾಗಕ್ಕೆ ಕರ್ಕೊಂಡು ಹೋಗಬೇಕು ಅನ್ಕೊಂಡಿದ್ದೀರಾ? ಅಥವಾ ಸದಾ ಗೊಂದಲಮಯ ನಗರ ಜೀವನದಿಂದ ವಿರಾಮ ತೆಗೆದುಕೊಳ್ಳಬೇಕು ಶಾಂತವಾದ ಗಿರಿಧಾಮದಲ್ಲಿ ಸಮಯ ಕಳಿಬೇಕು ಅಂತಿದ್ರೆ ನಾವು ನಿಮಗೆ ಕೆಲವೊಂದು ಸ್ಥಳಗಳನ್ನ ಹೇಳ್ತಿವಿ.
ಡಾಲ್ ಹೌಸಿ: ಹಿಮಾಚಲ ಪ್ರದೇಶದ ಒಂದು ಆಹ್ಲಾದಕರ ಗಿರಿಧಾಮವಾಗಿದೆ. 1970 ಮೀಟರ್ ಎತ್ತರದಲ್ಲಿರುವ ಶಾಂತಿಯುತ ಪ್ರವಾಸಿ ತಾಣವಾಗಿದೆ. ಹಿಮಭರಿತ ಪರ್ವತಗಳು, ಕಾಶ್ಮೀರಿ ಸೀರೆಗಳು, ಕರಕುಶಲ ವಸ್ತುಗಳು ಮತ್ತು ಪಿನಸ್ ಮರಗಳಿಂದ ಆವೃತವಾಗಿದೆ.
ಪಂಚಗಣಿ: ಮಹಾರಾಷ್ಟ್ರದ ಒಂದು ಸುಂದರವಾದ ಗಿರಿಧಾಮವಾಗಿದ್ದು, ಪುಣೆಯಿಂದ ಸುಮಾರು 100 ಕಿ.ಮೀ ದೂರದಲ್ಲಿದೆ. ಸಿಡ್ನಿ ಪಾಯಿಂಟ್, ಟೇಬಲ್ ಲ್ಯಾಂಡ್, ಪ್ಯಾರಾಗ್ಲೈಡಿಂಗ್, ಬೋಟಿಂಗ್‍ನಂತಹ ಮಕ್ಕಳೊಂದಿಗೆ ಆನಂದಿಸಲು ಆಕರ್ಷಕ ಸ್ಥಳಗಳು ಇಲ್ಲಿವೆ. ನೈಸರ್ಗಿಕ ಸೌಂದರ್ಯ ಮತ್ತು ಪ್ರಶಾಂತತೆಯೊಂದಿಗೆ ಕುಟುಂಬ ವಿಹಾರಕ್ಕೆ ಇದು ಪರಿಪೂರ್ಣ ಸ್ಥಳವಾಗಿದೆ.
ಊಟಿ: ತಮಿಳುನಾಡಿನ ನೀಲಗಿರಿ ಬೆಟ್ಟಗಳಲ್ಲಿ ನೆಲೆಗೊಂಡಿರುವ ಊಟಿ ತನ್ನ ಸುಂದರವಾದ ಚಹಾ ತೋಟಗಳು, ಆಕರ್ಷಕ ಕುಟೀರಗಳು ಮತ್ತು ನೀಲಗಿರಿ ಪರ್ವತಕ್ಕೆ ಹೆಸರುವಾಸಿಯಾಗಿದೆ. ಇಲ್ಲಿ ನೀವು ಊಟಿ ಬೋಟಿಂಗ್ ಸರೋವರ, ಕೊಡೈಕೆನಾಲ್ ಜಲಪಾತ, ರಾಜ್ಭವನ್ ಮುಂತಾದ ಸ್ಥಳಗಳನ್ನು ನೋಡಬಹುದು.
ಐಜೋಲ್: ಮಿಜೋರಾಂ ರಾಜ್ಯದ ಒಂದು ಸುಂದರ ಮತ್ತು ಶಾಂತಿಯುತ ಗಿರಿಧಾಮ. ಈ ಸ್ಥಳವು ಪ್ರವಾಸಿಗರಿಗೆ ನೈಸರ್ಗಿಕ ಸೌಂದರ್ಯ, ಪ್ರಕೃತಿ ಚಾರಣ ಇತ್ಯಾದಿಗಳಿಗೆ ಹೋಗಲು ಉತ್ತಮವಾಗಿದೆ. ತಂಗ್ವಾಂಗ್ ಅರಣ್ಯ, ಚಪಾರಿಯಾ ಸರೋವರಗಳು, ದಜಲ್ ವಾಗ್ಫಾಲ್‍ನಂತಹ ಆಕರ್ಷಕ ಸ್ಥಳಗಳು ಇಲ್ಲಿವೆ.
ಔಲಿ: ಉತ್ತರಾಖಂಡದ ಔಲಿ ಸ್ಕೀಯಿಂಗ್ ಪ್ರಿಯರಿಗೆ ಅದ್ಭುತ ಸ್ಥಳವಾಗಿದೆ. ಇಲ್ಲಿನ ರೋಪ್ ವೇ ಸವಾರಿ, ಗೋರ್ಸೂನ್ ಬಾಗ್ ಯಾಲ್ ಟ್ರೆಕ್, ನಂದಾ ದೇವಿ ಪರ್ವತ ದೃಶ್ಯಾವಳಿಗಳು ಇಲ್ಲಿನ ಕೆಲವು ಪ್ರಮುಖ ಆಕರ್ಷಣೆಗಳಾಗಿವೆ.
