ಕೊಲಂಬಿಯಾದಲ್ಲಿದೆ ಉಲ್ಟಾ ಮನೆ: ಮನೆಯೊಳಕ್ಕೆ ಕಾಲಿಟ್ಟಾಗ ತಲೆ ಸುತ್ತೋದು ಗ್ಯಾರೆಂಟಿ!

ಹೊಸದಿಗಂತ ಡಿಜಿಟಲ್ ಡೆಸ್ಕ್:

ಕೊಲಂಬಿಯಾದಲ್ಲಿ ಉಲ್ಟಾ ಮನೆ ಇದೆ!
ಹೌದು, ಕೆಲವೊಂದು ವಿಚಿತ್ರಗಳನ್ನ ನೀವು ನಂಬಲೇಬೇಕು. ಕೊಲಂಬಿಯಾದ ಬೊಗೋಟಾ ಪ್ರದೇಶದಲ್ಲಿ ಉಲ್ಟಾ ಮನೆ ಕಟ್ಟಲಾಗಿದೆ. ಗುರುತ್ವಾಕರ್ಷಣೆಗೆ ವಿರುದ್ಧವಾಗಿ ಇಲ್ಲಿ ಮನೆ ನಿರ್ಮಿಸಲಾಗಿದ್ದು, ಇದರ ಫೋಟೊ, ವಿಡಿಯೋಗಳು ಎಲ್ಲೆಡೆ ವೈರಲ್ ಆಗಿವೆ.

ಈ ಮನೆಯನ್ನು ನೋಡಲು ಪ್ರವಾಸಿಗರ ದಂಡು ಬೊಗೋಟಾಗೆ ಬರುತ್ತಿದೆ. ಆಪ್ಟಿಕಲ್ ಇಲ್ಯೂಷನ್ ಉಂಟುಮಾಡುವ ಮನೆ ಇದಾಗಿದ್ದು, ಈ ಮನೆಯ ಫೋಟೊವನ್ನು ಡ್ರೋನ್ ಮೂಲಕ ಹೆರ್ನಾಂಡೊ ರೊಜೊ ರೊಡ್ರಿಗಸ್ ಎನ್ನುವ ಫೋಟೊಗ್ರಾಫರ್ ಚಿತ್ರೀಕರಣ ಮಾಡಿದ್ದಾರೆ. ಉಲ್ಟಾ ಕಾಣುವ ಈ ಮನೆಯನ್ನು ಲಾ ಕಾಸಾ ಲೋಕಾ ಎಂದು ಕರೆಯಲಾಗುತ್ತದೆ. ಕೊಲಂಬಿಯಾದ ಗುವಿಯೋನ ಸಾಂಟಾ ಮರಿಯಾ ಡಿ ಗುಟಾವಿಟಾ ಗ್ರಾಮದಲ್ಲಿ ಫ್ರಿಟ್ಜ್ ಶಾಲ್ ಈ ಮನೆ ನಿರ್ಮಿಸಿದ್ದಾರೆ.

ಬಹಳ ವರ್ಷಗಳಿಂದ ಫ್ರಿಟ್ಜ್ ಶಾಲ್ ಈ ರೀತಿ ಮನೆ ಕಟ್ಟುವ ಆಲೋಚನೆ ಹೊಂದಿದ್ದರು, ರಜೆ ದಿನಗಳಲ್ಲಿ ಇದನ್ನು ಕಾರ್ಯರೂಪಕ್ಕೆ ತಂದಿದ್ದಾರೆ. ಮನೆಯ ಮಹಡಿ ನೆಲಕ್ಕೆ ಇದೆ, ಕಾರ್ ಪಾರ್ಕಿಂಗ್ ಮೇಲಿದೆ. ಈ ಮನೆ ಐದು ಡಿಗ್ರಿ ಎಡಕ್ಕೆ ಮತ್ತು ಐದು ಡಿಗ್ರಿ ಹಿಂದಕ್ಕೆ ವಾಲುತ್ತದೆ. ಮನೆಯೊಳಗೆ ಪ್ರವೇಶಿಸಿದಾಗ ತಲೆ ಸುತ್ತಿದ ಅನುಭವವೂ ಆಗುತ್ತದೆ.

An upside down house in Colombia is capturing the imagination of visitors looking for fun following pandemic restrictions https://t.co/wAqMJBrTEM 📷 @LuisaFGphoto pic.twitter.com/RfPmm0wAQY

— Reuters Pictures (@reuterspictures) January 24, 2022