Thursday, December 1, 2022

Latest Posts

ಚನ್ನೈ ಮಾರುಕಟ್ಟೆಯಲ್ಲಿ ವಿತ್ತ ಸಚಿವೆ:‌ ಸಾಮಾನ್ಯರಂತೆ ತರಕಾರಿ ಖರೀದಿಸಿದ ವಿಡಿಯೋ ನೋಡಿ

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌ 

ದೇಶದ ಹಣಕಾಸು ಸಚಿವೆಯಾಗಿ ಸದಾ ಬ್ಯುಸಿಯಾಗಿರುವ ನಿರ್ಮಲಾ ಸೀತಾರಾಮನ್ ತರಕಾರಿ ಮಾರುಕಟ್ಟೆಯಲ್ಲಿ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದರು. ವಿವಿಧ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಶನಿವಾರ ತಮಿಳುನಾಡು ರಾಜಧಾನಿ ಚೆನ್ನೈಗೆ ಬಂದಿಳಿದ ಸಚಿವೆ ರಾತ್ರಿ ಚೆನ್ನೈನ ಮೈಲಾಪುರದ ತರಕಾರಿ ಮಾರುಕಟ್ಟೆಗೆ ಭೇಟಿ ನೀಡಿದರು. ಸೀತಾರಾಮನ್‌ ತರಕಾರಿ ಖರೀದಿಸುತ್ತಿರುವ ವಿಡಿಯೋ ಮತ್ತು ಫೋಟೋಗಳನ್ನು ತಮ್ಮ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ.

ತರಕಾರಿ ಮಾರುಕಟ್ಟೆಯಲ್ಲಿ ಅಂಗಡಿಯೊಂದರ ಬಳಿ ಹೋಗಿ ವಿವಿಧ ಬಗೆಯ ತರಕಾರಿಗಳ ಬೆಲೆಗಳನ್ನು ತಿಳಿದುಕೊಂಡರು. ತಹರೇವಾರಿ ತರಕಾರಿ ಖರೀದಿಸಿದ ಬಳಿಕ ಅಲ್ಲಿನ ತರಕಾರಿ ವ್ಯಾಪಾರಿಗಳು ಹಾಗೂ ಸ್ಥಳೀಯ ಜನರೊಂದಿಗೆ ಮಾತನಾಡಿದರು.

ಅನಿರೀಕ್ಷಿತವಾಗಿ ಕೇಂದ್ರ ಸಚಿವರೇ ತರಕಾರಿ ಖರೀದಿಸಲು ಮಾರುಕಟ್ಟೆಗೆ ಬಂದಿದ್ದರಿಂದ ಸ್ಥಳೀಯ ಜನರು ಕೇಂದ್ರ ಸಚಿವರೊಂದಿಗೆ ಮಾತನಾಡಲು ಮುಗಿಬಿದ್ದರು.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!