ಹೊಸ ದಿಗಂತ ಡಿಜಿಟಲ್ ಡೆಸ್ಕ್
ಡಿಸೆಂಬರ್ 10ನೇ ತಾರೀಖು ತಮ್ಮ ಮೇಕೆದಾಟು ಪಾದಯಾತ್ರೆ ಮಧ್ಯೆ ಶಾಲೆಯೊಂದನ್ನು ಹೊಕ್ಕು, ಅಲ್ಲಿನ ಮಕ್ಕಳನ್ನು ಗುಂಪುಗೂಡಿಸಿದ ಡಿ ಕೆ ಶಿವಕುಮಾರ್ ನಡೆ ಈಗ ಟೀಕೆಗೆ ಒಳಗಾಗುತ್ತಿದೆ. ರಾಜಕೀಯಕ್ಕೆ ಮಕ್ಕಳನ್ನು ಬಳಸಿಕೊಂಡಿರುವ ತಪ್ಪು, ಅಲ್ಲದೇ ಈ ವರ್ತನೆಯಿಂದ ಮಕ್ಕಳಲ್ಲಿ ಕೊರೋನಾ ಹರಡುವ ಆತಂಕವನ್ನೂ ಸೃಷ್ಟಿಸಿದಂತಾಗಿದೆ ಎಂಬ ಟೀಕೆಗಳು ವ್ಯಕ್ತವಾಗಿವೆ. ವಿಡಿಯೋದ ಒಂದು ಭಾಗದಲ್ಲಿ ಮಕ್ಕಳಿಂದ ಡಿಕೆ, ಡಿಕೆ ಎಂದು ಘೋಷಣೆ ಕೂಗಿಸಿರುವಂತೆಯೂ ಕಂಡುಬರುತ್ತದೆ.
