ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಲೋಕೇಶ್ ಕನಕರಾಜ್ ನಿರ್ದೇಶನದ, ವಿಜಯ್ ನಾಯಕನಾಗಿ ನಟಿಸಿರುವ ‘ಲಿಯೋ’ ಚಿತ್ರ ದಸರಾ ಉಡುಗೊರೆಯಾಗಿ ಅಕ್ಟೋಬರ್ 19 ರಂದು ಬಿಡುಗಡೆಯಾಗಿತ್ತು. ಈ ಸಿನಿಮಾದಲ್ಲಿ ತ್ರಿಷಾ ನಾಯಕಿಯಾಗಿ ನಟಿಸಿದ್ದು, ಸಂಜಯ್ ದತ್, ಗೌತಮ್ ಮೆನನ್, ಅರ್ಜುನ್, ಮಡೋನಾ ಸೆಬಾಸ್ಟಿಯನ್…ಹೀಗೆ ಹಲವು ಸ್ಟಾರ್ ನಟರು ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ.
ಲಿಯೋ ಚಿತ್ರ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಿ ಸುಮಾರು 600 ಕೋಟಿ ಕಲೆಕ್ಷನ್ ಮಾಡಿದೆ. ಇದೀಗ ಓಟಿಟಿಯಲ್ಲೂ ಕಮಾಲ್‌ ಮಾಡಲು ಬರುತ್ತಿದೆ.
ಲಿಯೋ ಚಲನಚಿತ್ರವು ನವೆಂಬರ್ 24 ರಿಂದ ಜನಪ್ರಿಯ OTT ಕಂಪನಿ ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮ್ ಆಗಲಿದೆ. ಇದು ನವೆಂಬರ್ 24 ರಿಂದ ಭಾರತದಲ್ಲಿ ಮಾತ್ರ ತೆಲುಗು, ತಮಿಳು, ಕನ್ನಡ, ಮಲಯಾಳಂ ಮತ್ತು ಹಿಂದಿ ಭಾಷೆಗಳಲ್ಲಿ ಸ್ಟ್ರೀಮ್ ಆಗಲಿದೆ. ಇತರ ದೇಶಗಳಲ್ಲಿ, ಇದು ನವೆಂಬರ್ 28 ರಿಂದ ಈ ಐದು ಭಾಷೆಗಳಲ್ಲಿ ಸ್ಟ್ರೀಮಿಂಗ್ ಆಗಲಿದೆ. ಇದರೊಂದಿಗೆ ಥಿಯೇಟರ್‌ಗಳಲ್ಲಿ ಲಿಯೋವನ್ನು ಮಿಸ್ ಮಾಡಿಕೊಂಡವರು OTT ನಲ್ಲಿ ವೀಕ್ಷಿಸಲು ಸಿದ್ಧರಾಗಿದ್ದಾರೆ.
