ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಗೋವಾದ ಬೀಚ್ ನಲ್ಲಿ ಅಕ್ರಮವಾಗಿ ನಿರ್ಮಿಸಲಾದ ಹಾಗೂ ನಿಬಂಧನೆಗಳನ್ನು ಉಲ್ಲಂಘಿಸಿದ ಶ್ಯಾಕ್‌ಗಳನ್ನು ಮುಚ್ಚಲು ಗೋವಾ ಪ್ರವಾಸೋದ್ಯಮ ಇಲಾಖೆ ಆದೇಶಿಸಿದೆ.
ತಪಾಸಣಾ ಅಭಿಯಾನದ ವರದಿಗಳ ಆಧಾರದ ಮೇಲೆ, 110 ಶೋ-ಕಾಸ್ ನೋಟಿಸ್‌ಗಳನ್ನು ನೀಡಲಾಗಿದ್ದು ಅವುಗಳಲ್ಲಿ 54 ವಿಚಾರಣೆಗಳನ್ನು ಮುಕ್ತಾಯಗೊಳಿಸಲಾಗಿದೆ. ಯಾವುದೇ ನಿಯಮ ಉಲ್ಲಂಘನೆಗಳು ಗಮನಕ್ಕೆ ಬಾರದ ಕಾರಣ 31 ನೋಟಿಸ್‌ಗಳನ್ನು ವಿಲೇವಾರಿ ಮಾಡಲಾಗಿದೆ. ಜೊತೆಗೆ 23 ಶ್ಯಾಕ್‌ಗಳನ್ನು ಮುಚ್ಚಲು ನಿರ್ದೇಶಿಸಲಾಗಿದೆ.
ಗೋವಾ ರಾಜ್ಯ ಶ್ಯಾಕ್ ನೀತಿ 2023-2026 ರ ಪ್ರಕಾರ, ಮುಂದಿನ ಮೂರು ಋತುಗಳಲ್ಲಿ 2023 ರಲ್ಲಿ ನಾಮನಿರ್ದೇಶಿತ ಬೀಚ್ ಪ್ರದೇಶಗಳಲ್ಲಿ 361 ಶ್ಯಾಕ್‌ಗಳನ್ನು – ಉತ್ತರ ಗೋವಾದಲ್ಲಿ 263 ಮತ್ತು ದಕ್ಷಿಣ ಗೋವಾದಲ್ಲಿ 98 ರಂತೆ ಹಂಚಿಕೆ ಮಾಡಲಾಗಿದೆ. ಈ ಶ್ಯಾಕ್‌ಗಳನ್ನು ನಿರ್ವಹಿಸಲು ಪರವಾನಗಿಗಳ ಆಧಾರದ ಮೇಲೆ ಹಂಚಿಕೆ ಮಾಡಲಾಗುತ್ತದೆ.
- Advertisement -
