ಕನಸುಗಳನ್ನು ಅರ್ಥಮಾಡಿಕೊಳ್ಳೋದು ಎಷ್ಟು ಕಷ್ಟ ಅಲ್ವಾ? ಒಂದು ದಿನ ಒಂದು ರೀತಿ ಕನಸು ಬಿದ್ದರೆ ಇನ್ನೊಂದು ದಿನ ಇನ್ನೊಂದು ರೀತಿ. ಯಾರದ್ದೋ ಮನೆ, ಯಾವುದೋ ಬೀದಿ, ಯಾವುದೋ ರಸ್ತೆ ಏನೇನೋ ಕನಸುಗಳು. ಯಾರಾದರೂ ಪ್ರೀತಿಪಾತ್ರರು ತೀರಿಕೊಂಡರೆ ಅವರಿಗೆ ಆಯಸ್ಸು ಹೆಚ್ಚು ಅಂತಾರೆ, ಇನ್ನು ತೀರಿಕೊಂಡವರು ನಮ್ಮ ಕನಸ್ಸಿಗೆ ಬಂದರೆ ಅವರು ಆಶೀರ್ವಾದ ನೀಡುತ್ತಾರೆ ಎನ್ನುತ್ತಾರೆ.
ದೇವರು ಬಂದರೆ ದೈವ ಹೇಳಿದ್ದನ್ನು ಮಾಡಬೇಕು ಎನ್ನುತ್ತಾರೆ, ಹಾವು ಬರಬಾರದು, ಬಂದರೂ ಕಚ್ಚಬೇಕು ಅಂತಾರೆ. ಇನ್ನು ನಮ್ಮನ್ನು ಇಷ್ಟಪಡುವವರು ನಮ್ಮನ್ನು ನೆನೆಸಿಕೊಂಡಾಗ ಮಾತ್ರ ಅವರು ನಮ್ಮ ಕನಸ್ಸಿಗೆ ಬರುತ್ತಾರೆ. ಒಂದಲ್ಲಾ ಎರಡಲ್ಲಾ ಸಾವಿರಾರು ನಿದರ್ಶನಗಳಿವೆ, ಎಲ್ಲಾ ಕನಸುಗಳಿಗೂ ಅರ್ಥವಿದೆ ಎನ್ನುತ್ತಾರೆ. ಕನಸುಗಳನ್ನು ಇಷ್ಟಪಡುವವರು ನೀವಾಗಿದ್ದರೆ ತಪ್ಪದೇ ಇದನ್ನು ಓದಿ..
ನಿಮ್ಮ ನಿದ್ದೆಯಲ್ಲಿ ಯಾವುದೋ ಒಂದು ಬಾರಿ ಮಾತ್ರ ಕನಸು ಬೀಳುತ್ತದೆ. ಆಗ ನೀವು ಗಾಢ ನಿದ್ದೆಯಲ್ಲಿ ಇರೋದಿಲ್ಲ.
ಬೆಳಗಿನ ಜಾವ ಉದ್ದುದ್ದದ ಕನಸುಗಳು ಬೀಳುತ್ತವೆ.
ವೀಕೆಂಡ್‌ಗಳಲ್ಲಿ ಬಿದ್ದ ಕನಸುಗಳು ನೆನಪಿನಲ್ಲಿ ಇರುತ್ತವಂತೆ
ಕನಸುಗಳಲ್ಲಿ ಹೆಚ್ಚು ಪಿಕ್ಚರ್‌ಗಳನ್ನು ಕಾಣುತ್ತೇವೆ. ಶಬ್ದ ಕಡಿಮೆ.
ಮಕ್ಕಳಿಗೆ ದೆವ್ವಗಳು, ಪ್ರಾಣಿಗಳ ಜೊತೆ ಜಗಳವಾಡುವ, ಬೀಳುವ, ಯಾರಾದರೂ ಅಟ್ಟಿಸಿಕೊಂಡು ಬರುತ್ತಿರುವಂತ ಕನಸುಗಳು ಬೀಳುತ್ತವೆ.
ಶೇ.12 ರಷ್ಟು ಮಂದಿ ಕಪ್ಪು ಬಿಳುಪಿನಲ್ಲಿ ಕನಸು ಕಾಣುತ್ತಾರೆ.
ಕನಸುಗಳಿಗೆ ಅರ್ಥವೇ ಇಲ್ಲ ಅನಿಸೋದು ಯಾಕೆ ಗೊತ್ತಾ? ಎಲ್ಲಕ್ಕೂ ಅರ್ಥ ಹುಡುಕುವ ಮೆದುಳಿನ ವಿಭಾಗ ಕನಸು ಕಾಣುವಾಗ ಮಲಗಿರುತ್ತದೆ.
ನಿಮಗೆ ಪರಿಚಯ ಇರುವ ಮುಖಗಳೇ ನಿಮ್ಮ ಕನಸಿಗೆ ಬರುತ್ತವೆ. ಗೊತ್ತೇ ಇಲ್ಲದ ವ್ಯಕ್ತಿ ಎನಿಸಿದರೂ ನೀವು ಅವರನ್ನು ಎಲ್ಲಾದರೂ ನೋಡಿರುತ್ತೀರಿ.
ಕಡಿಮೆ ಒತ್ತಡವಿರುವಾಗ ಹೆಚ್ಚು ಖುಷಿ ಕನಸುಗಳು ಬೀಳುತ್ತವೆ.
ಶೇ.4 ರಷ್ಟು ಮಹಿಳೆಯರಿಗೆ ಲೈಂಗಿಕ ಕ್ರಿಯೆ ಬಗ್ಗೆ ಕನಸು ಬೀಳುತ್ತದೆ.
ಪುರುಷರು ಸೆಲೆಬ್ರಿಟಿಗಳ ಜೊತೆ ಪ್ರೀತಿ ಪ್ರಣಯದ ಬಗ್ಗೆ ಹೆಚ್ಚು ಕನಸು ಕಾಣುತ್ತಾರೆ.
ಹೆಣ್ಣುಮಕ್ಕಳಿಗೆ ಭಯಾನಕ ಕನಸುಗಳು ಬೀಳುತ್ತವೆ.
ಭಯಬೀಳುವಂತ ಕನಸುಗಳು ಪ್ರತಿ ದಿನ ಒಂದೇ ಸಮಯಕ್ಕೆ ಬೀಳುತ್ತವೆ.
ಸ್ಲೀಪ್ ಪ್ಯಾರಾಲಿಸಿಸ್ ನಿಜಕ್ಕೂ ನಂಬುವಂಥದ್ದು, ಕನಸು ಬೀಳುತ್ತದೆ. ಆದರೆ ನಿಜ ಎನ್ನುವ ಹಾಗೆ, ಕೈಕಾಲು ಆಡಿಸಲು ಅಸಾಧ್ಯವಾಗಿರುತ್ತದೆ. ಆದರೆ ಸಂಪೂರ್ಣ ಎದ್ದಂತೆಯೇ ಭಾಸವಾಗುತ್ತದೆ.
ನಿಮ್ಮ ಭಾವನೆಗಳು ಕನಸಾಗಿ ಹೊರಬೀಳುತ್ತವೆ.
ರಜೆ ದಿನಗಳಲ್ಲಿ ನಿಮ್ಮನ್ನು ಬಿಟ್ಟು ಹೋದವರ ಬಗ್ಗೆ, ತೀರಿಕೊಂಡ ಪ್ರೀತಿಪಾತ್ರರ ಬಗ್ಗೆ ಕನಸುಗಳು ಬೀಳುತ್ತವೆ.
ಶೇ.95-99 ರಷ್ಟು ಮಂದಿಗೆ ಕನಸುಗಳು ನೆನಪಿರೋದಿಲ್ಲ, ಇದ್ದರೂ ಚೂರುಪಾರು ಅಷ್ಟೇ.
ಪ್ರಾಣಿಗಳೂ ಸಹ ಕನಸು ಕಾಣುತ್ತವೆ.
ಅಂಧರು ಕನಸಿನಲ್ಲಿ ಇಮೇಜ್‌ಗಳನ್ನು ನೋಡುತ್ತಾರೆ.
ಲೂಸಿಡ್ ಡ್ರೀಮಿಂಗ್ ಎನ್ನುವ ಟೆಕ್ನಿಕ್ ಬಳಸಿ ನಾವು ಕಾಣುವ ಕನಸುಗಳನ್ನು ನಿಯಂತ್ರಿಸಬಹುದು.
