ಹೊಸದಿಗಂತ ಡಿಜಿಟಲ್ ಡೆಸ್ಕ್:
ದ್ವಿಚಕ್ರ ವಾಹನ ಚಾಲಕರು ವಾಹನ ಚಲಾಯಿಸುವಾಗ ಕಡ್ಡಾಯವಾಗಿ ಹೆಲ್ಮೆಟ್ ಧರಿಸಬೇಕು. ಹೆಲ್ಮೆಟ್ ಇಲ್ಲದೆ ಓಡಿಸುವವರು ದಂಡವನ್ನು ಎದುರಿಸಬೇಕಾಗುತ್ತದೆ. ಆದರೆ ವಿಚಿತ್ರ ಘಟನೆ ಸಂಭವಿಸಿದೆ: ಕಾರು ಚಲಾಯಿಸುವಾಗ ಹೆಲ್ಮೆಟ್ ಧರಿಸದಿದ್ದಕ್ಕಾಗಿ ಟ್ರಾಫಿಕ್ ಪೊಲೀಸ್ ಅಧಿಕಾರಿಗಳು ಚಾಲಕನಿಗೆ 1,000 ರೂಪಾಯಿ ದಂಡ ವಿಧಿಸಿದರು. ಈ ಸುದ್ದಿ ಈಗ ವೈರಲ್ ಆಗಿದೆ.
ಕಾರು ಚಲಾಯಿಸುವಾಗ ಹೆಲ್ಮೆಟ್ ಧರಿಸದ ಪತ್ರಕರ್ತನಿಗೆ 1000 ರೂಪಾಯಿ ದಂಡ ವಿಧಿಸಿರುವ ಘಟನೆ ಉತ್ತರ ಪ್ರದೇಶದ ಗೌತಮ್ ಬುದ್ಧ ನಗರ ಜಿಲ್ಲೆಯಲ್ಲಿ ನಡೆದಿದೆ. ಒಂಬತ್ತು ತಿಂಗಳ ಹಿಂದೆ (ನವೆಂಬರ್ 9, 2023), ರಾಮ್ಪುರದಿಂದ 188 ಕಿಮೀ ದೂರದಲ್ಲಿರುವ ಗೌತಮ್ ಬುದ್ಧ ನಗರ ಜಿಲ್ಲೆಯಲ್ಲಿ ಕಾರು ಚಲಾಯಿಸುವಾಗ ಹೆಲ್ಮೆಟ್ ಧರಿಸದ ಆರೋಪದ ಮೇಲೆ ಪತ್ರಕರ್ತ ತುಷಾರ್ ಸಕ್ಸೇನಾಗೆ ಪೊಲೀಸರು 1,000 ರೂ. ದಂಡ ವಿಧಿಸಲಾಯಿತು. ತುಷಾರ್ ಆರಂಭದಲ್ಲಿ ಮಾಹಿತಿಯನ್ನು ತಿರಸ್ಕರಿಸಿದರು, ಏನೋ ತಪ್ಪಾಗಿದೆ ಎಂದು ಹೇಳಿದರು. ಆದರೆ ನಂತರ ಒಂದು ಪತ್ರ ಬಂದಿತು. ದಂಡವನ್ನು ಪಾವತಿಸಲು ವಿಫಲವಾದರೆ ಕಾನೂನು ಪ್ರಕ್ರಿಯೆಗೆ ಕಾರಣವಾಗುತ್ತದೆ ಎಂದು ಹೇಳಿದೆ.
ಇದರಿಂದ ಶಾಕ್ ಗೆ ಒಳಗಾದ ತುಷಾರ್ ನೀವು ಸಂಚಾರ ನಿಯಮಗಳನ್ನು ಉಲ್ಲಂಘಿಸಿದರೆ, ದಂಡವನ್ನು ಪಡೆಯುವುದು ಸರಿ. ಆದ್ರೆ ನನಗ್ಯಾಕೆ ದಂಡ ವಿಧಿಸಿದ್ದು, ನಾನು ಎನ್ಸಿಆರ್ ಪ್ರದೇಶಕ್ಕೆ ನಾನು ಕಾರ್ ಚಲಾಯಿಸುತ್ತಾ ಹೋಗೇ ಇಲ್ಲ ಇದಲ್ಲದೆ ಕಾರಿನೊಳಗೆ ಹೆಲ್ಮೆಟ್ ಧರಿಸಬೇಕು ಎಂದು ಹೇಳುವ ಯಾವುದೇ ನಿಯಮವಿದ್ದರೆ, ಅದು ಯಾವಾಗದಿಂದ ಜಾರಿಯಾಗಿದ್ದು ಎಂದು ದಯವಿಟ್ಟು ತಿಳಿಸುವಿರಾ ಎಂದು ಕೇಳಿದ್ದಾರೆ. ಈ ಬಗ್ಗೆ ತನಿಖೆ ನಡೆದು ಇದೀಗ ದಂಡವನ್ನು ಹಿಂಪಡೆಯುವಂತೆ ನೋಯ್ಡಾ ಸಂಚಾರ ಪೊಲೀಸರಿಗೆ ಮನವಿ ಮಾಡಲಾಗಿದೆ.
