ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಇಂದಿನಿಂದ ನವರಾತ್ರಿ ಆರಂಭವಾಗಿದೆ. ದುರ್ಗಾದೇವಿಯ ಒಂಬತ್ತು ರೂಪಗಳನ್ನು ಪೂಜಿಸಲಾಗುತ್ತದೆ. ಒಂಬತ್ತು ದೇವಿಗಳು ತಮ್ಮದೇ ಆದ ನಿರ್ದಿಷ್ಟವಾದ ಬಣ್ಣವನ್ನು ಇಷ್ಟಪಡುತ್ತಾರೆ ಎಂದು ನಂಬಲಾಗಿದೆ. ಅವರಿಷ್ಟದ ಬಣ್ಣದ ಬಟ್ಟೆಯನ್ನು ಧರಿಸಿ ಪೂಜಾ ಕೈಂಕರ್ಯಗಳನ್ನು ಕೈಗೊಂಡರೆ ದೇವಿಯ ಕೃಪೆಗೆ ಪಾತ್ರರಾಗುತ್ತಾರೆ ಎನ್ನಲಾಗಿದೆ.
ಯಾವ ದಿನ ಯಾವ ಬಣ್ಣ?
ಮೊದಲನೇ ದಿನ ಬಿಳಿ ಬಣ್ಣ ಧರಿಸಿ ಶೈಲಪುತ್ರಿಯನ್ನು ಪೂಜಿಸಲಾಗುತ್ತದೆ.
ಎರಡನೇ ದಿನ ಕೆಂಪು ಬಣ್ಣ ಧರಿಸಿ ಬ್ರಹ್ಮಚಾರಿಣಿ ದೇವಿ ಪೂಜೆ ಮಾಡಲಾಗುತ್ತದೆ.
ಮೂರನೇ ದಿನ ನೀಲಿ ಬಣ್ಣದ ಬಟ್ಟೆ ಧರಿಸಿ ಚಂದ್ರಘಟಾ ದೇವಿಯನ್ನು ಆರಾಧಿಸಲಾಗುತ್ತದೆ.
ನಾಲ್ಕನೇ ದಿನ ಹಳದಿ ಬಣ್ಣ ಧರಿಸಿ ಕೂಷ್ಮಂಡಾ ದೇವಿಯನ್ನು ಪೂಜಿಸಲಾಗುತ್ತದೆ.
ಐದನೇ ದಿನ ಹಸಿರು ಬಣ್ಣ ಧರಿಸಿ ಸ್ಕಂದಮಾತೆಯನ್ನು ಪೂಜಿಸಲಾಗುತ್ತದೆ.
ಆರನೇ ದಿನ ಸಿಮೆಂಟ್ ಬಣ್ಣ, ಗ್ರೇ ಬಣ್ಣದ ಬಟ್ಟೆ ಧರಿಸಿ ದೇವಿ ಮಾ ಕಾತ್ಯಾಯನಿ ಆರಾಧನೆ ಮಾಡಲಾಗುತ್ತದೆ.
ಏಳನೇ ದಿನ ಕಿತ್ತಳೆ ಬಣ್ಣ ಧರಿಸಿ ಮಾ ಕಲರಾತ್ರಿ ದೇವಿಯನ್ನು ಪೂಜಿಸಲಾಗುತ್ತದೆ.
ಎಂಟನೆಯ ದಿನ ನವಿಲು ನೀಲಿ ಧರಿಸಿ ಮಹಾಗೌರಿಯನ್ನು ಪೂಜಿಸಲಾಗುತ್ತದೆ.
ಒಂಬತ್ತನೇ ದಿನ ಮಾ ಸಿದ್ಧಿಯ ಪೂಜೆಗೆ ಗುಲಾಬಿ ಬಣ್ಣದ ಬಟ್ಟೆ ಧರಿಸಬೇಕು.
