Tuesday, August 16, 2022

Latest Posts

ಮಹಿಳೆಯರೇ… ಮೆಂತೆ ನಿಮ್ಮ ಜೊತೆಯಿದ್ದರೆ ಆರೋಗ್ಯವೇ ಅಂಗೈನಲ್ಲಿದ್ದಂತೆ…

ಮೆಂತೆಯಲ್ಲಿ ಹೇರಳವಾಗಿ ಆರೋಗ್ಯ ಸಂಬಂಧಿ ಗುಣಗಳಿವೆ. ಕೇವಲ ಆರೋಗ್ಯಕ್ಕೆ ಮಾತ್ರವಲ್ಲ ಸೌಂದರ್ಯ ವರ್ಧಕ ಅಂಶಗಳು ಕೂಡ ಇವೆ. ಮಹಿಳೆಯರು ಸದಾ ಮೆಂತೆಯನ್ನು ಜೊತೆಯಲ್ಲಿ ಇಟ್ಟುಕೊಳ್ಳಿ. ಮೆಂತೆ ಜೊತೆಯಿದ್ದರೆ ಆರೋಗ್ಯವೇ ಇದ್ದಂತೆ. ಮೆಂತೆಯಿಂದ ಏನೆಲ್ಲ ಲಾಭವಿದೆ ನೋಡಿ..

  • ಪೀರಿಯಡ್ಸ್ ಸಮಯದಲ್ಲಿ ಬರುವ ಹೊಟ್ಟೆನೋವಿಗೆ ಮೆಂತೆ ರಾಮಬಾಣ. ನೆನೆಸಿಟ್ಟ ಮೆಂತೆಯನ್ನು ಹಸಿ ಹಾಲಿನಲ್ಲಿ ರುಬ್ಬಿಕೊಂಡು ಕುಡಿದರೆ ಹೊಟ್ಟೆ ನೋವು ತಕ್ಷಣ ನಿವಾರಣೆಯಾಗುತ್ತದೆ.
  • ಕೂದಲ ಆರೈಕೆಯಲ್ಲಂತೂ ಮೆಂತೆ ಪಾತ್ರ ಬಹಳ ದೊಡ್ಡದಿರುತ್ತದೆ. ವಾರದಲ್ಲಿ ಮೂರು ದಿನ ಕೂದಲಿಗೆ ಮೆಂತೆ ಪ್ಯಾಕ್ ಹಾಕಿಕೊಳ್ಳಿ. ಕೂದಲು ಉದುರುವುದು, ಹೊಟ್ಟು, ಸ್ಪ್ಲಿಟ್ ಹೇರ್ ಸಮಸ್ಯೆ ನಿವಾರಣೆಯಾಗುತ್ತದೆ.
  • ಪೀರಿಯಡ್ಸ್ ಮುಂದೆ ಹೋಗಬೇಕೆಂದರೆ ಪೀರಿಯಡ್ಸ್ ಆಗುವುದಕ್ಕೂ ಒಂದು ವಾರ ಮೊದಲಿನಿಂದ  ನೀರಿನಲ್ಲಿ ನೆನೆಸಿಟ್ಟ 10 ಮೆಂತೆಯನ್ನು ತಿಂದು ನೀರು ಕುಡಿಯಿರಿ. ದಿನದಲ್ಲಿ ಮೂರು ಹೊತ್ತು ಮಾಡಬೇಕು.
  • ಬಿಳಿ ಸೆರಗು ಸಮಸ್ಯೆ ಇರುವವರು ಬೆಳಗ್ಗೆ ಹಸಿದ ಹೊಟ್ಟೆಯಲ್ಲಿ ಹಸಿ ಆಕಳ ಹಾಲಿನಲ್ಲಿ ನೆನೆಸಿಟ್ಟ ಮೆಂತೆಯನ್ನು ರುಬ್ಬಿಕೊಂಡು ಕುಡಿಯಬೇಕು. ಹೀಗೆ ಒಂದು ವಾರ ಮಾಡಿದರೂ ಸಾಕು ಬಿಳಿ ಸೆರಗು ಸಮಸ್ಯೆ ನಿವಾರಣೆಯಾಗುತ್ತದೆ.
  • ಮುಖದಲ್ಲಿ ಎಣ್ಣೆ ಅಂಶ ಹೆಚ್ಚಿರುವವರು ಮೆಂತೆ ಪೇಸ್ಟ್ ನ್ನು ಉಗುರು ಬಿಸಿ ಮಾಡಿಕೊಂಡು ಮುಖಕ್ಕೆ ಹಚ್ಚಿಕೊಳ್ಳಬೇಕು. ಹೀಗೆ ವಾರ ಪೂರ್ತಿ ದಿನದಲ್ಲಿ ಒಂದು ಸಲ ಮಾಡಿ ನೋಡಿ. ಕ್ರಮೇಣ ಎಣ್ಣೆ ಅಂಶ ಕಡಿಮೆ ಆಗುತ್ತದೆ.
  • ಮಹಿಳೆಯರ ಕಾಲಿನ ಸೌಂದರ್ಯವನ್ನೇ ಹಾಳು ಮಾಡುವ ಹಿಮ್ಮಡಿ ಬಿರುಕು ಸಮಸ್ಯೆ ನಿವಾರಣೆಗೆ ಮೆಂತೆ ಬೆಸ್ಟ್ ಮದ್ದು. ಮೆಂತೆ ಪೇಸ್ಟ್ ಗೆ ಲಿಂಬು ರಸವನ್ನು ಮಿಕ್ಸ್ ಮಾಡಿ ಹಿಮ್ಮಡಿ ಬಿರುಕಿಗೆ ಹಚ್ಚಿ, 1 ಗಂಟೆ ಬಿಡಿ. ಹೀಗೆ ಮಾಡಿದರೆ ಹಿಮ್ಮಡಿ ಬಿರುಕು ಸಮಸ್ಯೆ ನಿವಾರಣೆಯಾಗುತ್ತದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss