ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಪ್ಲೇಟ್ಲೆಟ್ಗಳು ಪ್ರಮುಖ ಜೀವ ಉಳಿಸುವ ರಕ್ತ ಹೆಪ್ಪುಗಟ್ಟುವ ಕೋಶಗಳಾಗಿವೆ. ದೇಹದಲ್ಲಿ ಪ್ಲೇಟ್ಲೆಟ್ ಕಡಿಮೆ ಆಯ್ತು ಅಂದ್ರೆ ನಿಮ್ಮ ಆರೋಗ್ಯ ಸಮಸ್ಯೆಗಳು ಉಲ್ಬಣಗೊಳ್ಳುತ್ತವೆ. ಡೆಂಗ್ಯೂ, ಮಲೇರಿಯಾ, ವೈರಲ್ ಸೋಂಕುಗಳು ದೇಹದಲ್ಲಿ ಪ್ಲೇಟ್ಲೆಟ್ಗಳನ್ನು ಕಡಿಮೆ ಮಾಡುತ್ತವೆ.
ದೇಹದಲ್ಲಿ ಪ್ಲೇಟ್ಲೆಟ್ ಕಡಿಮೆಯಾದ ತಕ್ಷಣ ಹೆಚ್ಚಾಗುವಂತೆ ಮಾಡಿಕೊಳ್ಳಬೇಕು. ಆರೋಗ್ಯವಂತ ಮಾನವನ ದೇಹದಲ್ಲಿ ಪ್ಲೇಟ್ಲೆಟ್ಗಳ ಸಂಖ್ಯೆ ಸುಮಾರು 3-4 ಲಕ್ಷ ಅಥವಾ ಅದಕ್ಕಿಂತ ಹೆಚ್ಚು. ಅದು 80 ಸಾವಿರಕ್ಕೆ ಕುಸಿದರೂ ನಷ್ಟವಿಲ್ಲ ಆದರೆ, 20 ಸಾವಿರಕ್ಕಿಂತ ಕಡಿಮೆಯಾದರೆ ಅಪಾಯಕಾರಿ ಎಂದು ಪರಿಗಣಿಸಲಾಗಿದೆ.
ನೈಸರ್ಗಿಕವಾಗಿ ಪ್ಲೇಟ್ಲೆಟ್ಗಳನ್ನು ಹೆಚ್ಚಿಸುವ ಮಾರ್ಗಗಳು
1. ಪಪ್ಪಾಯಿ ಎಲೆಗಳ ರಸ ತುಂಬಾ ಸರಳ ಹಾಗೂ ಸಹಕಾರಿ. ಕಾಲಕಾಲಕ್ಕೆ ಎಳೆಯ ಎಲೆಗಳಿಂದ ರಸವನ್ನು ಸಂಗ್ರಹಿಸಿ ಪ್ರತಿದಿನ ಬೆಳಿಗ್ಗೆ ಮತ್ತು ರಾತ್ರಿ 5 ಮಿಲಿಯಿಂದ 10 ಮಿಲಿ ತೆಗೆದುಕೊಂಡರೆ ಪ್ಲೇಟ್ಲೆಟ್ ಸಂಖ್ಯೆ ವೇಗವಾಗಿ ಹೆಚ್ಚುತ್ತದೆ.
2. ವಿಟಮಿನ್ ಎ ಹೆಚ್ಚಿರುವ ಆಹಾರವು ಪ್ಲೇಟ್ಲೆಟ್ಗಳ ಸಂಖ್ಯೆಯನ್ನು ಹೆಚ್ಚಿಸುತ್ತದೆ. ಕ್ಯಾರೆಟ್, ಸಿಹಿ ಗೆಣಸು, ಎಲೆಕೋಸು, ಕುಂಬಳಕಾಯಿ ತಿನ್ನುವುದರಿಂದ ಪ್ಲೇಟ್ಲೆಟ್ಗಳು ಹೆಚ್ಚುತ್ತವೆ. ಕ್ಯಾಪ್ಸಿಕಂ ತಿನ್ನುವುದು ಸಹ ಪ್ರಯೋಜನಕಾರಿ.
3. ದಾಳಿಂಬೆಯನ್ನು ನಿಯಮಿತವಾಗಿ ಸೇವಿಸುವುದರಿಂದ ಪ್ಲೇಟ್ಲೆಟ್ ಸಂಖ್ಯೆ ಹೆಚ್ಚಿಸುತ್ತದೆ ಎಂದು ಸಂಶೋಧನೆಯೊಂದು ತೋರಿಸಿದೆ.
4. ವಿಟಮಿನ್ ಸಿ ಹೆಚ್ಚಿರುವ ನಿಂಬೆ, ಕಮಲದ ಹಣ್ಣು, ಕಿವಿ, ಲೆಟಿಸ್, ಆಮ್ಲಾ, ಬ್ರೊಕೊಲಿ, ಟೊಮೆಟೊ, ಕಾಡು ಆಮ್ಲಾ ಮತ್ತು ಹೂಕೋಸು ತಿನ್ನುವುದರಿಂದ ಪ್ಲೇಟ್ಲೆಟ್ ಸಂಖ್ಯೆಯನ್ನು ಹೆಚ್ಚಿಸಬಹುದು.
5. ಬೀಟ್ರೂಟ್ ದೇಹದಲ್ಲಿ ರಕ್ತದ ಮಟ್ಟವನ್ನು ಹೆಚ್ಚಿಸುತ್ತದೆ. ಈ ತರಕಾರಿಯನ್ನು ಹೇಗೆ ತೆಗೆದುಕೊಂಡರೂ ಒಳ್ಳೆಯದು. ಇದು ಪ್ಲೇಟ್ಲೆಟ್ ಸಂಖ್ಯೆಯನ್ನು ಸಹ ಹೆಚ್ಚಿಸುತ್ತದೆ.