ಇಂದಿನ ಆಧುನಿಕ ಜಗತ್ತಿನಲ್ಲಿ ಪರಿಸರ ಮಾಲಿನ್ಯಕ್ಕೆ ಪರ್ಯಾಯವಾಗಿ ಮತ್ತು ಇಂಧನ ದರ ಏರಿಕೆಗೆ ಮುಕ್ತಿಯಾಗಿ ಎಲೆಕ್ಟ್ರಿಕ್ ವಾಹನಗಳ (EV) ಬಳಕೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ರಸ್ತೆಗಿಳಿಯುತ್ತಿರುವ ಇವಿ ವಾಹನಗಳ ಸಂಖ್ಯೆ ಹೆಚ್ಚಾದಂತೆ, ಸಾರ್ವಜನಿಕರಲ್ಲಿ ‘ಈ ಎಲೆಕ್ಟ್ರಿಕ್ ವಾಹನಗಳು ನಿಜಕ್ಕೂ ಸುರಕ್ಷಿತವೇ?’ ಅಥವಾ ‘ಇವುಗಳ ಬ್ಯಾಟರಿ ಸ್ಫೋಟಗೊಳ್ಳುವ ಸಾಧ್ಯತೆ ಇದೆಯೇ?’ ಎಂಬ ಕಳವಳ ಮತ್ತು ಪ್ರಶ್ನೆಗಳು ಮೂಡುವುದು ಸಹಜ. ತಾಂತ್ರಿಕವಾಗಿ ಇವಿ ವಾಹನಗಳು ಅತ್ಯಾಧುನಿಕ ಸುರಕ್ಷತಾ ಮಾನದಂಡಗಳನ್ನು ಹೊಂದಿದ್ದು, ಅವುಗಳನ್ನು ಸುರಕ್ಷಿತವಾಗಿಡುವ ಕ್ರಮಗಳ ಬಗ್ಗೆ ತಿಳಿಯೋಣ.
ಇವಿ ವಾಹನಗಳನ್ನು ನೋಡಿಕೊಳ್ಳುವ ಕ್ರಮಗಳು
ಇವಿ ವಾಹನಗಳ ಬ್ಯಾಟರಿ ಶೇಕಡಾ 20 ಕ್ಕಿಂತ ಕಡಿಮೆ ಆಗಲು ಬಿಡಬೇಡಿ ಮತ್ತು ಶೇಕಡಾ 80 ರವರೆಗೆ ಮಾತ್ರ ಚಾರ್ಜ್ ಮಾಡಿ. ಇದು ಬ್ಯಾಟರಿಯ ಆಯಸ್ಸನ್ನು ದೀರ್ಘಗೊಳಿಸುತ್ತದೆ.
ತುರ್ತು ಸಂದರ್ಭಗಳಲ್ಲಿ ಮಾತ್ರ ಡಿಸಿ (DC) ಫಾಸ್ಟ್ ಚಾರ್ಜರ್ ಬಳಸಿ. ಮನೆಯಲ್ಲಿ ನಿಧಾನವಾಗಿ ಚಾರ್ಜ್ ಮಾಡುವುದು ಬ್ಯಾಟರಿ ಆರೋಗ್ಯಕ್ಕೆ ಉತ್ತಮ.
ಕಂಪನಿ ಒದಗಿಸಿದ ಅಧಿಕೃತ ಚಾರ್ಜರ್ ಮತ್ತು ಸಾಕೆಟ್ಗಳನ್ನು ಮಾತ್ರ ಬಳಸಿ. ಸ್ಥಳೀಯ ಅಥವಾ ಕಳಪೆ ಗುಣಮಟ್ಟದ ಚಾರ್ಜರ್ ಬಳಸಬಾರದು.
ಅತಿಯಾದ ಬಿಸಿಲು ಬ್ಯಾಟರಿ ದಕ್ಷತೆಯನ್ನು ಕಡಿಮೆ ಮಾಡುತ್ತದೆ. ಆದ್ದರಿಂದ ವಾಹನವನ್ನು ಯಾವಾಗಲೂ ನೆರಳಿನಲ್ಲಿ ಅಥವಾ ಗ್ಯಾರೇಜ್ನಲ್ಲಿ ಪಾರ್ಕ್ ಮಾಡಬೇಕು.
ದೀರ್ಘ ಪ್ರಯಾಣದ ನಂತರ ಬ್ಯಾಟರಿ ಕಾದಿರುತ್ತದೆ. ವಾಹನ ನಿಲ್ಲಿಸಿದ ಕನಿಷ್ಠ 30 ನಿಮಿಷಗಳ ನಂತರ ಚಾರ್ಜಿಂಗ್ಗೆ ಇಡಬೇಕು.
ಕಂಪನಿಯು ನೀಡುವ ಸಾಫ್ಟ್ವೇರ್ ಮತ್ತು ಫರ್ಮ್ವೇರ್ ಅಪ್ಡೇಟ್ಗಳನ್ನು ಮರೆಯದೆ ಇನ್ಸ್ಟಾಲ್ ಮಾಡಿ. ಇವು ಬ್ಯಾಟರಿ ಕಾರ್ಯಕ್ಷಮತೆಯನ್ನು ಉತ್ತಮಪಡಿಸುತ್ತವೆ.
ಹಠಾತ್ ಆಕ್ಸಿಲರೇಷನ್ ಮಾಡಬೇಡಿ. ಇದು ಬ್ಯಾಟರಿ ಮೇಲೆ ಒತ್ತಡ ಹೇರುತ್ತದೆ. ‘ಇಕೋ ಮೋಡ್’ ಬಳಸಿ ಚಾಲನೆ ಮಾಡಬೇಕು.
ಇವಿ ವಾಹನಗಳು ತೂಕ ಹೆಚ್ಚಿರುವುದರಿಂದ ಟೈರ್ನಲ್ಲಿ ಸರಿಯಾದ ಗಾಳಿಯ ಒತ್ತಡ ಇರಬೇಕು. ಇದು ಮೈಲೇಜ್ ಹೆಚ್ಚಿಸಲು ಸಹಾಯ ಮಾಡುತ್ತದೆ.
