ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
20 ಮಕ್ಕಳ ಶಿಕ್ಷಣದ ಜವಾಬ್ದಾರಿ ವಹಿಸಿಕೊಂಡು ಸರಳವಾಗಿ ದಾಂಪತ್ಯ ಜೀವನಕ್ಕೆ ಕಾಲಿಡುವ ಮೂಲಕ ಸರ್ಕಾರಿ ಅಧಿಕಾರಿಗಳಿಬ್ಬರು ಮಾದರಿಯಾಗಿದ್ದಾರೆ. ಈ ದಂಪತಿಯ ಮಹಾತ್ ಕಾರ್ಯಕ್ಕೆ ಸಾರ್ವಜನಿಕರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
ನಾಗರಿಕ ಸೇವಾ ಪರೀಕ್ಷೆಯಲ್ಲಿ ಉನ್ನತ ರ್ಯಾಂಕ್ ಪಡೆದ ಆರ್ಯಾ ಆರ್. ನಾಯರ್ ಮತ್ತು ಅಹಮದಾಬಾದ್ನ ಭಾರತೀಯ ಅಂಚೆ ಸೇವೆಯ (ಐಪಿಒಎಸ್) ಸೂಪರಿಂಟೆಂಡೆಂಟ್ ಶಿವಂ ತ್ಯಾಗಿ ಅವರೇ ಸರಳವಾಗಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟು 20 ಮಕ್ಕಳ ಶೈಕ್ಷಣಿಕ ಭವಿಷ್ಯಕ್ಕೆ ನೆರವಾದವರು.
ಇವರಿಬ್ಬರ ಮದುವೆ ಪಂಪಾಡಿಯ ಸಬ್ ರಿಜಿಸ್ಟ್ರಾರ್ ಕಚೇರಿಯಲ್ಲಿ ವಿಶೇಷ ವಿವಾಹ ಕಾಯಿದೆಯಂತೆ ನಡೆಯಿತು. ಆ ಬಳಿಕ ಕೊಟ್ಟಾಯಂನ ವಝೂರ್ನಲ್ಲಿರುವ ‘ಪುಣ್ಯಂ’ ಎಂಬ ಮಕ್ಕಳ ಮನೆಯಲ್ಲಿರುವ 20 ಮಕ್ಕಳ ಶೈಕ್ಷಣಿಕ ವೆಚ್ಚದ ಜವಾಬ್ದಾರಿಯನ್ನು ಈ ನವದಂಪತಿ ವಹಿಸಿಕೊಂಡರು.