ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಈಜಿಪ್ಟ್ನಲ್ಲಿ ಪುರಾತನ ಪ್ರತಿಮೆ ಪತ್ತೆಯಾಗಿದೆ. ಪುರಾತತ್ವಶಾಸ್ತ್ರಜ್ಞರು 2,000 ವರ್ಷಗಳಷ್ಟು ಹಳೆಯದಾದ ಸಿಂಹನಾರಿ ಪ್ರತಿಮೆಯನ್ನು ಕಂಡುಹಿಡಿದಿದ್ದಾರೆ. ದಕ್ಷಿಣ ಈಜಿಪ್ಟ್ನ ಕ್ವೆನಾ ಪ್ರಾಂತ್ಯದ ದೇನೇಂದ್ರ ದೇವಾಲಯದ ಅಂಗಳದಲ್ಲಿ ಉತ್ಖನನದ ಸಮಯದಲ್ಲಿ ನಗುತ್ತಿರುವ ಸಿಂಹನಾರಿಯ ಪ್ರತಿಮೆಯನ್ನು ಕಂಡುಕೊಂಡಿದ್ದಾರೆ. ದೇವಾಲಯದ ಎರಡು ಹಂತಗಳ ಸಮಾಧಿಯೊಳಗೆ ಅಗೆಯುವಾಗ ದೇಗುಲದ ಅವಶೇಷಗಳೊಳಗೆ ವಿಗ್ರಹ ಪತ್ತೆಯಾಗಿದೆ.
ಇದು ರೋಮನ್ ಯುಗದ ಪ್ರತಿಮೆ ಎಂದು ನಂಬಲಾಗಿದೆ. ಸುಣ್ಣದ ಕಲ್ಲಿನಿಂದ ಮಾಡಿದ ಈ ಪ್ರತಿಮೆ ಪ್ರಾಚೀನ ರೋಮನ್ ಚಕ್ರವರ್ತಿಯ ಶೈಲಿಯ ಪ್ರತಿರೂಪವಾಗಿದೆ. ಗಿಜಾ ಪಿರಮಿಡ್ಗಳ ಸಿಂಹನಾರಿಗೆ ಹೋಲಿಸಿದರೆ ಇದು ತುಂಬಾ ಚಿಕ್ಕದಾಗಿದೆ. ಪುರಾತತ್ತ್ವಜ್ಞರು ಈ ಪ್ರತಿಮೆಯನ್ನು 41 ರಿಂದ 54 AD ವರೆಗೆ ರೋಮ್ ಅನ್ನು ಆಳಿದ ಚಕ್ರವರ್ತಿ ಕ್ಲಾಡಿಯಸ್ನ ಹೋಲಿಕೆಯಲ್ಲಿ ನಿರ್ಮಿಸಲಾಗಿದೆ ಎಂದಿದ್ದಾರೆ.
ಪ್ರತಿಮೆಯ ಫೋಟೋಗಳನ್ನು ಪ್ರವಾಸೋದ್ಯಮ ಸಚಿವಾಲಯದ ಫೇಸ್ಬುಕ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ.