ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತದ ಜನಪ್ರಿಯ ವಾಹನ ತಯಾರಕ ಕಂಪನಿಯಾದ ಮಾರುತಿ ಸುಜುಕಿ ಇಂಡಿಯಾ ಲಿಮಿಟೆಡ್ ಕಂಪನಿಯು ಮೂರನೇ ತ್ರೈಮಾಸಿಕದಲ್ಲಿ 2,351 ಕೋಟಿ ರೂ. ಲಾಭ ಗಳಿಸಿದೆ. ವರ್ಷದಿಂದ ವರ್ಷಕ್ಕೆ ಲಾಭದ ಆದಾಯವು ದ್ವಿಗುಣಗೊಂಡಿದೆ ಎಂದು ಕಂಪನಿ ಹೇಳಿದೆ. ಏತನ್ಮಧ್ಯೆ, ಕಾರ್ಯಾಚರಣೆಗಳ ಆದಾಯವು ವರ್ಷದಿಂದ ವರ್ಷಕ್ಕೆ ಸುಮಾರು 25 ಪ್ರತಿಶತದಷ್ಟು ಏರಿಕೆಯಾಗಿ 29,044 ಕೋಟಿ ರೂ.ಗೆ ತಲುಪಿದೆ.
ಕಂಪನಿಯ EBITDA ಮಾರ್ಜಿನ್ ಸಹ ಸತತವಾಗಿ ಎರಡನೇ ತ್ರೈಮಾಸಿಕದಲ್ಲಿ 9 ಶೇಕಡಾವನ್ನು ಮೀರಿದೆ. ಡಿಸೆಂಬರ್ ತ್ರೈಮಾಸಿಕದಲ್ಲಿ, ಮಾರುತಿಯು ಹಿಂದಿನ ವರ್ಷದ ಅವಧಿಗೆ ಹೋಲಿಸಿದರೆ ಆದಾಯದಲ್ಲಿ 24.9 ಶೇಕಡಾ ಬೆಳವಣಿಗೆಯನ್ನು ವರದಿ ಮಾಡಿದೆ.
ಈ ತ್ರೈಮಾಸಿಕದಲ್ಲಿ ಒಟ್ಟು ಮಾರಾಟದ ಪ್ರಮಾಣವು ವರ್ಷಕ್ಕೆ 8 ಪ್ರತಿಶತದಷ್ಟು ಏರಿಕೆಯಾಗಿದ್ದು 4, 65,911 ಯುನಿಟ್ ಗಳು ಮಾರಾಟವಾಗಿದೆ. ತ್ರೈಮಾಸಿಕದಲ್ಲಿ ದೇಶೀಯ ಮಾರಾಟವು ವರ್ಷಕ್ಕೆ 10.5 ರಷ್ಟು ಹೆಚ್ಚಾಗಿದೆ, ರಫ್ತುಗಳು ಸುಮಾರು 5 ಶೇಕಡಾ ಕುಸಿದಿದೆ.
ದೇಶದ ಅತಿ ದೊಡ್ಡ ವಾಹನ ತಯಾರಕ ಸಂಸ್ಥೆಯಾದ ಮಾರುತಿ ಸುಜುಕಿಯು 2022 ರಲ್ಲಿ 19,40,067 ಯುನಿಟ್ಗಳ ಅತ್ಯಧಿಕ ಮಾರಾಟವನ್ನು ಕಂಡಿದೆ ಮತ್ತು 2,63,068 ಯುನಿಟ್ಗಳ ದಾಖಲೆ ರಫ್ತು ಮಾಡಿದೆ. ಇದರ ಸಂಚಿತ ಉತ್ಪಾದನೆಯು 25 ಮಿಲಿಯನ್ ಯುನಿಟ್ಗಳನ್ನು ದಾಟಿದೆ.
ಮಾರಾಟ ಜಾಲವು 3,500 ಮಳಿಗೆಗಳಿಗೆ ಬೆಳೆದಿದೆ. ಕಂಪನಿಯು 2022 ರಲ್ಲಿ ರೈಲ್ವೇ ಬಳಸಿ 3.2 ಲಕ್ಷ ವಾಹನಗಳ ದಾಖಲೆ ರವಾನೆ ಮಾಡಿದೆ.