ಗಾಂಜಾ ಮಾರಾಟ ಮಾಡುತ್ತಿದ್ದ ನಾಲ್ವರ ಬಂಧನ

ಹೊಸದಿಗಂತ ವರದಿ, ಶಿವಮೊಗ್ಗ:

ಗಾಂಜಾ ಮಾರಾಟ ಮಾಡುತ್ತಿದ್ದ ನಾಲ್ವರನ್ನು ನಗರದ ಪಶುವೈದ್ಯಕೀಯ ಕಾಲೇಜು ಬಳಿ ಪೊಲೀಸರು ಬಂಧಿಸಿದ್ದಾರೆ.
ಗೆಜ್ಜೆನಹಳ್ಳಿಯ ಪುನೀತ್(20), ಬೊಮ್ಮನಕಟ್ಟೆಯ ಚೇತ್ ಯಾನೆ ಸೊಪ್ಪು (19), ಅಜ್ಜಂಪುರದ ವಿರೂಪಾಕ್ಷಪ್ಪ (50 ), ಹಾಗೂ ಸುರೇಶ (52)ಬಂಧಿತರಾಗಿದ್ದು, ಇವರಿಂದ 50,000 ರೂ. ವೌಲ್ಯದ 1 ಕೆಜಿ 340 ಗ್ರಾಂ ಗಾಂಜಾ, 2300 ರೂ. ನಗದು ಹಾಗೂ ಕೃತ್ಯಕ್ಕೆ ಬಳಸಿದ ದ್ವಿ ಚಕ್ರ ವಾಹನ ವಶಪಡಿಸಿಕೊಳ್ಳಲಾಗಿದೆ.
ಅಕ್ರಮ ಗಾಂಜಾ ಮಾರಾಟ ಪತ್ತೆಗಾಗಿ ನೇಮಿಸಲಾಗಿರುವ ಗ್ರಾಮಾಂತರ ಠಾಣೆ ಪೊಲೀಸರ ತಂಡ ಖಚಿತ ಮಾಹಿತಿ ಮೇರೆಗೆ ಆರೋಪಿಗಳನ್ನು ಬಂಧಿಸಿದೆ.