ಹೊಸದಿಗಂತ ಡಿಜಿಟಲ್ ಡೆಸ್ಕ್‌
ಈ ಮದುವೆಯ ಋತುವಿನಲ್ಲಿ ತಾವು ಅತ್ಯಂತ ಸೊಗಸಾಗಿ ಕಾಣಸಿಕೊಳ್ಳಲು ತರುಣಿಯರ ಬಯಸುತ್ತಾರೆ. ತಮಗೆ ಯಾವ ಡ್ರೆಸ್ ಮ್ಯಾಚ್‌ ಆಗುತ್ತದೆ ಎಂಬುದರ ಬಗ್ಗೆ ಹಲವರು ತಲೆಕೆಡಿಸಿಕೊಂಡಿರುತ್ತಾರೆ. ಈ ನಿಟ್ಟಿನಲ್ಲಿ ತಮ್ಮ ಫ್ಯಾಷನ್ ಆಯ್ಕೆಗಳನ್ನು ಮುಂಚಿತವಾಗಿ ವಿಂಗಡಿಸುವುದು ಉತ್ತಮವಾಗಿದೆ. ನಾವೀಗ ನಿಮ್ಮ ನಿಮ್ಮ ಕೆಲಸವನ್ನು ಕಡಿಮೆ ಮಾಡಲು ಬಯಸುತ್ತಿದ್ದೇವೆ! ಈ ಋತುವಿನಲ್ಲಿ ಹೊಸ ಛಾಯೆಗಳೊಂದಿಗೆ ಟ್ರೆಂಡಿ ಸ್ಪರ್ಶವನ್ನು ನೀಡುವ ಡ್ರೆಸ್ ಗಳ ಬಗ್ಗೆ ಹೇಳುತ್ತಿದ್ದೇವೆ. ಈ ಮದುವೆಯ ಸೀಸನ್‌ಗಾಗಿ ಆಯ್ಕೆಮಾಡಲು ಉತ್ತಮವಾದ ಬಣ್ಣಗಳ ಪಟ್ಟಿ ನೀಡದ್ದೇವೆ. ಆಯ್ಕೆ ನಿಮ್ಮದು!.
1. ಬೆರಗಾಗಿಸುವ ಬೆಳ್ಳಿ ಬಣ್ಣ
ಮದುವೆಯ ಸೀಸನ್‌ಗೆ ಬೆಳ್ಳಿ ಬಣ್ಣದ ವರ್ಣ ಅತ್ಯಗತ್ಯ. ಸೀರೆಯನ್ನು ಆರಿಸಿಕೊಳ್ಳಬೇಕೇ ಅಥವಾ ಲೆಹೆಂಗಾದಲ್ಲಿ ಕಾಣಿಸಿಕೊಳ್ಳಬೇಕೆ ನೀವು ನಿರ್ಧರಿಸಿ. ಸಿಲ್ವರ್ ಶೇಡ್‌ಗಳು ಎಲ್ಲವಕ್ಕೂ ಉತ್ತಮವಾಗಿ ಮ್ಯಾಚ್‌ ಆಗುತ್ತದೆ. ಸುಂದರವಾದ ಬೆಳ್ಳಿಯ ಲೆಹೆಂಗಾ ತರುಣಿಯರಿಗೆ ಸೊಸಾಗಿ ಕಾಣುತ್ತದೆ.
2. ಬಿಳಿ ವರ್ಣದ ಡ್ರೆಸ್ ಹೆಚ್ಚು ಆಕರ್ಷಕ
ಬಿಳಿ ಬಣ್ಣ ಮದುವೆ ಮಂಟಪದಲ್ಲಿ ಎದ್ದು ಕಾಣುವ ಬಣ್ಣ. ಜೊತೆಗೆ ಉತ್ಸವದ ಫೀಲ್‌ ನೀಡುತ್ತದೆ. ನೀವು ವಧುಗಳ ಸ್ಕ್ವಾಡ್‌ನಲ್ಲಿದ್ದರೆ, ಈ ಶೈಲಿಯು ಅತ್ಯಂತ ಸೊಗಸಾಗಿ ವಧುವಿನ ಗೆಳತಿಗೆ ಸೂಕ್ತವಾಗಿದೆ. ಜಾನ್ವಿ ಕಪೂರ್ ಬಿಳಿಯ ವರ್ಣದ ಡ್ರೆಸ್ ಅನ್ನು ಇನ್ನಷ್ಟು ಚೆನ್ನಾಗಿ ಕಾಣುವಂತೆ ಮಾಡುತ್ತಿದ್ದಾರೆ.
3.ಕ್ಯಾಂಡಿ ಪಿಂಕ್
ಈ ಮದುವೆಯ ಋತುವಿನಲ್ಲಿ ಸುಂದರವಾದ ಕ್ಯಾಂಡಿ ಪಿಂಕ್ ಡ್ರೆಸ್ ಧರಿಸಿದರೆ ನೀವು ಕಂಫರ್ಟ್‌ ಫೀಲ್‌ ಆಗುವುದು ಖಚಿತ. ಸುಂದರವಾದ ಸೀರೆಯಲ್ಲಿ ಮಿಂಚುತ್ತಿರುವ ನಟಿ ಪರಿಣಿತಿ ಚೋಪ್ರಾ ಅವರನ್ನು ಗಮನಿಸಿದರೆ ಎಷ್ಟು ಫರ್ಫೆಕ್ಟ್‌ ಆಗಿ ಕಾಣುತ್ತಾರೆ ಅಲ್ಲವೇ.
4.ಆಲಿವ್ ಗ್ರೀನ್
ಮದುವೆಯ ಸಂಭ್ರಮದ ರಾತ್ರಿಗಳಿಗೆ, ಆಲಿವ್ ಗ್ರೀನ್ ಬಣ್ಣದ ಡ್ರೆಸ್ ಗಳು ಮೋಹಕವಾಗಿರುತ್ತವೆ. ಸ್ಟೈಲಿಶ್ ಫಿಟ್ ನೊಂದಿಗೆ ಕಾಣಿಸಿಕೊಂಡು ಮಿಂಚುಹರಿಸಿ. ಸೋನಾಕ್ಷಿ ಸಿನ್ಹಾ ಈ ಬಗೆಯ ಡ್ರೆಸ್ ನಲ್ಲಿ ಕಾಣಿಸಿಕೊಂಡ ಚಿತ್ರ ಹಲವರ ಮೆಚ್ಚುಗೆ ಗಳಿಸಿದೆ.
5.ಸೂಕ್ಷ್ಮ ಚಿನ್ನದ ಕುಸುರಿ:
ಸರಳವಾದ ಗೋಲ್ಡ್ ಟೋನ್ಡ್ ಡ್ರೆಸ್ ಧರಿಸುವುದು ಯಾವಾಗಲೂ ಕ್ಲಾಸಿಕ್ ಆಗಿರುತ್ತದೆ. ಈ ಫ್ಯಾಷನ್ ಯಾವುದೇ ಸಂದರ್ಬದಲ್ಲೂ ಔಟ್‌ ಡೇಟೆಡ್‌ ಎನಿಸಿಕೊಳ್ಳುವುದಿಲ್ಲ. ಸುಂದರವಾದ ಗೋಲ್ಡನ್ ಸೀರೆಯಲ್ಲಿ ಪೂಜಾ ಹೆಗ್ಡೆ ಹೇಗೆ ಮಿಂಚುತ್ತಿದ್ದಾರೆ ನೋಡಿ. ಈ ನೋಟವನ್ನು ಇನ್ನಷ್ಟು ಶೈನ್‌ ಮಾಡಲು ನಿಗೆ ಇಷ್ಟವಾದ ಬದಲಾವಣೆಗಳನ್ನು ಮಾಡಿಕೊಳ್ಳಬಹುದು.
6.ಸುಂದರ ಹಸಿರು ಛಾಯೆ
ಹಸಿರು ಛಾಯೆಯ ಡ್ರೆಸ್ ಎಲ್ಲರಿಗೂ ಧರಿಸಿದವರ ವ್ಯಕ್ತತ್ವಕ್ಕೊಂದು ಮೆರಗು ನೀಡುತ್ತದೆ. ನೀಲಿಬಣ್ಣದ ಟೋನ್ ಯಾವಾಗಲೂ ನಿಮ್ಮ ಶೈಲಿಯನ್ನು ಒತ್ತಿಹೇಳಲು ಉತ್ತಮ ಮಾರ್ಗವಾಗಿದೆ. ನಟಿ ಕೀರ್ತಿ ಸುರೇಶ್ ಈ ತರದ ಡ್ರೆಸ್ ನಲ್ಲಿ ಎಷ್ಟೊಂದು ಅಂದವಾಗಿ ಕಾಣುತ್ತಿದ್ದಾರೆ ಗಮನಿಸಿ.
7. ಪ್ರಕಾಶಮಾನ ಹಳದಿ
ಮೃಣಾಲ್ ಠಾಕೂರ್ ಧರಿಸಿರುವ ಪ್ರಕಾಶಮಾನವಾದ ವಿಶೇಷ ಹಳದಿ ಉಡುಗೆಯನ್ನು ಗಮನಿಸಿ,, ಈ ವರ್ಣದ ಡ್ರೆಸ್ ಗಳು ನಿಮ್ಮನ್ನು ಎಂದಿಗೂ ನಿರಾಶೆಗೊಳಿಸುವುದಿಲ್ಲ. ಪೆಪ್ಪಿ ಪಿಂಕ್ ಟೋನ್ ಹೊಂದಿರುವ ಈ ಡ್ರೆಸ್ ನಲ್ಲಿ ಮೃಣಾಲ್ ಠಾಕೂರ್ ಸೊಗಸಾಗಿ ಕಾಣುತ್ತಿದ್ದಾರೆ.
