ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ದೇಶ 75ನೇ ಸ್ವಾತಂತ್ರ್ಯ ಸಂಭ್ರಮವನ್ನು ಆಚರಿಸುತ್ತಿದ್ದು, ಈ ಖುಷಿ ಸಂಭ್ರಮವನ್ನು ಮತ್ತಷ್ಟು ಹೆಚ್ಚಿಸಲು ದೇಶದ ರಕ್ಷಕರಾಗಿ ಕೆಲಸ ಮಾಡಿದ 7,500 ಮಾಜಿ ಸೈನಿಕರಿಗೆ ಪುಣೆಯ ಜ್ಯುವೆಲರ್ಸ್ ಮಾಲೀಕರೊಬ್ಬರು ‘ಕಮಿಟ್ಮೆಂಟ್ ರಿಂಗ್’ ನೀಡುವ ಗುರಿ ಹೊಂದಿದ್ದಾರೆ.
ಈ ರಿಂಗ್ ಚಿನ್ನ, ಬೆಳ್ಳಿ, ವಜ್ರ ಮತ್ತು ಜೇಡಿ ಮಣ್ಣಿನಿಂದ ನಿರ್ಮಿಸಲಾಗಿದೆ. ಇದನ್ನು ಒನ್ ಇಂಡಿಯಾ ಮಿಷನ್ ಅಡಿಯಲ್ಲಿ ನೀಡಲು ನಿರ್ಧರಿಸಲಾಗಿದೆ.
ಮಹಾರಾಷ್ಟ್ರದ ಪುಣೆಯಲ್ಲಿನ ಬೋನಿಸಾ ಜ್ಯುವೆಲರ್ಸ್ ಈ ಮಹತ್ತದ ನಿರ್ಧಾರ ಕೈಗೊಂಡಿದೆ. ಈಗಾಗಲೇ 88 ಮಾಜಿ ಸೈನಿಕರಿಗೆ ಏಕ್ ಇಂಡಿಯಾ ರಿಂಗ್ಸ್ ನೀಡಲಾಗಿದೆ. ಈ ಕಾರ್ಯಕ್ಕೆ ಸಂಕೆ ಬಿ.ಬಿಯಾನಿ ಮತ್ತು ಅವರ ಸಹೋದರ ಸಂದೇಶ್ ಬಿಯಾನಿ ಕೈಜೋಡಿಸಿದ್ದಾರೆ.
ಒನ್ಇಂಡಿಯಾ ಹೆಸರಿನಲ್ಲಿ ನೀಡಲಾಗುವ ಈ ಉಂಗುರಗಳು ಸಾಕಷ್ಟು ವಿಶೇಷತೆಗಳನ್ನು ಒಳಗೊಂಡಿವೆ. ಬೆಳ್ಳಿಯು ಶಾಂತತೆಯನ್ನು ಪ್ರತಿಪಾದಿಸಿದರೆ, ಚಿನ್ನದ ರಿಂಗ್ ‘ಭಾರತ’ವನ್ನು ಸಂಕೇತಿಸುತ್ತದೆ, ವಜ್ರದಿಂದ ಮಾಡಿದ ರಿಂಗ್ ನಾವೆಲ್ಲರೂ ವಜ್ರದಷ್ಟೇ ದೃಢರು ಎಂದು ಸಾರಿದರೆ, ಮಣ್ಣಿನಿಂದ ಮಾಡಲಾದ ರಿಂಗ್ ಏಕತೆಯನ್ನು ಸಾರುತ್ತದೆ. ದೇಶದ ಪ್ರತಿಯೊಂದು ರಾಜ್ಯದಿಂದ ಮಣ್ಣು ಸಂಗ್ರಹಿಸಿ ಈ ರಿಂಗ್ ತಯಾರಿಸಲಾಗುತ್ತಿದೆ. ಇನ್ನೂ ವಿಶೇಷ ಅಂದರೆ, ದೇಶದ 29 ರಾಜ್ಯಗಳಿಂದ ಮಣ್ಣನ್ನು ಸಂಗ್ರಹಿಸಿ ರಿಂಗ್ ಮಾಡಲಾಗಿದೆ
