ಪ್ರೀತಿ ಜೀವನದ ಅತಿ ಸುಂದರ ಭಾವನೆಗಳಲ್ಲಿ ಒಂದು. ಆದರೆ ಜಾತಿ, ಧರ್ಮ, ಆಸ್ತಿ ಅಥವಾ ಅಹಂಕಾರದಂತಹ ಅಡೆತಡೆಗಳಿಂದ ಸಂಬಂಧಗಳು ಕೆಲವೊಮ್ಮೆ ಮುರಿದು ಬೀಳುತ್ತವೆ. ಇಂತಹ ಸಂದರ್ಭಗಳಲ್ಲಿ ಮನಸ್ಸು ತೀವ್ರ ನೋವನ್ನು ಅನುಭವಿಸುತ್ತದೆ. ಕೆಲವರು ಈ ನೋವಿನಿಂದ ಹೊರಬರದೆ ಬದುಕನ್ನು ಕಳೆದುಕೊಳ್ಳುತ್ತಾರೆ, ಮತ್ತಿಬ್ಬರು ದುಶ್ಚಟಗಳಿಗೆ ಒಳಗಾಗುತ್ತಾರೆ. ಆದರೆ ಬ್ರೇಕಪ್ ಜೀವನದ ಅಂತ್ಯವಲ್ಲ, ಅದು ಹೊಸ ಆರಂಭಕ್ಕೆ ಅವಕಾಶ ಎನ್ನುವುದನ್ನು ನೆನಪಿಸಿಕೊಳ್ಳಬೇಕು.
- ಮೊದಲಿಗೆ, ನಿಮ್ಮನ್ನು ನೀವು ದೂಷಿಸಿಕೊಳ್ಳಬೇಡಿ. ಸಂಬಂಧ ಮುರಿದಿದ್ದಕ್ಕೆ ಕೇವಲ ನಿಮ್ಮ ತಪ್ಪೇ ಕಾರಣ ಎಂಬ ಯೋಚನೆ ಮನಸ್ಸನ್ನು ಇನ್ನಷ್ಟು ಕುಗ್ಗಿಸುತ್ತದೆ. ಬದಲಾಗಿ ಪಾಠ ಕಲಿತು ಮುಂದೆ ಸಾಗುವುದು ಉತ್ತಮ.
- ಎರಡನೆಯದಾಗಿ, ಮಾಜಿ ಪ್ರೇಮಿಯ ಸಂಪರ್ಕವನ್ನು ಸಂಪೂರ್ಣ ಕಡಿತಗೊಳಿಸಿ. ಹಳೆಯ ಸಂದೇಶಗಳು, ಫೋಟೋಗಳು, ನೆನಪುಗಳನ್ನು ಅಳಿಸುವುದರಿಂದ ಮನಸ್ಸಿಗೆ ಶಾಂತಿ ದೊರೆಯುತ್ತದೆ.
- ಮೂರನೆಯದಾಗಿ, ನಿಮ್ಮನ್ನು ಕಾರ್ಯನಿರತರನ್ನಾಗಿರಿಸಿಕೊಳ್ಳಿ. ಜಿಮ್, ಡ್ಯಾನ್ಸ್ ಅಥವಾ ಓದುವ ಅಭ್ಯಾಸಗಳು ಮನಸ್ಸಿಗೆ ಹೊಸ ಶಕ್ತಿ ನೀಡುತ್ತವೆ.
- ನಾಲ್ಕನೆಯದಾಗಿ, ಪ್ರವಾಸಕ್ಕೆ ತೆರಳುವುದು ಒಳ್ಳೆಯ ಆಯ್ಕೆ. ಹೊಸ ವಾತಾವರಣವು ಹೃದಯಕ್ಕೆ ನೆಮ್ಮದಿ ತರುತ್ತದೆ. ಕೊನೆಗೆ, ದುಶ್ಚಟಗಳಿಂದ ದೂರವಿದ್ದು ಸ್ವಯಂ ಪ್ರೀತಿಯನ್ನು ಅಪ್ಪಿಕೊಳ್ಳುವುದು ಅಗತ್ಯ.
