ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಟೀಂ ಇಂಡಿಯಾ ವೆಸ್ಟ್ ಇಂಡೀಸ್ ವಿರುದ್ಧ ಕ್ರಿಕೆಟ್ ಸರಣಿ ಆಡಲಿದ್ದು, ಅದಕ್ಕಾಗಿ ಭಾರತೀಯ ಕ್ರಿಕೆಟ್ ಮಂಡಳಿ ವೇಳಾಪಟ್ಟಿ ಪ್ರಕಟಗೊಳಿಸಿದೆ. ಅಮೆರಿಕದಲ್ಲಿ ಕ್ರಿಕೆಟ್ ಪರಿಚಯಿಸುವ ಉದ್ದೇಶದಿಂದ ಎರಡು ಟಿ-20 ಪಂದ್ಯಗಳು ಯುಎಎಸ್ನಲ್ಲಿ ಆಯೋಜನೆಗೊಂಡಿವೆ.
ಜುಲೈ 22ರಿಂದ ಪಂದ್ಯಗಳು ಆಯೋಜನೆಗೊಳ್ಳಲಿವೆ. ವೆಸ್ಟ್ ಇಂಡೀಸ್ ವಿರುದ್ಧ ಐದು ಟಿ-20 ಪಂದ್ಯ ಹಾಗೂ ಮೂರು ಏಕದಿನ ಪಂದ್ಯಗಳ ಸರಣಿ ನಡೆಯಲಿದ್ದು, ಇಂಗ್ಲೆಂಡ್ ವಿರುದ್ಧದ ಫೈನಲ್ ಟೆಸ್ಟ್ ಪಂದ್ಯ ಮುಗಿಯುತ್ತಿದ್ದಂತೆ ಭಾರತ ನೇರವಾಗಿ ಕೆರಿಬಿಯನ್ ನಾಡಿಗೆ ಪ್ರವಾಸ ಕೈಗೊಳ್ಳಲಿದೆ.
ಮೂರು ಏಕದಿನ ಪಂದ್ಯಗಳು ಕ್ರಮವಾಗಿ ಜುಲೈ 22,24 ಮತ್ತು 27ರಂದು ನಡೆಯಲಿದ್ದು, ಇದಾದ ಬಳಿಕ ಟಿ- 20 ಪಂದ್ಯಗಳ ಸರಣಿ ಆರಂಭಗೊಳ್ಳಲಿದೆ.
ಏಕದಿನ ಮತ್ತು ಮೂರು ಟಿ-20 ಪಂದ್ಯಗಳನ್ನ ಟ್ರಿನಿಡಾಡ್, ಟೊಬಾಗೊ ಮತ್ತು ಸೇಂಟ್ ಕಿಟ್ಸ್ ನೆವಿಸ್ನಲ್ಲಿ ಆಯೋಜನೆ ಮಾಡಲು ನಿರ್ಧರಿಸಲಾಗಿದ್ದು, ಎರಡು ಟಿ-20 ಪಂದ್ಯಗಳು ಅಮೆರಿಕದ ಫ್ಲೋರಿಡಾದಲ್ಲಿ ನಡೆಯಲಿವೆ.
ಮೊದಲ ಟಿ20 ಪಂದ್ಯ ಜುಲೈ 29ರಂದು ಬ್ರಿಯಾನ್ ಲಾರಾ ಸ್ಟೇಡಿಯಂನಲ್ಲಿ ನಡೆಯಲಿದ್ದು, ಇದಾದ ಬಳಿಕ ಆಗಸ್ಟ್ 1 ಮತ್ತು 2ರಂದು ಸೇಂಟ್ ಕಿರ್ಟ್ಸ್ ಪಾರ್ಕ್ನಲ್ಲಿ ಎರಡು ಪಂದ್ಯಗಳು ನಡೆಯಲಿವೆ. ಉಳಿದಂತೆ ಅಮೆರಿಕದಲ್ಲಿ ಕ್ರಿಕೆಟ್ ಪರಿಚಯಿಸುವ ಉದ್ದೇಶದಿಂದ ಆಗಸ್ಟ್ 6 ಮತ್ತು 7ರಂದು ಫ್ಲೋರಿಡಾದಲ್ಲಿ ಕೊನೆಯ ಎರಡು ಟಿ20 ಪಂದ್ಯ ಆಯೋಜನೆಗೊಂಡಿವೆ.
ವೇಳಾಪಟ್ಟಿ ಇಂತಿದೆ: ಏಕದಿನ ಸರಣಿ: 1ನೇ ODI ಜುಲೈ 22, 2ನೇ ODI ಜುಲೈ 24, 3ನೇ ODI ಜುಲೈ 27 ಸಂಜೆ 7ರಿಂದ ಎಲ್ಲ ಪಂದ್ಯಗಳು ಪ್ರಾರಂಭಗೊಳ್ಳಲಿವೆ.
ಟಿ20 ಸರಣಿಗಳ ವೇಳಾಪಟ್ಟಿ; 1 ನೇ T20I ಜುಲೈ 29, 2 ನೇ T20I ಆಗಸ್ಟ್ 1, 3 ನೇ T20I ಆಗಸ್ಟ್ 2, 4ನೇ T20I ಆಗಸ್ಟ್ 6, 5 ನೇ T20I ಆಗಸ್ಟ್ 7 ಎಲ್ಲ ಪಂದ್ಯಗಳು ರಾತ್ರಿ 8 ಗಂಟೆಗೆ ನಡೆಯಲಿವೆ.