ಹೊಸದಿಗಂತ ಡಿಜಿಟಲ್ ಡೆಸ್ಕ್‌
ಪಾಕಿಸ್ತಾನವು ಭಾರತದ ಭೂ ಪ್ರದೇಶದೊಳಗೆ ಡ್ರೋನ್ ಮೂಲಕ ಸುಮಾರು 15 ಕೋಟಿ ಮೌಲ್ಯದ ಹೆರಾಯಿನ್ ಎಸೆದ ನಾಲ್ವರು ಕಳ್ಳಸಾಗಣಿಕೆದಾರರನ್ನ ಗಡಿ ಭದ್ರತಾ ಪಡೆ (ಬಿಎಸ್ಎಫ್) ಸಿಬ್ಬಂದಿ ಬಂಧಿಸಿ, ಹೆರಾಯಿನ್ ವಶಪಡಿಸಿಕೊಂಡಿದ್ದಾರೆ.
ರಾಜಸ್ಥಾನದ ಶ್ರೀಗಂಗಾನಗರ ಜಿಲ್ಲೆಯಲ್ಲಿ ಭಾರತ-ಪಾಕ್ ಗಡಿಯಲ್ಲಿ ಮಂಗಳವಾರ ಅಂದಾಜು 3.5 ಕೆಜಿ ಹೆರಾಯಿನ್ನನ್ನು ದ್ರೋನ್ ಮೂಲಕ ಭಾರತದ ಗಡಿಯೊಳಗೆ ಬಿಡಲಾಗಿತ್ತು. ಈ ಹೆರಾಯಿನ್ನನ್ನು ಬಂಡಲ್ನಲ್ಲಿ ಸುತ್ತಲಾಗಿತ್ತು. ಈ ಸಂಬಂಧ ನಾಲ್ವರನ್ನು ಬಂಧಿಸಿದ್ದು, ಇವರು ಪಂಜಾಬ್ ನಿವಾಸಿಗಳಾಗಿದ್ದಾರೆ.
ಕಳೆದ ಒಂದು ವಾರದಲ್ಲೇ ಎರಡನೇ ಬಾರಿಗೆ ಭಾರಿ ಪ್ರಮಾಣದ ಹೆರಾಯಿನ್ ವಶಪಡಿಸಿಕೊಳ್ಳಲಾಗಿದೆ. ಕೆಲ ದಿನಗಳ ಹಿಂದೆ 35 ಕೋಟಿ ರೂ. ಮೌಲ್ಯದ ಹೆರಾಯಿನ್ನೊಂದಿಗೆ ಐವರು ಆರೋಪಿಗಳನ್ನು ಬಿಎಸ್ಎಪ್ ಸಿಬ್ಬಂದಿ ಜಪ್ತಿ ಮಾಡಿದ್ದರು. ಆಗ ಕೂಡ ಪಾಕಿಸ್ತಾನದ ಡ್ರೋನ್ ಮೂಲಕವೇ ಭಾರತದ ಗಡಿಯೊಳಗೆ ಹೆರಾಯಿನ್ ಎಸೆಯಲಾಗಿತ್ತು
