ಹೊಸದಿಗಂತ ಡಿಜಿಟಲ್ ಡೆಸ್ಕ್:
ವಿಶ್ವವಿದ್ಯಾನಿಲಯಗಳಿಗೆ ಹೆಣ್ಣುಮಕ್ಕಳ ಪ್ರವೇಶವನ್ನು ತಾಲಿಬಾನ್ ನಿಷೇಧಿಸಿದೆ ಎಂಬ ವರದಿಗಳಿಂದ ವಿಶ್ವಸಂಸ್ಥೆಯ ಭದ್ರತಾ ಮಂಡಳಿ (ಯುಎನ್ಎಸ್ಸಿ) ತೀವ್ರ ಕಳವಳ ವ್ಯಕ್ತಪಡಿಸಿದೆ. ಎಲ್ಲಾ ಶಾಲೆಗಳನ್ನು ಮುಚ್ಚುವ ತಾಲಿಬಾನ್ ನಿರ್ಧಾರದ ಬಗ್ಗೆ ತನ್ನ ಗಂಭೀರ ಕಳವಳವನ್ನು ಪುನರುಚ್ಚರಿಸಿದೆ.
ತಾಲಿಬಾನ್ ಮಹಿಳೆಯರು ಮತ್ತು ಹುಡುಗಿಯರಿಗೆ ವಿಶ್ವವಿದ್ಯಾನಿಲಯಗಳಿಗೆ ಪ್ರವೇಶವನ್ನು ಸ್ಥಗಿತಗೊಳಿಸಿದೆ ಎಂಬ ವರದಿಗಳಿಂದ ಭದ್ರತಾ ಮಂಡಳಿಯು ಆಳವಾಗಿ ಗಾಬರಿಗೊಂಡಿದೆ ಮತ್ತು ಆರನೇ ತರಗತಿಯ ನಂತರ ಶಾಲೆಗಳನ್ನು ಅಮಾನತುಗೊಳಿಸುವುದರ ಬಗ್ಗೆಯೂ ಆತಂಕ ವ್ಯಕ್ತಪಡಿಸಿದೆ.
ಅಫ್ಘಾನಿಸ್ತಾನದಲ್ಲಿ ಮಹಿಳೆಯರ ಪರಿಸ್ಥಿತಿಯ ಬಗ್ಗೆ ಕಳವಳ ವ್ಯಕ್ತಪಡಿಸಿದ ಭದ್ರತಾ ಮಂಡಳಿಯು ಶಾಲೆಗಳನ್ನು ಪುನಃ ತೆರೆಯಲು ಮತ್ತು ಈ ನೀತಿಗಳು ಮತ್ತು ಅಭ್ಯಾಸಗಳನ್ನು ತ್ವರಿತವಾಗಿ ಹಿಮ್ಮೆಟ್ಟಿಸಲು ತಾಲಿಬಾನ್ಗೆ ಕರೆ ನೀಡಿತು. ತಾಲಿಬಾನ್ನ ಈ ನಿರ್ಣಯ ದೇಶದಲ್ಲಿನ ಜನರ ಮೂಲಭೂತ ಸ್ವಾತಂತ್ರ್ಯಗಳ ಕಸಿಯುವ ಪ್ರಯತ್ನ ಎಂದು ಬಣ್ಣಿಸಿದೆ. ಅಂತರರಾಷ್ಟ್ರೀಯ ಸಂಸ್ಥೆಗಳ ಮಹಿಳಾ ಉದ್ಯೋಗಿಗಳನ್ನು ಕೆಲಸಕ್ಕೆ ತೆಗೆದುಕೊಳ್ಳುವುದನ್ನು ತಾಲಿಬಾನ್ ಈಗಾಗಲೇ ನಿಷೇಧಿಸಿದೆ. ಇದು ಭದ್ರತಾ ಮಂಡಳಿಯ ಪ್ರಕಾರ ಯುಎನ್ ಸೇರಿದಂತೆ ದೇಶದಲ್ಲಿನ ಮಾನವೀಯ ಚಟುವಟಿಕೆಗಳ ಮೇಲೆ ದೊಡ್ಡ ಮತ್ತು ತಕ್ಷಣದ ಪರಿಣಾಮ ಬೀರುತ್ತದೆ.