ದೇಹದಲ್ಲಿ ಕೊಲೆಸ್ಟ್ರಾಲ್ ಅಂದರೆ ಹಲವರಿಗೆ ತಕ್ಷಣವೇ ಭಯ ಹುಟ್ಟಿಸುವ ಪದ. ಅದರಲ್ಲೂ LDL ಕೊಲೆಸ್ಟ್ರಾಲ್ ಹೆಚ್ಚಾಗಿದೆ ಅಂದರೆ ಹೃದಯ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ ಎಂಬುದು ಎಲ್ಲರಿಗೂ ಗೊತ್ತಿರುವ ವಿಷಯ. ಆದರೆ ಇದು ಏಕೆ ಹೆಚ್ಚಾಗುತ್ತದೆ? ಯಾವ ಅಭ್ಯಾಸಗಳು ಇದಕ್ಕೆ ಕಾರಣವಾಗುತ್ತವೆ? ಗೊತ್ತಿಲ್ಲದೇ ಮಾಡುವ ಕೆಲವು ಸಣ್ಣ ತಪ್ಪುಗಳೇ ದೊಡ್ಡ ಸಮಸ್ಯೆಗೆ ದಾರಿ ಮಾಡಿಕೊಡುತ್ತವೆ. ಆದ್ದರಿಂದ ಮುಂಚಿತವಾಗಿಯೇ ಕಾರಣಗಳನ್ನು ತಿಳಿದುಕೊಂಡರೆ ಆರೋಗ್ಯ ಕಾಪಾಡಿಕೊಳ್ಳುವುದು ಸುಲಭ.
ಅತಿಯಾದ ಎಣ್ಣೆಯ ಆಹಾರ
ದಿನವೂ ಹೆಚ್ಚು ಎಣ್ಣೆ, ಫಾಸ್ಟ್ ಫುಡ್, ಫ್ರೈ ಮಾಡಿದ ಪದಾರ್ಥಗಳನ್ನು ತಿನ್ನುವ ಅಭ್ಯಾಸ LDL ಹೆಚ್ಚಾಗಲು ಪ್ರಮುಖ ಕಾರಣ. ಈ ರೀತಿಯ ಆಹಾರ ದೇಹದಲ್ಲಿ ಕೆಟ್ಟ ಕೊಬ್ಬನ್ನು ಸಂಗ್ರಹಿಸುತ್ತದೆ.
ವ್ಯಾಯಾಮದ ಕೊರತೆ
ದೇಹ ಚಲನೆಯಿಲ್ಲದೆ ಇದ್ದರೆ ಕೊಬ್ಬು ನಿಧಾನವಾಗಿ ಜಮೆಯಾಗುತ್ತದೆ. ದಿನಕ್ಕೆ ಸ್ವಲ್ಪ ಸಮಯವಾದರೂ ನಡೆಯುವುದು ಅಥವಾ ವ್ಯಾಯಾಮ ಮಾಡುವುದು ಅಗತ್ಯ.
ಇದನ್ನೂ ಓದಿ:
ಒತ್ತಡ ಮತ್ತು ಅಸ್ಥಿರ ಜೀವನಶೈಲಿ
ಮಾನಸಿಕ ಒತ್ತಡ ಹೆಚ್ಚಾದಾಗ ದೇಹದ ಹಾರ್ಮೋನ್ ಸಮತೋಲನ ಕಳೆದು ಕೊಲೆಸ್ಟ್ರಾಲ್ ಮಟ್ಟಕ್ಕೂ ಪರಿಣಾಮ ಬೀರುತ್ತದೆ. ಸರಿಯಾದ ನಿದ್ರೆ ಇಲ್ಲದಿರುವುದೂ ಇದಕ್ಕೆ ಕಾರಣವಾಗಬಹುದು.
ಸಿಹಿ ಮತ್ತು ಪ್ರೊಸೆಸ್ಡ್ ಫುಡ್
ಅತಿಯಾಗಿ ಸಕ್ಕರೆ ಇರುವ ಪದಾರ್ಥಗಳು, ಪ್ಯಾಕೆಟ್ ಸ್ನ್ಯಾಕ್ಸ್ ಮತ್ತು ಪ್ರೊಸೆಸ್ಡ್ ಆಹಾರಗಳು ದೇಹದಲ್ಲಿ ಕೊಬ್ಬಿನ ಪ್ರಮಾಣ ಹೆಚ್ಚಿಸುತ್ತವೆ. ಇದರಿಂದ LDL ಮಟ್ಟ ನಿಧಾನವಾಗಿ ಏರಬಹುದು.
ಕುಟುಂಬದ ಆರೋಗ್ಯ ಇತಿಹಾಸ
ಕೆಲವರಿಗೆ ವಂಶಪಾರಂಪರ್ಯವಾಗಿಯೇ ಕೊಲೆಸ್ಟ್ರಾಲ್ ಸಮಸ್ಯೆ ಇರುವ ಸಾಧ್ಯತೆ ಇದೆ. ಇಂತಹವರು ಹೆಚ್ಚು ಜಾಗ್ರತೆ ವಹಿಸುವುದು ಅಗತ್ಯ.(Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಮಾಹಿತಿಗಾಗಿ ತಜ್ಞರನ್ನು ಸಂಪರ್ಕಿಸಿ.)
