ಸಾಮಾನ್ಯವಾಗಿ ಅಳು ಎನ್ನುವುದು ನೋವು ಅಥವಾ ಸಂಕಟದ ಸಂಕೇತ. ಆದರೆ ಕೆಲವೊಮ್ಮೆ ಯಾವುದೇ ಕಾರಣವಿಲ್ಲದೆ ಇದ್ದಕ್ಕಿದ್ದಂತೆ ಕಣ್ಣೀರು ಬರುವುದುಂಟು. ಇಂತಹ ಸಂದರ್ಭದಲ್ಲಿ ನಾವು “ನನಗೇನಾಗಿದೆ?” ಎಂದು ಗೊಂದಲಕ್ಕೀಡಾಗುತ್ತೇವೆ. ವೈದ್ಯಕೀಯ ಮತ್ತು ಮನೋವಿಜ್ಞಾನದ ಪ್ರಕಾರ, ಇದಕ್ಕೆ ಹಲವು ಆಳವಾದ ಕಾರಣಗಳಿರಬಹುದು:
ವಿಶೇಷವಾಗಿ ಮಹಿಳೆಯರಲ್ಲಿ ಮುಟ್ಟಿನ ಸಮಯದಲ್ಲಿ, ಗರ್ಭಾವಸ್ಥೆಯ ಕಾಲದಲ್ಲಿ ಅಥವಾ ಋತುಬಂಧದ ಹಂತದಲ್ಲಿ ಹಾರ್ಮೋನುಗಳಲ್ಲಿ ಬದಲಾವಣೆಯಾಗುತ್ತದೆ. ಇದು ಯಾವುದೇ ಕಾರಣವಿಲ್ಲದೆ ಮನಸ್ಸಿನ ಸ್ಥಿತಿ ಬದಲಾಗಲು ಮತ್ತು ಅಳು ಬರಲು ಕಾರಣವಾಗುತ್ತದೆ.
ನಿಮ್ಮ ದೈನಂದಿನ ಜೀವನದಲ್ಲಿ ಒತ್ತಡ ಹೆಚ್ಚಾದಾಗ, ಮೆದುಳು ಅದನ್ನು ಸರಿಹೊಂದಿಸಲು ಕಷ್ಟಪಡುತ್ತದೆ. ನೀವು ಆ ಸಮಯದಲ್ಲಿ ಶಾಂತವಾಗಿರುವಂತೆ ಕಂಡರೂ, ಶೇಖರಣೆಯಾದ ಒತ್ತಡವು ಕಣ್ಣೀರಿನ ರೂಪದಲ್ಲಿ ಹೊರಬರಬಹುದು.
ಸರಿಯಾದ ನಿದ್ರೆ ಇಲ್ಲದಿದ್ದಾಗ ನಮ್ಮ ಭಾವನೆಗಳನ್ನು ನಿಯಂತ್ರಿಸುವ ಮೆದುಳಿನ ಭಾಗವು ದಣಿದಿರುತ್ತದೆ. ಇದರಿಂದ ಸಣ್ಣ ವಿಷಯಕ್ಕೂ ಅಥವಾ ಕಾರಣವೇ ಇಲ್ಲದಿದ್ದರೂ ಅತಿಯಾದ ಭಾವುಕತೆ ಕಾಡುತ್ತದೆ.
ಕೆಲವೊಮ್ಮೆ ಯಾವುದೇ ವಿಶೇಷ ಘಟನೆ ನಡೆಯದಿದ್ದರೂ ಅಳು ಬರುತ್ತಿದ್ದರೆ, ಅದು ಗುಪ್ತವಾಗಿರುವ ಖಿನ್ನತೆಯ ಲಕ್ಷಣವಾಗಿರಬಹುದು. ಜೀವನದಲ್ಲಿ ಆಸಕ್ತಿ ಕಳೆದುಕೊಳ್ಳುವುದು ಅಥವಾ ಸದಾ ಆತಂಕಕ್ಕೆ ಒಳಗಾಗುವುದು ಇದಕ್ಕೆ ಪುಷ್ಟಿ ನೀಡುತ್ತದೆ.
ಇದನ್ನೂ ಓದಿ:
ಇದು ಒಂದು ನರಸಂಬಂಧಿ ಸಮಸ್ಯೆ. ಇದರಲ್ಲಿ ವ್ಯಕ್ತಿಯು ತನ್ನ ಅಳು ಅಥವಾ ನಗುವನ್ನು ನಿಯಂತ್ರಿಸಲು ಸಾಧ್ಯವಾಗುವುದಿಲ್ಲ. ಪರಿಸ್ಥಿತಿಗೆ ಸಂಬಂಧವಿಲ್ಲದಿದ್ದರೂ ಮೆದುಳಿನ ಸಿಗ್ನಲ್ಗಳ ದೋಷದಿಂದ ಹೀಗಾಗಬಹುದು.
