ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕೊಲಂಬೊದ ಆರ್. ಪ್ರೇಮದಾಸ ಕ್ರೀಡಾಂಗಣದಲ್ಲಿ ನಡೆದ ಟಿ20 ವಿಶ್ವಕಪ್ 2026ರ ಪಂದ್ಯದಲ್ಲಿ ಶ್ರೀಲಂಕಾ ಹಾಗೂ ಐರ್ಲೆಂಡ್ ಮುಖಾಮುಖಿಯಾದ ವೇಳೆ ಒಂದು ಘಟನೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಲಂಕಾ ಬ್ಯಾಟರ್ ಪವನ್ ರತ್ನಾಯಕೆ ಮಧ್ಯಮ ಓವರ್ಗಳಲ್ಲಿ ವೇಗ ಹೆಚ್ಚಿಸಲು ಮಾಡಿದ ಅಪಾಯಕಾರಿ ಪ್ರಯತ್ನ ತಂಡಕ್ಕೆ ದುಬಾರಿಯಾಗಿದೆ.
11ನೇ ಓವರ್ನ ಆರಂಭದಲ್ಲೇ ಐರ್ಲೆಂಡ್ ಸ್ಪಿನ್ನರ್ ಜಾರ್ಜ್ ಡಾಕ್ರೆಲ್ ವಿರುದ್ಧ ರತ್ನಾಯಕೆ ಆಕ್ರಮಣಕಾರಿ ಆಟಕ್ಕೆ ಮುಂದಾದರು. ಮಂಡಿಯೂರಿ ರ್ಯಾಂಪ್ ಶಾಟ್ ಆಡಲು ಯತ್ನಿಸಿದ ಅವರು, ಚೆಂಡಿನ ಎತ್ತರವನ್ನು ತಪ್ಪಾಗಿ ಅಂದಾಜಿಸಿದರು. ಪರಿಣಾಮ ಚೆಂಡು ನೇರವಾಗಿ ಸ್ಟಂಪ್ಗೆ ತಾಗಿದ್ದು, ಕೇವಲ 5 ರನ್ಗಳಿಗೆ ಅವರ ಇನ್ನಿಂಗ್ಸ್ ಮುಕ್ತಾಯವಾಯಿತು. ಈ ವೇಳೆಗೆ ಶ್ರೀಲಂಕಾ 68 ರನ್ಗೆ ಮೂರನೇ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು.
ಇದನ್ನೂ ಓದಿ:
ಆದರೂ ನಂತರ ಕಮಿಂಡು ಮೆಂಡಿಸ್ 44 ರನ್ಗಳ ಚುರುಕಿನ ಆಟವಾಡಿ ತಂಡಕ್ಕೆ ಚೇತರಿಕೆ ತಂದರು. ಕುಸಲ್ ಮೆಂಡಿಸ್ ಅರ್ಧಶತಕದ ನೆರವಿನಿಂದ ಶ್ರೀಲಂಕಾ 6 ವಿಕೆಟ್ಗೆ 163 ರನ್ ಗಳಿಸಿತು. ಗುರಿ ಬೆನ್ನಟ್ಟಿದ ಐರ್ಲೆಂಡ್ ಸ್ಪಿನ್ ದಾಳಿಗೆ ತತ್ತರಿಸಿ 143 ರನ್ಗಳಿಗೆ ಆಲೌಟ್ ಆಯಿತು. ಶ್ರೀಲಂಕಾ 20 ರನ್ಗಳ ಜಯ ಸಾಧಿಸಿತು.
