ಕರ್ನಾಟಕದ ಕರಾವಳಿ ಭಾಗಗಳಲ್ಲಿ ಅತ್ಯಂತ ಜನಪ್ರಿಯವಾದ ಊಟಗಳಲ್ಲಿ ಫಿಶ್ ಕರಿ ಪ್ರಮುಖ ಸ್ಥಾನ ಹೊಂದಿದೆ. ಮೀನು, ಮಸಾಲೆ ಮತ್ತು ಹುಳಿ ರುಚಿಯ ಜೊತೆ ತಯಾರಾಗುವ ಈ ಕರಿ ಅನ್ನದ ಜೊತೆಗೆ ತಿನ್ನಲು ಬಹಳ ರುಚಿಯಾಗಿರುತ್ತದೆ. ಮನೆಯಲ್ಲೇ ಸರಳ ಪದಾರ್ಥಗಳಿಂದ ಸುಲಭವಾಗಿ ತಯಾರಿಸಬಹುದಾದ ಈ ಫಿಶ್ ಕರಿ, ವಿಶೇಷವಾಗಿ ಊಟಕ್ಕೆ, ಪುಂಡಿ, ನೀರ್ ದೋಸೆಗೆ ಸೂಪರ್ ಕಾಂಬಿನೇಷನ್ ಆಗಿರುತ್ತೆ.
ಬೇಕಾಗುವ ಪದಾರ್ಥಗಳು
ಮೀನು ತುಂಡುಗಳು – 500 ಗ್ರಾಂ
ಈರುಳ್ಳಿ – 1 (
ಟೊಮೇಟೊ – 1
ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ – 1 ಟೀ ಸ್ಪೂನ್
ಮೆಣಸಿನ ಪುಡಿ – 1 ಟೀ ಸ್ಪೂನ್
ಅರಿಶಿಣ ಪುಡಿ – ½ ಟೀ ಸ್ಪೂನ್
ಧನಿಯಾ ಪುಡಿ – 1 ಟೀ ಸ್ಪೂನ್
ಹುಣಸೆ ರಸ – ಸ್ವಲ್ಪ
ಉಪ್ಪು – ರುಚಿಗೆ ತಕ್ಕಷ್ಟು
ಎಣ್ಣೆ – 2 ಟೇಬಲ್ ಸ್ಪೂನ್
ಕರಿಬೇವು – ಸ್ವಲ್ಪ
ನೀರು – ಅಗತ್ಯವಷ್ಟು
ಮಾಡುವ ವಿಧಾನ
ಮೊದಲು ಪ್ಯಾನ್ನಲ್ಲಿ ಎಣ್ಣೆ ಬಿಸಿ ಮಾಡಿ ಕರಿಬೇವು ಹಾಗೂ ಈರುಳ್ಳಿ ಹಾಕಿ ಬಂಗಾರದ ಬಣ್ಣ ಬರುವವರೆಗೆ ಹುರಿಯಿರಿ. ನಂತರ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಸ್ವಲ್ಪ ಕಾಲ ಬೇಯಿಸಿ. ಈಗ ಟೊಮೇಟೊ ಸೇರಿಸಿ ಮೃದುವಾಗುವವರೆಗೆ ಬೇಯಿಸಿ.
ಅದಾದ ನಂತರ ಮೆಣಸಿನ ಪುಡಿ, ಅರಿಶಿಣ ಪುಡಿ, ಧನಿಯಾ ಪುಡಿ ಮತ್ತು ಉಪ್ಪು ಹಾಕಿ ಚೆನ್ನಾಗಿ ಕಲಸಿ. ಈಗ ಹುಣಸೆ ರಸ ಮತ್ತು ಅಗತ್ಯವಿರುವಷ್ಟು ನೀರು ಸೇರಿಸಿ ಕುದಿಯಲು ಬಿಡಿ.
ನಂತರ ಸ್ವಚ್ಛಗೊಳಿಸಿದ ಮೀನು ತುಂಡುಗಳನ್ನು ಸೇರಿಸಿ 8–10 ನಿಮಿಷಗಳವರೆಗೆ ನಿಧಾನವಾದ ಉರಿಯಲ್ಲಿ ಬೇಯಿಸಿ. ಮಸಾಲೆ ಚೆನ್ನಾಗಿ ಮೀನಿಗೆ ಹೀರಿಕೊಂಡ ನಂತರ ಸ್ಟೌವ್ ಆಫ್ ಮಾಡಿ. ಇಷ್ಟೇ, ರುಚಿಕರವಾದ ಫಿಶ್ ಕರಿ ಸಿದ್ಧ.
