ಮಾವಿನ ಹಣ್ಣಿನ ಸೀಸನ್ ಅಂದರೆ ಅಡುಗೆ ಮನೆಯಲ್ಲಿ ಹೊಸ ರುಚಿಗಳ ಹಬ್ಬ! ಅದರಲ್ಲಿ ಕರಾವಳಿ ಕರ್ನಾಟಕದ ಫೇವರಿಟ್ ಡಿಶ್ ಆಗಿರುವ ಮಾವಿನ ಹಣ್ಣಿನ ಸಾರು ವಿಶೇಷ ಸ್ಥಾನ ಪಡೆದಿದೆ. ಸಿಹಿ, ಹುಳಿ ಮತ್ತು ಸ್ವಲ್ಪ ಖಾರದ ಮಿಶ್ರಣದಿಂದ ಈ ಸಾರು ಅನ್ನದ ಜೊತೆ ತಿಂದರೆ ಊಟದ ರುಚಿಯೇ ಬದಲಾಗುತ್ತದೆ.
ಬೇಕಾಗುವ ಪದಾರ್ಥಗಳು
ಮಾಗಿದ ಮಾವಿನಹಣ್ಣು – 3-4
ಬೆಲ್ಲ – ರುಚಿಗೆ ತಕ್ಕಷ್ಟು
ತೆಂಗಿನಕಾಯಿ ತುರಿ – ½ ಕಪ್
ಒಣ ಮೆಣಸಿನಕಾಯಿ – 2-3
ಸಾಸಿವೆ – 1 ಚಮಚ
ಕೊತ್ತಂಬರಿ ಬೀಜ – 1 ಚಮಚ
ಉಪ್ಪು – ರುಚಿಗೆ ತಕ್ಕಷ್ಟು
ಕರಿಬೇವು – ಸ್ವಲ್ಪ
ಒಗ್ಗರಣೆಗೆ:
ಎಣ್ಣೆ – 1 ಚಮಚ
ಸಾಸಿವೆ – ½ ಚಮಚ
ಕರಿಬೇವು – ಸ್ವಲ್ಪ
ತಯಾರಿಸುವ ವಿಧಾನ:
ಮೊದಲು ಮಾವಿನಹಣ್ಣಿನ ಸಿಪ್ಪೆ ತೆಗೆದು ಸ್ವಲ್ಪ ಕಿವುಚಿ ಒಂದು ಪಾತ್ರೆಗೆ ಹಾಕಿ. ಅದಕ್ಕೆ ನೀರು ಮತ್ತು ಬೆಲ್ಲ ಸೇರಿಸಿ ಮೃದುವಾಗುವವರೆಗೆ ಕುದಿಸಿ.
ಈಗ ತೆಂಗಿನಕಾಯಿ ತುರಿ, ಒಣ ಮೆಣಸಿನಕಾಯಿ, ಸಾಸಿವೆ ಮತ್ತು ಕೊತ್ತಂಬರಿ ಬೀಜವನ್ನು ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿ.
ಈ ಮಸಾಲೆ ಪೇಸ್ಟ್ ಅನ್ನು ಕುದಿಯುತ್ತಿರುವ ಮಾವಿನ ಮಿಶ್ರಣಕ್ಕೆ ಸೇರಿಸಿ. ಉಪ್ಪು ಹಾಕಿ 5-10 ನಿಮಿಷ ಸಣ್ಣ ಉರಿಯಲ್ಲಿ ಕುದಿಯಲು ಬಿಡಿ.
ಕೊನೆಗೆ ಒಗ್ಗರಣೆ ತಯಾರಿಸಿ ಇದಕ್ಕೆ ಹಾಕಿ. ಬಿಸಿ ಅನ್ನದ ಜೊತೆ ಈ ಸಿಹಿ-ಹುಳಿ ಮಾವಿನ ಸಾರು ಸರ್ವ್ ಮಾಡಿದರೆ ಅದ್ಭುತ ರುಚಿ ಸಿಗುತ್ತದೆ.
