ನಾವು ಯಾವ ಮನೆಯಲ್ಲಿ ಹುಟ್ಟುತ್ತೇವೆ, ಯಾವ ಪರಿಸ್ಥಿತಿಯಲ್ಲಿ ಬೆಳೆಯುತ್ತೇವೆ ಇವು ನಮ್ಮ ಕೈಯಲ್ಲಿರೋದಿಲ್ಲ. ಆದರೆ ಪ್ರತಿದಿನ ನಾವು ತೆಗೆದುಕೊಳ್ಳುವ ಸಣ್ಣ ಸಣ್ಣ ಆಯ್ಕೆಗಳು ಮಾತ್ರ ಸಂಪೂರ್ಣವಾಗಿ ನಮ್ಮದೇ. ಯಾವ ಮಾತಿಗೆ ಪ್ರತಿಕ್ರಿಯೆ ಕೊಡಬೇಕು, ಯಾರ ಜೊತೆ ಸಮಯ ಕಳೆಯಬೇಕು, ಯಾವ ದಾರಿಗೆ ಹೋಗಬೇಕು ಈ ಎಲ್ಲವುಗಳು ನಿಧಾನವಾಗಿ ನಮ್ಮ ಜೀವನದ ರೂಪ ಕಟ್ಟುತ್ತವೆ.
ಬಹಳ ಬಾರಿ ನಾವು ದೊಡ್ಡ ನಿರ್ಧಾರಗಳನ್ನೇ ಜೀವನ ಬದಲಿಸುತ್ತದೆ ಅಂತ ಯೋಚಿಸುತ್ತೇವೆ. ಆದರೆ ನಿಜವಾಗಿ ನೋಡಿದರೆ, ಪ್ರತಿದಿನದ ಸಣ್ಣ ಆಯ್ಕೆಗಳು ದೊಡ್ಡ ಬದಲಾವಣೆ ತರುತ್ತವೆ. ಇವತ್ತು ತೆಗೆದುಕೊಂಡ ಒಂದು ಸರಿಯಾದ ನಿರ್ಧಾರ ನಾಳೆ ಒಳ್ಳೆಯ ಅವಕಾಶಕ್ಕೆ ದಾರಿ ಮಾಡಬಹುದು. ಅದೇ ರೀತಿ ಒಂದು ತಪ್ಪು ಆಯ್ಕೆಯೂ ನಮಗೆ ಪಾಠ ಕಲಿಸಬಹುದು. ಅಂದರೆ ಪ್ರತಿ ಆಯ್ಕೆಯೂ ಮಹತ್ವದ್ದೇ.
ಇದನ್ನೂ ಓದಿ:
ಆದರೆ ಸರಿಯಾದ ಆಯ್ಕೆ ಮಾಡೋದು ಅಂದ್ರೆ ಯಾವತ್ತೂ ಸುಲಭ ದಾರಿ ಆಯ್ಕೆ ಮಾಡೋದು ಅಲ್ಲ. ಕೆಲವೊಮ್ಮೆ ಕಷ್ಟದ ದಾರಿಯೇ ಸರಿಯಾದದ್ದು ಆಗಿರುತ್ತದೆ. ತಕ್ಷಣ ಲಾಭ ಕೊಡುವುದಕ್ಕಿಂತ, ಮುಂದೆ ಒಳ್ಳೆಯದು ಆಗೋದು ಯಾವುದು ಅನ್ನೋದನ್ನ ಗುರುತಿಸುವುದೇ ಮುಖ್ಯ.
ಜೀವನವನ್ನು ಸಂಪೂರ್ಣವಾಗಿ ಬದಲಿಸಲು ಯಾವಾಗಲೂ ದೊಡ್ಡ ಅವಕಾಶ ಬೇಕಾಗುವುದಿಲ್ಲ. ಕೆಲವೊಮ್ಮೆ ಒಂದು ಸ್ಪಷ್ಟ ನಿರ್ಧಾರ, ಒಂದು ಸರಿಯಾದ ಆಯ್ಕೆ ಸಾಕು. ಅದೇ ನಮ್ಮ ದಾರಿಯನ್ನು ನಿಧಾನವಾಗಿ ಬದಲಿಸುತ್ತದೆ.
ಹೀಗಾಗಿ ನೆನಪಿಟ್ಟುಕೊಳ್ಳಿ
ಪರಿಸ್ಥಿತಿಗಳು ನಮ್ಮ ಕೈಯಲ್ಲಿರೋದಿಲ್ಲ… ಆದರೆ ನಾವು ಮಾಡುವ ಆಯ್ಕೆಗಳು ಮಾತ್ರ ನಮ್ಮ ಕೈಯಲ್ಲಿವೆ.
ಅವು ಸರಿಯಾದಾಗ, ಜೀವನವೂ ಸರಿಯಾದ ದಿಕ್ಕಿಗೆ ಸಾಗುತ್ತದೆ.
