ಬೇಸಿಗೆ ಇರಲಿ ಅಥವಾ ಮಳೆಗಾಲ, ಕೆಲವರಿಗೆ ಅತಿಯಾದ ಬೆವರಿನ ಸಮಸ್ಯೆ ಇರುತ್ತದೆ. ಬೆವರುವುದು ದೇಹದ ಆರೋಗ್ಯಕ್ಕೆ ಒಳ್ಳೆಯದಾದರೂ, ಅದರಿಂದ ಬರುವ ದುರ್ವಾಸನೆ ಮಾತ್ರ ಮುಜುಗರಕ್ಕೆ ಕಾರಣವಾಗುತ್ತದೆ. ದುಬಾರಿ ಪರ್ಫ್ಯೂಮ್ ಅಥವಾ ಡಿಯೋಡರೆಂಟ್ ಬಳಸಿದರೂ ಅದು ಹೆಚ್ಚು ಹೊತ್ತು ಉಳಿಯುವುದಿಲ್ಲ. ಅಂತಹ ಸಮಯದಲ್ಲಿ ನಮ್ಮ ಅಡುಗೆ ಮನೆಯಲ್ಲಿಯೇ ಸಿಗುವ ನೈಸರ್ಗಿಕ ವಸ್ತುಗಳನ್ನು ಸ್ನಾನದ ನೀರಿಗೆ ಬೆರೆಸುವ ಮೂಲಕ ಈ ಸಮಸ್ಯೆಯಿಂದ ಶಾಶ್ವತವಾಗಿ ಮುಕ್ತಿ ಪಡೆಯಬಹುದು.
ಬೆವರಿನ ವಾಸನೆ ದೂರ ಮಾಡಲು ಸ್ನಾನದ ನೀರಿಗೆ ಇವುಗಳನ್ನು ಬೆರೆಸಿ:
ನಿಂಬೆ ಹಣ್ಣಿನಲ್ಲಿರುವ ಸಿಟ್ರಿಕ್ ಆಮ್ಲವು ಚರ್ಮದ ಮೇಲಿರುವ ಬ್ಯಾಕ್ಟೀರಿಯಾಗಳನ್ನು ಕೊಲ್ಲುತ್ತದೆ. ಸ್ನಾನದ ನೀರಿಗೆ ಅರ್ಧ ಹೋಳು ನಿಂಬೆ ರಸವನ್ನು ಹಿಂಡಿ ಸ್ನಾನ ಮಾಡುವುದರಿಂದ ಇಡೀ ದಿನ ದೇಹ ತಾಜಾತನದಿಂದ ಕೂಡಿರುತ್ತದೆ.
ಬೇವಿನ ಎಲೆಗಳು ಮತ್ತು ತುಳಸಿ ಎಲೆಗಳು ಅದ್ಭುತ ಆಂಟಿ-ಬ್ಯಾಕ್ಟೀರಿಯಲ್ ಗುಣಗಳನ್ನು ಹೊಂದಿವೆ. ಸ್ವಲ್ಪ ನೀರನ್ನು ಬಿಸಿ ಮಾಡಿ ಅದರಲ್ಲಿ ಬೇವಿನ ಎಲೆಗಳನ್ನು ಹಾಕಿ, ನಂತರ ಆ ನೀರನ್ನು ಸ್ನಾನದ ಬಕೆಟ್ಗೆ ಬೆರೆಸಿ. ಇದು ಚರ್ಮದ ತುರಿಕೆ ಮತ್ತು ವಾಸನೆಯನ್ನು ತಡೆಯುತ್ತದೆ.
ಗುಲಾಬಿ ನೀರು ಕೇವಲ ಸುವಾಸನೆಯನ್ನು ನೀಡುವುದಲ್ಲದೆ, ಮನಸ್ಸಿಗೆ ಹಿತವಾದ ಅನುಭವ ನೀಡುತ್ತದೆ. ಸ್ನಾನದ ನೀರಿಗೆ ಸ್ವಲ್ಪ ರೋಸ್ ವಾಟರ್ ಬೆರೆಸಿದರೆ ನಿಮ್ಮ ದೇಹ ದೀರ್ಘಕಾಲದವರೆಗೆ ಸುಗಂಧಮಯವಾಗಿರುತ್ತದೆ.
ಬೆವರು ಹೆಚ್ಚು ಹೀರಿಕೊಳ್ಳುವಂತೆ ಮಾಡಲು ಮತ್ತು ವಾಸನೆಯನ್ನು ತಟಸ್ಥಗೊಳಿಸಲು ಅಡುಗೆ ಸೋಡಾ ಸಹಕಾರಿ. ಸ್ನಾನದ ನೀರಿಗೆ ಒಂದು ಚಮಚ ಅಡುಗೆ ಸೋಡಾ ಬೆರೆಸಿ ಸ್ನಾನ ಮಾಡುವುದು ಪರಿಣಾಮಕಾರಿ.
