ಬೇಸಿಗೆಯ ರಾಜ ಎಂದು ಕರೆಯಲಾಗುವ ಮಾವಿನಹಣ್ಣಿನ ರುಚಿಗೆ ಮನಸೋಲದವರು ಯಾರೂ ಇಲ್ಲ. ಆದರೆ ಕೆಲವರು ಮಾವಿನ ಹಣ್ಣು ತಿಂದ ಬಳಿಕ ಮುಖದಲ್ಲಿ ಪಿಂಪಲ್ಗಳು ಕಾಣಿಸಿಕೊಳ್ಳುತ್ತವೆ ಎಂದು ಹೇಳುತ್ತಾರೆ. ಇದಕ್ಕೆ ನೇರವಾಗಿ ಮಾವಿನ ಹಣ್ಣೇ ಕಾರಣ ಎನ್ನಲು ಸಾಧ್ಯವಿಲ್ಲವಾದರೂ, ಕೆಲವು ದೈಹಿಕ ಕಾರಣಗಳು ಇದಕ್ಕೆ ಸಂಬಂಧಿಸಿರಬಹುದು.
ಮೊದಲನೆಯದಾಗಿ, ಮಾವಿನಹಣ್ಣಿನಲ್ಲಿ ನೈಸರ್ಗಿಕ ಸಕ್ಕರೆ ಪ್ರಮಾಣ ಸ್ವಲ್ಪ ಹೆಚ್ಚಿರುತ್ತದೆ. ಇದನ್ನು ಹೆಚ್ಚು ಪ್ರಮಾಣದಲ್ಲಿ ಸೇವಿಸಿದಾಗ ದೇಹದಲ್ಲಿ ಹಾರ್ಮೋನ್ ಬದಲಾವಣೆಗಳು ಸಂಭವಿಸಿ, ಚರ್ಮದಲ್ಲಿ ಎಣ್ಣೆಯ ಉತ್ಪಾದನೆ ಹೆಚ್ಚಾಗಬಹುದು. ಇದರಿಂದ ಚರ್ಮದ ರಂಧ್ರಗಳು ಮುಚ್ಚಿಕೊಂಡು ಮೊಡವೆಗಳು ಮೂಡುವ ಸಾಧ್ಯತೆ ಇದೆ.
ಇದನ್ನೂ ಓದಿ:
ಇನ್ನೊಂದು ಕಾರಣ ದೇಹದ ಸ್ವಭಾವ. ಕೆಲವರ ದೇಹಕ್ಕೆ ಕೆಲವು ಆಹಾರಗಳು ಬೇಗ ಉಷ್ಣತೆ ನೀಡುತ್ತವೆ. ಅಂತಹವರಲ್ಲಿ ಮಾವಿನ ಹಣ್ಣು ಹೆಚ್ಚು ತಿಂದರೆ ಚರ್ಮದಲ್ಲಿ ಉರಿ, ಕೆಂಪಾಗುವಿಕೆ ಅಥವಾ ಸಣ್ಣ ಪಿಂಪಲ್ಗಳು ಕಾಣಿಸಬಹುದು.
ಆದರೆ ಮಿತವಾಗಿ ತಿನ್ನುವುದು, ಸಾಕಷ್ಟು ನೀರು ಕುಡಿಯುವುದು ಮತ್ತು ಚರ್ಮದ ಆರೈಕೆ ಮಾಡುವುದು ಮುಖ್ಯ. ಸರಿಯಾದ ಪ್ರಮಾಣದಲ್ಲಿ ಸೇವಿಸಿದರೆ ಮಾವಿನ ಹಣ್ಣು ಆರೋಗ್ಯಕ್ಕೂ ಲಾಭಕಾರಿ, ಚರ್ಮಕ್ಕೂ ಹಾನಿಕಾರಕವಾಗಬೇಕೆಂದಿಲ್ಲ.
