ತೂಕ ಹೆಚ್ಚಾಗೋಕೆ ಕೇವಲ ಆಹಾರ ಅಥವಾ ವ್ಯಾಯಾಮದ ಕೊರತೆ ಮಾತ್ರ ಕಾರಣ ಅಂತ ಹಲವರು ಅಂದುಕೊಳ್ಳುತ್ತಾರೆ. ಆದರೆ ಹೆಚ್ಚು ಟೆನ್ಷನ್ ಮತ್ತು ಮಾನಸಿಕ ಒತ್ತಡ ಕೂಡ ದೇಹದ ಮೇಲೆ ದೊಡ್ಡ ಪರಿಣಾಮ ಬೀರುತ್ತದೆ. ಕೆಲವರಿಗೆ ಸ್ಟ್ರೆಸ್ ಹೆಚ್ಚಾದಾಗ ಹಸಿವು ಜಾಸ್ತಿ ಆಗುತ್ತೆ, ಇನ್ನೂ ಕೆಲವರಿಗೆ ದೇಹ ಯಾವಾಗಲೂ ದಣಿದಂತೆ ಅನಿಸುತ್ತದೆ. ಇದೇ ಕಾರಣಕ್ಕೆ ಫಿಟ್ನೆಸ್ನಲ್ಲಿ ಮನಸ್ಸಿನ ಆರೋಗ್ಯವೂ ತುಂಬಾ ಮುಖ್ಯ.
ಟೆನ್ಷನ್ ಹೆಚ್ಚಾದಾಗ ದೇಹದಲ್ಲಿ ಕಾರ್ಟಿಸೋಲ್ ಎನ್ನುವ ಹಾರ್ಮೋನ್ ಪ್ರಮಾಣ ಹೆಚ್ಚಾಗುತ್ತದೆ. ಇದು ಹೆಚ್ಚು ಹಸಿವು ಆಗುವಂತೆ ಮಾಡಬಹುದು. ವಿಶೇಷವಾಗಿ ಸಿಹಿ, ಫಾಸ್ಟ್ ಫುಡ್ ಅಥವಾ ಎಣ್ಣೆಯ ತಿಂಡಿ ತಿನ್ನೋ ಆಸೆ ಹೆಚ್ಚಾಗುತ್ತದೆ.
ಬಹಳ ಜನ ಬೇಸರ, ಕೋಪ ಅಥವಾ ಒತ್ತಡದಲ್ಲಿ ಇದ್ದಾಗ ತಿನ್ನೋ ಮೂಲಕ ಮನಸ್ಸು ರಿಲ್ಯಾಕ್ಸ್ ಮಾಡಿಕೊಳ್ಳಲು ಪ್ರಯತ್ನಿಸುತ್ತಾರೆ. ಇದರಿಂದ ಅನಗತ್ಯ ಕ್ಯಾಲೊರಿ ದೇಹಕ್ಕೆ ಸೇರುತ್ತವೆ.
ಇದನ್ನೂ ಓದಿ:
ಸ್ಟ್ರೆಸ್ ಇದ್ದಾಗ ನಿದ್ರೆ ಸರಿಯಾಗಿ ಬರೋದಿಲ್ಲ. ಕಡಿಮೆ ನಿದ್ರೆ ಹಸಿವು ನಿಯಂತ್ರಿಸುವ ಹಾರ್ಮೋನ್ಗಳ ಮೇಲೆ ಪರಿಣಾಮ ಬೀರಬಹುದು. ಇದರಿಂದ ತೂಕ ಇಳಿಸೋದು ಕಷ್ಟವಾಗುತ್ತದೆ.
ವಾಕ್, ಯೋಗ ಅಥವಾ ಲೈಟ್ ವರ್ಕೌಟ್ ಮಾಡಿದ್ರೆ ದೇಹ ಮಾತ್ರ ಅಲ್ಲ, ಮನಸ್ಸೂ ರಿಲ್ಯಾಕ್ಸ್ ಆಗುತ್ತದೆ. ಇದರಿಂದ ಸ್ಟ್ರೆಸ್ ಮಟ್ಟ ಕಡಿಮೆಯಾಗಬಹುದು.
ಫಿಟ್ನೆಸ್ ಅಂದ್ರೆ ಕೇವಲ ದೇಹದ ವಿಚಾರ ಅಲ್ಲ… ಮನಸ್ಸು ಶಾಂತವಾಗಿದ್ದಾಗಲೇ ದೇಹವೂ ಆರೋಗ್ಯಕರವಾಗಿ ಕೆಲಸ ಮಾಡುತ್ತದೆ.
