ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ರಾಂಚಿಯ ಬಿರ್ಸಾ ಮುಂಡಾ ಕ್ರೀಡಾಂಗಣದಲ್ಲಿ ನಡೆದ ಫೆಡರೇಷನ್ ಕಪ್ ಅಥ್ಲೆಟಿಕ್ಸ್ ಕೂಟದಲ್ಲಿ ಪಂಜಾಬ್ನ 25 ವರ್ಷದ ಓಟಗಾರ ಗುರಿಂದರ್ವೀರ್ ಸಿಂಗ್ 10.09 ಸೆಕೆಂಡ್ಗಳಲ್ಲಿ 100 ಮೀಟರ್ ತನ್ನ ಗುರಿಯನ್ನು ತಲುಪಿದ್ದು, ಈ ಮೂಲಕ ನೂತನ ರಾಷ್ಟ್ರೀಯ ದಾಖಲೆಯನ್ನು ತನ್ನದಾಗಿಸಿಕೊಂಡಿದ್ದಾನೆ.
ಹೊಸ ದಾಖಲೆ ಬರೆದ ಸಿಂಗ್
ಈ ಸ್ಪರ್ಧೆಯ ಓಟದಲ್ಲಿ ಅನಿಮೇಶ್ ಕುಜೂರ್ 10.15 ಸೆಕೆಂಡುಗಳಲ್ಲಿ ಓಡಿ ರಾಷ್ಟ್ರೀಯ ದಾಖಲೆ ಬರೆದಿದ್ದರು. ಇದರ ಬೆನ್ನಲ್ಲೇ ಓಡಿದ ಗುರಿಂದರ್ವೀರ್ ಸಿಂಗ್, 10.10 ಸೆಕೆಂಡ್ಗಿಂತ ಕಡಿಮೆ ಅವಧಿಯಲ್ಲಿ ಓಡಿ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಕಾಮನ್ವೆಲ್ತ್ ಗೇಮ್ಸ್ಗೆ ಅರ್ಹತೆ
ಈ ಮೂಲಕ ಗುರಿಂದರ್ವೀರ್ ಸಿಂಗ್ ಏಷ್ಯಾದ ಎರಡನೇ ವೇಗದ ವ್ಯಕ್ತಿ ಎಂಬ ಹೆಗ್ಗಳಿಕೆ ಜೊತೆಗೆ 2026ರ ಕಾಮನ್ವೆಲ್ತ್ ಗೇಮ್ಸ್ಗೆ ತಮ್ಮ ಅರ್ಹತೆಯನ್ನು ಸಹ ಖಚಿತಪಡಿಸಿಕೊಂಡಿದ್ದಾರೆ.
ಭಾರತೀಯರ ಡಿಎನ್ಎ ಬಹಳ ಗಟ್ಟಿ
ಬಳಿಕ ಸುದ್ದಿಗಾರರೊಂದಿಗೆ ಖುಷಿ ಹಂಚಿಕೊಂಡ ಗುರಿಂದರ್ವೀರ್ ಸಿಂಗ್, 13 ವರ್ಷದವನಿದ್ದಾಗ 100 ಮೀಟರ್ ಓಟಕ್ಕಾಗಿ ತಯಾರಿ ನಡೆಸಲು ಮುಂದಾಗಿದ್ದೆ. ಆ ವೇಳೆ 100 ಮೀಟರ್ನಲ್ಲಿ ನಿನಗೆ ಭವಿಷ್ಯವಿಲ್ಲ, ನೀವು 400 ಮೀಟರ್ಗೆ ತಯಾರಿ ಮಾಡು ಎಂದು ಅನೇಕರು ಹೇಳುತ್ತಿದ್ದರು. ಆದ್ರೆ ಇದೀಗ ಈ ಸಾಧನೆ ಮಾಡಿ ನನ್ನ ಭಾರತೀಯರ ಡಿಎನ್ಎ ಬಹಳ ಗಟ್ಟಿ ಎಂದು ಜಗತ್ತಿಗೆ ತೋರಿಸಿದ್ದೆನೆ ಎಂದು ಅವರು ಹೇಳಿದರು.
