ಇಂದಿನ ಜೀವನದಲ್ಲಿ ಎಲ್ಲವೂ ತಕ್ಷಣ ಬೇಕು ಅನ್ನೋ ಅಭ್ಯಾಸ ಹೆಚ್ಚಾಗಿದೆ. ತಕ್ಷಣ ಖುಷಿ, ತಕ್ಷಣ ಮನರಂಜನೆ, ತಕ್ಷಣ ಉತ್ತರ, ತಕ್ಷಣ ಫಲಿತಾಂಶ ಹೀಗೆ ಮನಸ್ಸು ಕೂಡ “ಈಗಲೇ ಬೇಕು” ಅನ್ನೋ ಸ್ಥಿತಿಗೆ ಹೋಗಿಬಿಟ್ಟಿದೆ. ಬೇಸರವಾದ ಕ್ಷಣದಲ್ಲಿ ಏನಾದರೂ ನೋಡಿ ತಕ್ಷಣ ಖುಷಿ ಪಡೆಯೋದು ಸುಲಭವಾಗಿದೆ. ಆದರೆ ಇದೇ ಅಭ್ಯಾಸ ನಿಧಾನವಾಗಿ ನಮ್ಮ ಒಳಗಿನ ಶಾಂತಿಯನ್ನು ಕಡಿಮೆ ಮಾಡುತ್ತಿದೆ.
ಕ್ಷಣಿಕ ಸಂತೋಷ ತಪ್ಪಲ್ಲ. ಆದರೆ ಪ್ರತಿಯೊಂದು ಖಾಲಿತನಕ್ಕೂ ತಾತ್ಕಾಲಿಕ ಖುಷಿಯನ್ನೇ ಪರಿಹಾರವಾಗಿ ಬಳಸಿದರೆ, ಮನಸ್ಸು ಶಾಂತವಾಗಿರುವುದನ್ನು ಮರೆತುಬಿಡುತ್ತದೆ. ಕೆಲವು ಕ್ಷಣಗಳ ಸಂತೋಷ ಕೊಡುವ ವಿಷಯಗಳು ನಂತರ ಮತ್ತೆ ಅದೇ ಖಾಲಿತನವನ್ನು ಹೆಚ್ಚಿಸಬಹುದು. ಆಗ ನಾವು ಮತ್ತೆ ಹೊಸದೊಂದು ತಕ್ಷಣದ ಖುಷಿ ಹುಡುಕುತ್ತೇವೆ. ಹೀಗೆ ಒಂದು ಚಕ್ರದಲ್ಲಿ ಸಿಲುಕಿಬಿಡುತ್ತೇವೆ.
ಇದನ್ನೂ ಓದಿ:
ದೀರ್ಘಕಾಲದ ನೆಮ್ಮದಿ ಅಂದ್ರೆ ಯಾವಾಗಲೂ ಖುಷಿಯಾಗಿರೋದು ಅಲ್ಲ. ಅದು ಮನಸ್ಸು ಸ್ಥಿರವಾಗಿರುವ ಸ್ಥಿತಿ. ಅದಕ್ಕೆ ಸಮಯ ಬೇಕು, ತಾಳ್ಮೆ ಬೇಕು, ಕೆಲವೊಮ್ಮೆ ತಕ್ಷಣದ ಆಸೆಗಳನ್ನು ನಿಯಂತ್ರಿಸುವ ಶಕ್ತಿ ಬೇಕು. ಆದರೆ ನಾವು ಆ ದಾರಿಯನ್ನು ಬಿಟ್ಟು ಸುಲಭವಾದ ತಕ್ಷಣದ ಆಯ್ಕೆಗಳ ಕಡೆ ಹೆಚ್ಚು ಹೋಗುತ್ತೇವೆ.
ಒಂದು ದಿನದ ಖುಷಿ ನೀಡೋ ವಿಷಯಗಳು ಬಹಳಿವೆ. ಆದರೆ ವರ್ಷಗಳ ನಂತರವೂ ಮನಸ್ಸಿಗೆ ಶಾಂತಿ ಕೊಡುವ ಜೀವನ ಕಟ್ಟೋದು ಬೇರೆ ವಿಷಯ. ಅದಕ್ಕಾಗಿ ಕೆಲವೊಮ್ಮೆ ನಿಧಾನವಾಗಿ ಯೋಚಿಸಿ ನಿರ್ಧಾರ ತೆಗೆದುಕೊಳ್ಳಬೇಕು.
