ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಮಹಾರಾಷ್ಟ್ರ ರಾಜಕೀಯದಲ್ಲಿ ಹೊಸ ಬೆಳವಣಿಗೆಯೊಂದು ನಡೆದಿದ್ದು, ಉದ್ಧವ್ ಠಾಕ್ರೆ ನೇತೃತ್ವದ ಶಿವಸೇನೆ (ಯುಬಿಟಿ) ಬಣಕ್ಕೆ ಭಾರೀ ಹಿನ್ನಡೆಯಾಗಿದೆ. ಬಂಡಾಯದ ಸುಳಿವಿನಲ್ಲಿದ್ದ ಆರು ಲೋಕಸಭಾ ಸದಸ್ಯರು ಅಧಿಕೃತವಾಗಿ ಏಕನಾಥ್ ಶಿಂಧೆ ನೇತೃತ್ವದ ಶಿವಸೇನೆಗೆ ಸೇರ್ಪಡೆಯಾಗಿದ್ದಾರೆ.
ಶಿಂಧೆ ನಿವಾಸದಲ್ಲಿ ಮಹತ್ವದ ಸಭೆ
ಮುಂಬೈಗೆ ಆಗಮಿಸಿದ್ದ ಆರು ಸಂಸದರು ಮೊದಲು ಏಕನಾಥ್ ಶಿಂಧೆ ಅವರ ನಿವಾಸದಲ್ಲಿ ಸಭೆ ನಡೆಸಿದರು. ಬಳಿಕ ಜಂಟಿ ಸುದ್ದಿಗೋಷ್ಠಿಯಲ್ಲಿ ಶಿವಸೇನೆ (ಶಿಂಧೆ ಬಣ) ಸೇರುವುದಾಗಿ ಘೋಷಣೆ ಮಾಡಿದರು.
ಯಾರು ಪಕ್ಷಾಂತರ ಮಾಡಿದರು?
ಮುಂಬೈ, ಪರಭಣಿ, ಯವತ್ಮಾಲ್-ವಾಶಿಮ್, ಧಾರಾಶಿವ್, ಶಿರಡಿ ಮತ್ತು ಹಿಂಗೋಲಿ ಕ್ಷೇತ್ರಗಳನ್ನು ಪ್ರತಿನಿಧಿಸುವ ಆರು ಸಂಸದರು ಈ ನಿರ್ಧಾರ ಕೈಗೊಂಡಿದ್ದಾರೆ.
ಇದನ್ನೂ ಓದಿ:
‘ಆಪರೇಷನ್ ಟೈಗರ್’ ಯಶಸ್ವಿ ಎಂದ ಶಿಂಧೆ
ಈ ಬೆಳವಣಿಗೆಯ ಬಳಿಕ ಮಾತನಾಡಿದ ಏಕನಾಥ್ ಶಿಂಧೆ, ಬಾಳಾಸಾಹೇಬ ಠಾಕ್ರೆ ಅವರ ತತ್ವಗಳನ್ನು ನಂಬುವ ನಿಜವಾದ ಶಿವಸೈನಿಕರು ಮತ್ತೆ ತಮ್ಮ ಕುಟುಂಬಕ್ಕೆ ಮರಳಿದ್ದಾರೆ ಎಂದು ಹೇಳಿದರು.
ಉದ್ಧವ್ ಬಣದ ಬಲ ಕುಸಿತ
ಲೋಕಸಭೆಯಲ್ಲಿ ಒಂಬತ್ತು ಸಂಸದರನ್ನು ಹೊಂದಿದ್ದ ಉದ್ಧವ್ ಠಾಕ್ರೆ ಬಣಕ್ಕೆ ಇದೀಗ ಕೇವಲ ಮೂವರು ಸದಸ್ಯರು ಮಾತ್ರ ಉಳಿದಿದ್ದಾರೆ. ಮೂರನೇ ಎರಡರಷ್ಟು ಸಂಖ್ಯಾಬಲ ಹೊಂದಿರುವ ಕಾರಣ ಪಕ್ಷಾಂತರ ವಿರೋಧಿ ಕಾಯ್ದೆಯ ಅಡಿಯಲ್ಲಿ ಈ ಸಂಸದರನ್ನು ಅನರ್ಹಗೊಳಿಸುವುದು ಕಷ್ಟಕರವಾಗಲಿದೆ.
