ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತೊಮ್ಮೆ ಜಾಗತಿಕ ವ್ಯಾಪಾರದ ಮೇಲೆ ಪರಿಣಾಮ ಬೀರುವ ಮಹತ್ವದ ನಿರ್ಧಾರ ಕೈಗೊಂಡಿದ್ದಾರೆ. ಭಾರತ, ಚೀನಾ, ಬ್ರಿಟನ್ ಸೇರಿದಂತೆ 60ಕ್ಕೂ ಹೆಚ್ಚು ದೇಶಗಳಿಂದ ಅಮೆರಿಕಕ್ಕೆ ಆಮದು ಆಗುವ ಕೆಲವು ವಸ್ತುಗಳ ಮೇಲೆ 10ರಿಂದ 12.5 ಶೇಕಡಾವರೆಗೆ ಹೊಸ ಸುಂಕ (ಟ್ಯಾರಿಫ್) ವಿಧಿಸುವುದಾಗಿ ಘೋಷಿಸಿದ್ದಾರೆ.
ಏಕೆ ಹೊಸ ಟ್ಯಾರಿಫ್?
ಬಲವಂತದ ಕಾರ್ಮಿಕರಿಂದ ತಯಾರಾಗುವ ಉತ್ಪನ್ನಗಳ ಆಮದನ್ನು ತಡೆಯುವ ಕಾನೂನುಗಳನ್ನು ಹಲವು ದೇಶಗಳು ಸಮರ್ಪಕವಾಗಿ ಜಾರಿಗೊಳಿಸುತ್ತಿಲ್ಲ ಎಂಬ ಕಾರಣವನ್ನು ಅಮೆರಿಕ ಮುಂದಿಟ್ಟಿದೆ. ಇಂತಹ ಕ್ರಮಗಳು ಮಾನವ ಹಕ್ಕುಗಳ ರಕ್ಷಣೆ ಮತ್ತು ನ್ಯಾಯಸಮ್ಮತ ವ್ಯಾಪಾರಕ್ಕೆ ಅಗತ್ಯವೆಂದು ಟ್ರಂಪ್ ಆಡಳಿತ ಹೇಳಿದೆ.
ಇದನ್ನೂ ಓದಿ:
ಭಾರತದ ಮೇಲೆ ಎಷ್ಟು ಪರಿಣಾಮ?
ಹೊಸ ಆದೇಶದ ಬಳಿಕ ಭಾರತದ ಮೇಲಿನ ಒಟ್ಟು ಸುಂಕ 10 ಶೇಕಡಾದಲ್ಲೇ ಮುಂದುವರಿಯಲಿದೆ. ಭಾರತವು ಬಲವಂತದ ಕಾರ್ಮಿಕರಿಂದ ತಯಾರಾದ ಉತ್ಪನ್ನಗಳ ಆಮದನ್ನು ತಡೆಯಲು ಕ್ರಮಗಳನ್ನು ಕೈಗೊಂಡಿರುವುದರಿಂದ ಹೆಚ್ಚುವರಿ 12.5 ಶೇಕಡಾ ಸುಂಕದಿಂದ ಸದ್ಯಕ್ಕೆ ವಿನಾಯಿತಿ ಪಡೆದಿದೆ.
ಇನ್ನಷ್ಟು ಸುಂಕಗಳ ಸಾಧ್ಯತೆ
ಟ್ರಂಪ್ ಆಡಳಿತ ಮುಂದಿನ ಕೆಲವು ವಾರಗಳಲ್ಲಿ ಮತ್ತಷ್ಟು ಹೊಸ ಟ್ಯಾರಿಫ್ಗಳನ್ನು ಘೋಷಿಸುವ ಸಾಧ್ಯತೆಯಿದೆ. ವಿಶೇಷವಾಗಿ ತಮ್ಮ ದೇಶದ ಉತ್ಪಾದಕರಿಗೆ ಹೆಚ್ಚಿನ ಸಬ್ಸಿಡಿ ನೀಡುವ ರಾಷ್ಟ್ರಗಳಿಂದ ಆಮದು ಆಗುವ ಉತ್ಪನ್ನಗಳ ಮೇಲೆ ಹೆಚ್ಚುವರಿ ಸುಂಕ ವಿಧಿಸುವ ಬಗ್ಗೆ ಅಮೆರಿಕ ಚಿಂತನೆ ನಡೆಸುತ್ತಿದೆ. ಇದರಿಂದ ಜಾಗತಿಕ ವ್ಯಾಪಾರದಲ್ಲಿ ಹೊಸ ಬೆಳವಣಿಗೆಗಳು ಕಂಡುಬರುವ ಸಾಧ್ಯತೆ ಇದೆ.
