ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತೀಯ ಮಹಿಳಾ ತಂಡ ಏಷ್ಯನ್ ಗೇಮ್ಸ್ 2026ರ ಅಥ್ಲೆಟಿಕ್ಸ್ನಲ್ಲಿ ಮೊದಲ ಚಿನ್ನದ ಪದಕವನ್ನು ತನ್ನದಾಗಿಸಿಕೊಂಡಿದೆ. ಮಹಿಳೆಯರ 4×400 ಮೀಟರ್ ರಿಲೇಯಲ್ಲಿ ಕಿರಣ್ ಪಹಲ್, ಪೂವಮ್ಮಾ ಮಾಚೆಟ್ಟಿರಾ, ಪ್ರಾಚಿ ಹಾಗೂ ವಿತ್ತ್ಯಾ ರಾಮರಾಜ್ ಅವರನ್ನೊಳಗೊಂಡ ಭಾರತ ತಂಡ 3:29.69 ಸೆಕೆಂಡ್ಗಳಲ್ಲಿ ಗುರಿ ತಲುಪಿ ಸ್ವರ್ಣ ಪದಕ ಗೆದ್ದಿತು.
ಭಾರತದ ಮಹಿಳಾ ರಿಲೇ ತಂಡ ಆರಂಭದಿಂದಲೇ ಮುಂಚೂಣಿ ತಂಡಗಳಿಗೆ ತೀವ್ರ ಪೈಪೋಟಿ ನೀಡಿತು. ಕೊನೆಯ ಹಂತದಲ್ಲಿ ವೇಗ ಹೆಚ್ಚಿಸಿದ ಭಾರತೀಯ ಓಟಗಾರ್ತಿಯರು ಬ್ಯಾಟನ್ ನೀಡುವಲ್ಲಿ ಯಾವುದೇ ತಪ್ಪಿಗೆ ಅವಕಾಶ ನೀಡದೆ ನಿರೀಕ್ಷಿತ ಗುರಿ ಮುಟ್ಟಿದರು. 3:30.21 ಸೆಕೆಂಡ್ಗಳಲ್ಲಿ ಓಟ ಪೂರ್ಣಗೊಳಿಸಿದ ಬಹ್ರೇನ್ ಬೆಳ್ಳಿ ಪದಕ ಗೆದ್ದರೆ, 3:31.02 ಸೆಕೆಂಡ್ಗಳಲ್ಲಿ ಗುರಿ ತಲುಪಿದ ಚೀನಾ ಕಂಚಿನ ಪದಕಕ್ಕೆ ತೃಪ್ತಿಪಟ್ಟಿತು.
ವಿತ್ಯಾ ರಾಮ್ರಾಜ್ ಪದಕ ಕ್ರಾಂತಿ
ಇದೇ ವೇಳೆ ವಿತ್ತ್ಯಾ ರಾಮರಾಜ್ಗೆ ಈ ಗೆಲುವು ಮತ್ತೊಂದು ವಿಶೇಷ ಸಾಧನೆಯಾಗಿದೆ. ಏಷ್ಯನ್ ಗೇಮ್ಸ್ನಲ್ಲಿ ಈಗಾಗಲೇ ವೈಯಕ್ತಿಕ ಸ್ಪರ್ಧೆಯಲ್ಲಿ ಗಮನ ಸೆಳೆದಿದ್ದ ಅವರು ರಿಲೇ ತಂಡದ ಗೆಲುವಿನಲ್ಲೂ ಪ್ರಮುಖ ಪಾತ್ರ ವಹಿಸಿದ್ದಾರೆ.
ಮಹಿಳೆಯರ 4x400m ರಿಲೇ: ಚಿನ್ನದ ಪದಕ
ಮಿಕ್ಸೆಡ್ 4x400m ರಿಲೇ: ಬೆಳ್ಳಿ ಪದಕ
ಮಹಿಳೆಯರ 400m ಹರ್ಡಲ್ಸ್: ಕಂಚಿನ ಪದಕ ಪಡೆದು ವಿತ್ತ್ಯಾ ಸಾಧನೆ ಮಾಡಿದ್ದಾರೆ.
ಇದನ್ನೂ ಓದಿ:
ಅಥ್ಲೆಟಿಕ್ಸ್ನ ಇತರ ಸ್ಪರ್ಧೆಗಳಲ್ಲೂ ಭಾರತಕ್ಕೆ ಪದಕಗಳು ಒಲಿದಿವೆ. ಪುರುಷರ 5000 ಮೀಟರ್ನಲ್ಲಿ ಗುಲ್ವೀರ್ ಸಿಂಗ್ ಕಂಚಿನ ಪದಕ ಗೆದ್ದರೆ, ಮಹಿಳೆಯರ ಹೈಜಂಪ್ನಲ್ಲಿ ಪೂಜಾ ಸಿಂಗ್ 1.84 ಮೀಟರ್ ಜಿಗಿದು ಕಂಚು ಪಡೆದರು. ಮಿಶ್ರ 4×100 ಮೀಟರ್ ರಿಲೇಯಲ್ಲೂ ಭಾರತ ಕಂಚು ಗೆದ್ದಿದೆ. ಪುರುಷರ 4×400 ಮೀಟರ್ ರಿಲೇಯಲ್ಲಿ ಭಾರತ ಕಂಚಿನ ಪದಕಕ್ಕೆ ತೃಪ್ತಿಪಟ್ಟಿದೆ.
ಒಟ್ಟಿನಲ್ಲಿ, ಮಹಿಳಾ 4×400 ಮೀಟರ್ ರಿಲೇಯ ಚಿನ್ನದ ಓಟ ಭಾರತದ ಅಥ್ಲೆಟಿಕ್ಸ್ ತಂಡಕ್ಕೆ ಏಷ್ಯನ್ ಗೇಮ್ಸ್ನಲ್ಲಿ ಹೊಸ ಉತ್ಸಾಹ ನೀಡಿದೆ. ವೇಗಕ್ಕಿಂತಲೂ ಸಮನ್ವಯ ಮತ್ತು ಕೊನೆಯ ಕ್ಷಣದ ಸ್ಥೈರ್ಯವೇ ಈ ಗೆಲುವಿನ ಪ್ರಮುಖ ಅಂಶವಾಗಿ ಮೂಡಿಬಂದಿದೆ.
