Wednesday, October 5, 2022

Latest Posts

ನೇಣುಬಿಗಿದ ಸ್ಥಿತಿಯಲ್ಲಿ ಹಿಂದೂ ಯುವಕನ ಶವ ಪತ್ತೆ: ಮತಾಂತರಕ್ಕೆ ಒಪ್ಪದ್ದಕ್ಕೆ ಹತ್ಯೆ ಆರೋಪ

ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌
ಅಸ್ಸಾಂನ ಲಖಿಂಪುರದಲ್ಲಿ ಕ್ರಿಶ್ಚಿಯನ್‌ ಯುವತಿಯೊಂದಿಗೆ ಓಡಿಹೋಗಿದ್ದ ಹಿಂದೂ ಯುವಕನೊಬ್ಬ ಟೀ ತೋಟದಲ್ಲಿ ಮರಕ್ಕೆ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾನೆ. ಮತಾಂತರಗೊಳ್ಳಲು ನಿರಾಕರಿಸಿದ್ದಕ್ಕೆ ಆತನ ಗೆಳತಿಯ ಮನೆಯವರು ಆತನನ್ನು ಹೊಡೆದು ಕೊಂದಿದ್ದಾರೆ ಎಂದು ಯುವಕನ ಕುಟುಂಬ ಆರೋಪಿಸಿದೆ.
ಅವರ ಕಣ್ಣು, ಮೂಗು ಮತ್ತು ಕಿವಿಯಲ್ಲಿ ರಕ್ತವಿತ್ತು ಎಂದು ಕುಟುಂಬದವರು ತಿಳಿಸಿದ್ದಾರೆ.
ಘಟನೆ ಸಂಬಂಧ ಜನರ ಆಕ್ರೋಶ ಹೆಚ್ಚುತ್ತಿದ್ದಂತೆ ಪೊಲೀಸರು ಐದು ಜನರನ್ನು ಬಂಧಿಸಿದ್ದಾರೆ. ಇಬ್ಬರು ಚರ್ಚ್ ಅಧಿಕಾರಿಗಳು ಮತ್ತು ಹುಡುಗಿಯ ತಂದೆ ಮತ್ತು ಚಿಕ್ಕಪ್ಪನನ್ನು ಲಖಿಂಪುರದಲ್ಲಿ ಬಂಧಿಸಲಾಗಿದೆ. ಬಿಕಿ ಬಿಶಾಲ್‌ನನ್ನು ಕೊಲ್ಲಲಾಗಿದೆಯೇ ಅಥವಾ ಆತ್ಮಹತ್ಯೆಯಿಂದ ಸಾವನ್ನಪ್ಪಿದ್ದಾನೆಯೇ ಎಂಬ ಬಗ್ಗೆ ಇನ್ನೂ ತನಿಖೆ ನಡೆಯುತ್ತಿದೆ.
ಘಟನೆ ಹಿನ್ನೆಲೆ:
ಇದೇ ತಿಂಗಳ ಸೆಪ್ಟೆಂಬರ್ 3 ರಂದು ಬಿಕಿ ಬಿಶಾಲ್ ತನ್ನ ಗೆಳತಿಯೊಂದಿಗೆ ಓಡಿಹೋಗಿದ್ದ. ಆ ಬಳಿಕ ಅವಳನ್ನು ಮನೆಗೆ ಕರೆತಂದಿದ್ದ. ಹುಡುಗಿ ಕ್ರಿಶ್ಚಿಯನ್ ಸಮುದಾಯಕ್ಕೆ ಸೇರಿದವಳಾಗಿದ್ದಳು. ಆಕೆಯ ಮನೆಯವರು ಕೆಲವು ಚರ್ಚ್ ಅಧಿಕಾರಿಗಳೊಂದಿಗೆ ಅವನ ಮನೆಗೆ ಬಂದು ಹುಡುಗಿಯನ್ನು ಬಲವಂತವಾಗಿ ಕರೆದೊಯ್ದರು. ಸೋಮವಾರ ಬಿಶಾಲ್‌ಗೆ ಮತ್ತೊಂದು ಕರೆ ಬಂದು ಅಲ್ಲಿಂದ ಹೊರಟು ಹೋಗಿದ್ದಾನೆ. ಆ ಬಳಿಕ ಆತ ಹಿಂತಿರುಗಿಲ್ಲ. ಅವನಿಗೆ ಬಂದ ಕರೆ ಆತನ ಗೆಳತಿಯ ಕುಟುಂಬದಿಂದ ಬಂದಿದ್ದು, ಅವನನ್ನು ಕರೆಸಿಕೊಂಡ ಅವರು ಅವನನ್ನು ಕೊಂದು ಮರಕ್ಕೆ ನೇಣು ಹಾಕಿದ್ದಾರೆ ಎಂದು ಜನರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
“ಇಬ್ಬರು ಚರ್ಚ್ ಅಧಿಕಾರಿಗಳ ಸಹಾಯದಿಂದ ಹುಡುಗಿಯ ಕುಟುಂಬವು ಆತ ಅವಳನ್ನು ಮದುವೆಯಾಗಲು ಮತಾಂತರಗೊಳ್ಳುವಂತೆ ಬಿಶಾಲ್ ಮೇಲೆ ಒತ್ತಡ ಹೇರಿದ ಆರೋಪಗಳಿವೆ, ಆದರೆ ಅವನು ಒಪ್ಪಲಿಲ್ಲ” ಎಂದು ಪ್ರಕರಣವನ್ನು ನಿರ್ವಹಿಸುವ ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ಹೇಳಿದ್ದಾರೆ.
ಬಿಶಾಲ್‌ನ ಹಳ್ಳಿಯ ಜನರು ಅವರ ಕುಟುಂಬಕ್ಕೆ ನ್ಯಾಯಕ್ಕಾಗಿ ಒತ್ತಾಯಿಸಿ ಪ್ರತಿಭಟನೆ ನಡೆಸುತ್ತಿದ್ದಾರೆ. ಬಲವಂತದ ಮತಾಂತರಕ್ಕಾಗಿ ಹಿಂದೂ ವ್ಯಕ್ತಿಯೊಬ್ಬನನ್ನು ಹತ್ಯೆ ಮಾಡಲಾಗಿದೆ ಎಂದು ಅವರು ಆರೋಪಿಸಿದ್ದಾರೆ. “ನಾವು ಅವರ ಮೂಗು, ಕಿವಿ ಮತ್ತು ಕಣ್ಣುಗಳಲ್ಲಿ ರಕ್ತ ಬರುತ್ತಿತ್ತು. ಇದು ಅವರು ಆತ್ಮಹತ್ಯೆಯಿಂದ ಸತ್ತಿಲ್ಲ, ಅವರು ಕೊಲೆ ಮತ್ತು ನೇಣು ಹಾಕಲಾಗಿದೆ ಎಂಬುದು ಮೇಲ್ನೋಟಕ್ಕೆ ಕಂಡುಬರುತ್ತಿದೆ ಎಂದು ಬಿಶಾಲ್ ಆಪ್ತರು ಆರೋಪಿಸಿದ್ದಾರೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!