ಅತ್ಯಾಚಾರ ಪ್ರಕರಣದಲ್ಲಿ ಖುಲಾಸೆ: ಶ್ರೀಲಂಕಾ ಕ್ರಿಕೆಟಿಗ ದನುಷ್ಕಾ ಗುಣತಿಲಕ ನಿಷೇಧ ವಾಪಾಸ್!

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌ 

ಶ್ರೀಲಂಕಾ ಬ್ಯಾಟರ್​ ಧನುಷ್ಕಾ ಗುಣತಿಲಕ ವಿರುದ್ಧದ ನಿಷೇಧ ಶಿಕ್ಷೆಯನ್ನು ವಾಪಸ್ ಪಡೆಯಲು ಕ್ರಿಕೆಟ್​ ಮಂಡಳಿ ನಿರ್ಧರಿಸಿದೆ.

ಕಳೆದ ವರ್ಷ ಆಸ್ಟ್ರೇಲಿಯಾದಲ್ಲಿ ಗಂಭೀರ ಲೈಂಗಿಕ ದೌರ್ಜನ್ಯದ (Physical abuse) ಆರೋಪಗಳ ಮೇಲೆ ಕ್ರಿಕೆಟಿಗನ ಮೇಲೆ ದೂರು ದಾಖಲಾಗಿತ್ತು.ಹಲವಾರು ನಿಷೇಧಗಳನ್ನು ಹೇರಲಾಗಿತ್ತು. ಇದೀಗ ಅವರ ಮೇಲಿನ ಶಿಕ್ಷೆಯನ್ನು ವಾಪಸ್​ ಪಡೆಯುವುದಾಗಿ ಸಮಿತಿ ಹೇಳಿದೆ.

ಶಿಕ್ಷೆಯನ್ನು ವಾಪಸ್ ಪಡೆಯುವ ಶಿಫಾರಸುಗಳನ್ನು ಅಕ್ಟೋಬರ್ 13 ರಂದು ಮಂಡಳಿಯ ಕಾರ್ಯಕಾರಿ ಸಮಿತಿ ಅನುಮೋದಿಸಿದೆ. ಆಲ್​ರೌಂಡರ್​ಗೆ ಲಿಖಿತ ಎಚ್ಚರಿಕೆಯನ್ನು ನೀಡಲಾಗಿದೆ. ಹೀಗೆ ಭವಿಷ್ಯದ ಕ್ರಿಕೆಟ್​ ಚಟುವಟಿಕೆಗಳಲ್ಲಿ ಅವರು ರಾಷ್ಟ್ರದ ಪ್ರತಿನಿಧಿಯಾಗಿ ಅದೇಶ ಸ್ಥಾನಮಾನವನ್ನು ಯಾವಾಗಲೂ ಕಾಪಾಡಬೇಕು ಎಂದು ಅವರಿಗೆ ಸೂಚಿಸಲಾಗಿದೆ.

ಗುಣತಿಲಕ ಅವರನ್ನು 2022 ರಲ್ಲಿ ಆಸ್ಟ್ರೇಲಿಯಾದಲ್ಲಿ ಟಿ 20 ಐ ವಿಶ್ವಕಪ್ ಸಮಯದಲ್ಲಿ ಬಂಧಿಸಲಾಗಿತ್ತು. ಬಂಧನದ ನಂತರ, ಅವರನ್ನು ದೇಶದಲ್ಲಿ 11 ತಿಂಗಳ ಕಾಲ ಪ್ರಯಾಣ ನಿರ್ಬಂಧಗಳಿಗೆ ಒಳಪಡಿಸಲಾಗಿತ್ತು. ವಿಚಾರಣೆಯನ್ನು ಎದುರಿಸಿದ್ದರು. ಅದು ನಂತರ ಅವರನ್ನು ಆರೋಪದಿಂದ ಮುಕ್ತಗೊಳಿಸಲಾಗಿತ್ತು. ಇದೀಗ ಅವರ ನಿಷೇಧವನ್ನು ತೆಗೆದುಹಾಕುವುದರೊಂದಿಗೆ, ಆಲ್​ರೌಂಡರ್​ ಅಂತಿಮವಾಗಿ ದೀರ್ಘ ವಿರಾಮದ ಬಳಿಕ ಅಂತಾರಾಷ್ಟ್ರೀಯ ಕರ್ತವ್ಯಗಳಿಗೆ ಮರಳುವಂತಾಗಿದೆ.