ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಪ್ರಭಾಸ್ ಅಭಿನಯದ ಓಂ ರಾವುತ್ ನಿರ್ದೇಶನದ ಆದಿಪುರುಷ ಚಿತ್ರ ಬಿಡುಗಡೆಯಾದ ದಿನದಿಂದಲೇ ವಿವಾದಕ್ಕೀಡಾಗಿದ್ದು ಗೊತ್ತೇ ಇದೆ. ದೇಶಾದ್ಯಂತ ಈ ಚಿತ್ರದ ಬಗ್ಗೆ ನಿರ್ದೇಶಕ ಓಂ ರಾವುತ್ ಮತ್ತು ರಿಯಾತ್ರಾ ಮನೋಜ್ ಮೇಲೆ ಸಾಕಷ್ಟು ಟೀಕೆಗಳು ಮತ್ತು ಟ್ರೋಲ್‌ಗಳು ಬಂದಿವೆ.
ಆದರೆ ವಿವಾದಗಳ ನಡುವೆಯೂ ಮೊದಲ ಮೂರು ದಿನಗಳ ಕಲೆಕ್ಷನ್ ಚೆನ್ನಾಗಿತ್ತು. ಮೊದಲ ಮೂರು ದಿನಗಳಲ್ಲಿ 340 ಕೋಟಿ ಕಲೆಕ್ಷನ್ ಪಡೆದಿದ್ದು, ಆ ನಂತರ ಸಿನಿಮಾದ ಕಲೆಕ್ಷನ್ ನಲ್ಲಿ ಭಾರೀ ಕುಸಿತ ಕಂಡಿದೆ. ಈ ಸಿನಿಮಾ ಇನ್ನೂ 500 ಕೋಟಿ ಗಡಿ ತಲುಪಿಲ್ಲ ಎಂದು ವರದಿಯಾಗಿದೆ. ಮೊದಲ ನಾಲ್ಕು ದಿನಗಳ ಕಲೆಕ್ಷನ್ ಅನ್ನು ಅಧಿಕೃತವಾಗಿ ಬಹಿರಂಗಪಡಿಸಿದ ಚಿತ್ರತಂಡ, ನಂತರ ಕಲೆಕ್ಷನ್ ಬಗ್ಗೆ ಮಾತನಾಡಲಿಲ್ಲ.
ಇದರೊಂದಿಗೆ ಪಠಾಣ್ ಚಿತ್ರಕ್ಕೆ ಬಳಸಿರುವ ತಂತ್ರಗಾರಿಕೆಯನ್ನು ಬಳಸಿಕೊಳ್ಳಲು ಚಿತ್ರತಂಡ ರೆಡಿಯಾಗಿದೆ. 700 ಕೋಟಿಯ ನಂತರ ಪಠಾಣ್ ಕಲೆಕ್ಷನ್ ಇಳಿಮುಖವಾದಂತೆ ಅಂದಿನಿಂದ ವಾರಕ್ಕೆ ಆಫರ್ ಕೊಟ್ಟು ಟಿಕೆಟ್ ದರ ಇಳಿಸಿ ಜನರನ್ನು ಥಿಯೇಟರ್ ಗೆ ಕರೆತಂದು ಒಟ್ಟು 1000 ಕೋಟಿ ಕಲೆಕ್ಷನ್ ಮಾಡಿದ್ದಾರೆ. ಈಗ ಅದೇ ತಂತ್ರವನ್ನು ಆದಿಪುರುಷ ಚಿತ್ರಕ್ಕೂ ಬಳಸುತ್ತಿದೆ ಚಿತ್ರತಂಡ. ಇತ್ತೀಚೆಗೆ 3D ಸ್ಕ್ರೀನಿಂಗ್‌ಗಳಿಗೆ 150 ರೂಪಾಯಿಗಳ ಟಿಕೆಟ್ ದರವನ್ನು ನೀಡಲಾಗಿದೆ. ಇದು ಕೂಡ ವರ್ಕ್ ಔಟ್ ಆಗದ ಕಾರಣ ಇದೀಗ ಟಿಕೆಟ್ ದರವನ್ನು ಮತ್ತಷ್ಟು ಕಡಿಮೆ ಮಾಡಲಾಗಿದ್ದು, ಈಗ 3ಡಿ ಟಿಕೆಟ್ ದರ ಕೇವಲ 112 ರೂಪಾಯಿ ಎಂದು ಘೋಷಿಸಲಾಗಿದೆ. ಈ ಆಫರ್ ಕೂಡ ಬಾಲಿವುಡ್‌ಗೆ ಮಾತ್ರ ಸೀಮಿತವಾಗಿದೆ. ವಾರಾಂತ್ಯದಲ್ಲಿ ತೆಲುಗಿನಲ್ಲಿ ಬುಕ್ಕಿಂಗ್ ಚೆನ್ನಾಗಿರುವುದರಿಂದ ಬಾಲಿವುಡ್ ನಲ್ಲಿ ಮಾತ್ರ ಈ ಆಫರ್ ನೀಡಲಾಗಿದೆ ಎಂದು ಗೊತ್ತಾಗಿದೆ.
ಚಿತ್ರದ ನಿರ್ಮಾಪಕರು ಕಲೆಕ್ಷನ್‌ಗಾಗಿಯೇ ಇಷ್ಟು ಖರ್ಚು ಮಾಡುತ್ತಿದ್ದಾರೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ. 1000 ಕೋಟಿ ಟಾರ್ಗೆಟ್ ಇಟ್ಟುಕೊಂಡು ರಿಲೀಸ್ ಮಾಡಿದರೂ ಇನ್ನೂ 500 ಕೋಟಿ ಗಳಿಸಿಲ್ಲ ಎಂದು ಮತ್ತೊಮ್ಮೆ ಟೀಕೆ ಮಾಡುತ್ತಿದ್ದಾರೆ.
